تحذير: بلاش تجري ورا الألنترا md

**lanos2004** · 22-05-2013 01:45 PM

العربيه دى كانك بتسوق غواصه

**No Comment** · 22-05-2013 01:56 PM

المشاركة الأصلية كتبت بواسطة samir elshahawy

الاخوة و الاخوات الكرام

أسعد الله أوقاتكم ...

بالامس كنت في مهمة عمل الي مدينة بورسعيد و أثناء سيري متخذا طريق السويس و تحديدا بعد أن تجاوزت مدينة الرحاب كانت اسير علي سرعة مابين 120 - 160 كم/س خلف ألنترا md أخري

الامور كانت ماشية و الطريق سالك نوعا و تقريبا بنقوم بنفس المناورات مع بعض و لكن قبل مدينتي الوضع تبدل حيث أزداد الزحام و بدأ سائق الالنترا التي أمامي يأخد غرز خطيرة و يتفادي السيارات التي أمامه علي أخر لحظة مما شكل خطورة علي لأني لم أكن أستطيع أن اشاهد السيارات التي أمامه بوضوح فطبيعة زجاج الالنترا المائل تحجب الرؤية عن السيارات التي خلفها

و هنا قررت الابتعاد عنه قليلا حتي أستطيع أن أكشف الطريق أمامه

نفس الشي حدث اليوم مع سيارة أخري كانت خلفي علي طريق الشروق مابين طريقي الاسماعيلية و السويس

السيارة التي كانت خلفي كانت تسير بمسافة بينية قليلة جدا و علي سرعة تراوحت مابين ال 120 - 140 كم/س و لأني أعرف هذه الطبيعة في الالنترا فأنا ألتزم بتحذير السيارات التي خلفي بأستخدام الاشارات الضوئية الي أن أقتربنا من المطبات عند أكاديمية الشروق و نظرا لحالة الاجهاد الشديدة التي كنت عليها حيث أني لم أنل القسط الكافي من الراحة و النوم منذ الامس فقد نسيت أن أشغل انوار الانتظار لتحذير السيارة التي خلفي في حين بدأت في تخفيض السرع لكن سائقة السيارة الخلفية قررت التجاوز من اليمين في هذه اللحظة لترتطم سيارتها بالمطب الصناعي و كادت أيضا أن تصطدم بسيارة أخري

لذا وجب أن أحذركم حتي تتجنبوا المفاجأت خاصة اذا كان سائق الالنترا من النوع الغشيم اللي مش بيراعي السيارات التي خلفه

و ربنا يسترها عليكم و علينا

ازيك يا م.سمير اخبار حضرتك ايه ...؟
معلش اسمحلى فى المداخلة دى ... ملاحظ ان حضرتك ومن فترة كدة أصبحت تتجاوز الحد الطبيعى للسرعة المقررة للطرق (مع حبة شقاوة كدة )وده بيخالف طبيعتك اللى عرفتها كعضو فعال ثم منسق للقسم
يا ترى ما هو السر وراء ذلك ...؟
هل هو سر خاص بركوب الالنترا الهاى ديفنشن ... أم تغيير فى الطباع الشخصية المستحدثة ليك ...؟

**khaabas** · 22-05-2013 04:38 PM

الأيلى ( الالنترا يعنى ) تغير طباع اى حد ههههههههههع

**S O P H O S** · 22-05-2013 08:59 PM

مظبوط الافضل عدم الجري ورا اي عربية

**Walid_M** · 22-05-2013 11:25 PM

وكمان بلاش تمشي ورا نصف نقل محمل ولا جيب ولا ميكروباص !!!
وربنا يسترها علينا جميعاً ...

تحياتي ...

**matantawy** · 23-05-2013 12:28 AM

المشاركة الأصلية كتبت بواسطة samir elshahawy

ههههههههه
اللي عايز أقوله أن ماحدش يجري أو حتي يمشي ورا عربية هو مش شايف منها حاجة و مغطية الطريق عليه و من خلال التجربة لاحظت أن الالنترا من العربيات الرخمة جدا في الموضوع ده

اكسنت rb برده رخمه فى الحتة دى على فكرة

**dadapharma** · 25-05-2013 02:58 AM

بصراحة هيه الألنترا مغرية جدا للجري و الشد بس بصراحة أنا لسه في أول ألف و بزودش عن 120 عشان الآر بي إم مايزيدش عن 3000 و مؤشر الإكو ساعدنى جدا إنى أغير طبيعة سواقتى و أهدى جدا. . الإزاز الورانى مش مريح و الإعتماد على المرايات الجانبية مع ظبطها على أقصى زاوية أفضل مع الإلنترا وربنا يسترها. .

**mhkorayem** · 26-05-2013 10:38 PM

المشاركة الأصلية كتبت بواسطة dadapharma

بصراحة هيه الألنترا مغرية جدا للجري و الشد بس بصراحة أنا لسه في أول ألف و بزودش عن 120 عشان الآر بي إم مايزيدش عن 3000 و مؤشر الإكو ساعدنى جدا إنى أغير طبيعة سواقتى و أهدى جدا. . الإزاز الورانى مش مريح و الإعتماد على المرايات الجانبية مع ظبطها على أقصى زاوية أفضل مع الإلنترا وربنا يسترها. .

ايه مؤشر الايكو ده ؟؟؟؟

**Samir Elshahawy** · 26-05-2013 10:45 PM

المشاركة الأصلية كتبت بواسطة mhkorayem

ايه مؤشر الايكو ده ؟؟؟؟

دي لمبة بيان بتظهر في شاشة عدادات الألنترا md
وظيفتها انها تعرفك أنك ماشي علي الوضع الاقتصادي و لا لأ
علشان لو دايس بنزين زيادة اللمبة بتطفي
لو ضغطتك علي الدواسة مظبوطة بتكون