هل السواقه تصيب بضغط الدم و امراض القلب ؟ -- جادد جداا و دعوه للحوار

**ابو لؤى** · 22-05-2013 05:58 PM

والله كل مره لازم ادور العربيه فيها اقعد اقول فى نفسى ان شاء الله مش ناوى اتعصب وانا سايق هكون بارد هكون بارد يجى موقف يخلينى اشيط يعنى مثلا شارع رايح جاى يجى عيل عربجى يوقفك علشان يلف بالتوك توك وياريت بيلف ويخلص لا ده فى وسط ماهو بيلف جت زبونه ست كبيره وفضل بتاع دقيقتين عقبال ماركبت بقيت نفسى اشيل التوك توك بالعربيه والله مره تانيه كنت رايق وبهرج وبضحك ومشغل الكاسيت ورايق وعلى كوبرى اكتوبر الاقى بي ام بيزنق عليا طبعا الدنيا بتمشى سنه سنه المهم عمال اديله كلاكس ولاهو هنا المهم قربت جمبه ابصله بيبصلى ولا هو هنا اكنه عايز يقولى مالك ياعم ماتخليك فى المخروبه بتاعتك لازم تحصل حاجه تفور دمك نزلت بليل كانت الساعه حوالى 2 المهم نازل من كوبرى فيصل فى اتجاه شارع السودان وطبعا الدنيا فاضيه وظلمه اوى ماعلينا كنت ماشى فى النصف لان على الشمال فى زى بلاعات كده والاقى ميكروباص جاى من ورايا عايز يعدى ويدى كلاكس وينور العالى كل ده فى لحظات وسعتله مش عايز يعدى طبعا قربت على الحته بتاعه كوبرى ثروت فالازم اخد الشمال روحت جيت قدامه تانى فضل يعمل كده تانى لحد البحوث ولا عبرته بس طبعا هتجنن منه وبس صدعتكم ها هههههههههه

**p r i n c e** · 22-05-2013 07:01 PM

المشاركة الأصلية كتبت بواسطة ahmed air

والله كل مره لازم ادور العربيه فيها اقعد اقول فى نفسى ان شاء الله مش ناوى اتعصب وانا سايق هكون بارد هكون بارد يجى موقف يخلينى اشيط يعنى مثلا شارع رايح جاى يجى عيل عربجى يوقفك علشان يلف بالتوك توك وياريت بيلف ويخلص لا ده فى وسط ماهو بيلف جت زبونه ست كبيره وفضل بتاع دقيقتين عقبال ماركبت بقيت نفسى اشيل التوك توك بالعربيه والله مره تانيه كنت رايق وبهرج وبضحك ومشغل الكاسيت ورايق وعلى كوبرى اكتوبر الاقى بي ام بيزنق عليا طبعا الدنيا بتمشى سنه سنه المهم عمال اديله كلاكس ولاهو هنا المهم قربت جمبه ابصله بيبصلى ولا هو هنا اكنه عايز يقولى مالك ياعم ماتخليك فى المخروبه بتاعتك لازم تحصل حاجه تفور دمك نزلت بليل كانت الساعه حوالى 2 المهم نازل من كوبرى فيصل فى اتجاه شارع السودان وطبعا الدنيا فاضيه وظلمه اوى ماعلينا كنت ماشى فى النصف لان على الشمال فى زى بلاعات كده والاقى ميكروباص جاى من ورايا عايز يعدى ويدى كلاكس وينور العالى كل ده فى لحظات وسعتله مش عايز يعدى طبعا قربت على الحته بتاعه كوبرى ثروت فالازم اخد الشمال روحت جيت قدامه تانى فضل يعمل كده تانى لحد البحوث ولا عبرته بس طبعا هتجنن منه وبس صدعتكم ها هههههههههه

خليك بارد و اقفل الإزاز و متكلمش حد ولا تبص على حد والله هترتاح

**toty_305** · 22-05-2013 07:19 PM

-والله أنا من كتر الضغط سيبت العربيه و بركب مواصلات

**Diaby** · 22-05-2013 08:08 PM

اللى بيعصب اكتر برود اللى قدامك وكأنه معملش حاجة
مرة كنت راكب العربية مع والدي بليل وهو اللى كان سايق كان ساعتها معانا عربية 128 جمب الماتريكس للمشاوير الصغيرة ماشيين ف شارع متقسم رايح وجاى وف الوسط الحاجات الواطية دي اللى شبه المطب الصناعى ياخد عربيتين 3تلاتة بالعافية ساعة الزحمة كل ناحية ماشيين ف امان الله ومرة واحدة الناحية التانية كزا عربية ورا بعض شكلو كان فرح وبيسابقو بعض عادي مافيهاش حاجة ماشى ف سكته واذ فجاة عربية كورولا الجنوب افريقى 2008/2009 سايب طريقو وجاي عكس ومفيش بينا وبينو وكنا على سرقة 60 تقريبا طبعا والدي فرمل ورما على الناحية التانية كان فى تاكسى ماشى جمبينا كنا هنخبط فيه بس لحق نفسه وفرمل معانا طبعا كل ده مفيش 8 ثوانى العربية طلعت فجاة لقيناها ف وشنا ف العربية وقفت خالص التانى ابن ال^%%^^%&&^^% بيبص بقرف لل128 فوالدي بيبصله لسه هيكلمه يعنى ينفع كده وهتخبطنا ف التاكسى التانى مش عاجبه هناخره على السباق راح شاتم وطلع يجري بس كنا لازقين ف بعض متجبهوش راح حاكك عربيته من الفانوس للفانوس ف حرف الشنطة عندنا ومكمل سكته ولا كان في حاجة حصلت بس الحمدلله محصلش حاجة عندنا بس الجمب عنده باظ لغاية كده السفالة وقلة الادب وصلت بينا واللى ينرفز انو بيشتم ومش عاجبه اننا عطلناه واسف على الاطالة

**mshmshm3** · 22-05-2013 08:12 PM

نفض و خليك بارد
عشان احنا مش بنمشي صح الا بالكرباج
و عمرنا ما هانتقدم من نفسنا

**ابو لؤى** · 23-05-2013 02:23 PM

المشاركة الأصلية كتبت بواسطة dr-a.7.m.a.d

خليك بارد و اقفل الإزاز و متكلمش حد ولا تبص على حد والله هترتاح

المشكله انى لو قفلت الشباك هتخنق العربيه 128 ولو انت ركبت 128 هتعرف انا اقصد ايه صهد الماتور كله بيدخل الصالون والله اعرف واحد لمه يكون رايح مشوار طويل بيروح قالع القميص ويكون بالفنله بس هههههههههههههه من الحر

**enghany** · 23-05-2013 07:34 PM

المشاركة الأصلية كتبت بواسطة amr_tika88

مشكلتنا يافندم انا احنا ميحكمناش غير فرعون وطالما بيبقي في ردع قوي وعقاب شديد بنمشي كويس وبنحترم نفسنا بدليل خارج حدود مصر اتفرج المصريين بيكونوا عاملين ازاي

ناس تخاف ماتختشيش و اللهي طيب ليه كده هل ده من التخلف و قله التعليم

**enghany** · 23-05-2013 07:36 PM

المشاركة الأصلية كتبت بواسطة khaabas

هى موش السواقة الصراحة بس اللى عاوز يتشل يخوش قسم احوال الشارع المصرى فى المنتدى هنا ويفر شوية فى الموضوعات هناك والنتيجة مبهرة شلل رباعى عالطول

طاب الحمد لله انا عمري ما دخلته ههههههههه

**enghany** · 23-05-2013 07:55 PM

المشاركة الأصلية كتبت بواسطة samir elshahawy

مساء الخير ياباشمهندس / هاني
و مساء الخير عليكما كلكوا

اللي حضرتك قلته ده كله كوم و أنك تبقي ماشي علي طريق سريع (طريق سفر) و تلاقي نقل جاي عكسي في وشك و من علي الشمال و أنت بتتخطي عربية نقل تانية
طيب تعمل أيه ؟؟؟؟

المشكلة تتلخص في التالي :
1- عدم وعي أو ثقافة (ألا من رحم ربي).. لأن للأسف اي حد و كل حد ممكن يطلع رخصة في 5 دقايق
2- غيبة القانون و ده من زمان لأن القائمين علي تنفيذ القانون هم أول من يخالفونه
3- ازمة أخلاق و ضمير

و لازم كلنا نفتكر المقولة الشهيرة

القيادة : فن - ذوق - أخلااااااااااق

الغلط غلط بغض النظر عن الموقف يا هندسه بهيم في الصحراوي زي اخوه البهيم في صلاح سالم

**enghany** · 23-05-2013 07:58 PM

المشاركة الأصلية كتبت بواسطة د.محمدعبدالعال

طبعا بتسبب ضغط وسكر وأمراض قلب كمان ..
ياريتنا كلنا نلتزم بأخلاق وآداب القيادة واحنا كلنا هنستريح

على فكرة أنا كمان عربيتي الشخصية الأولى والأهم في حياتي هي بيتل موديل 1963

والهي سيادتك هي محترمه جدا بس قطع غيارها انت عارف اسعارها ناررر

الموضوع: هل السواقه تصيب بضغط الدم و امراض القلب ؟ -- جادد جداا و دعوه للحوار

LinkBack

أدوات الموضوع

عرض

-

-

-

-

المواضيع المتشابهه

سؤال من مبتدئ في السواقه بخصوص السواقه والعربيه((ليجانزا 2002

الرئيس محمد نجيب - دعوه للحوار الجاد المثمر

سؤال من مبتدئ في السواقه بخصوص السواقه والعربيه((ليجانزا 2002

حملة علاج امراض القلب مجانا بالسعوديه

الكلمات الدلالية لهذا الموضوع

المفضلات

المفضلات

ضوابط المشاركة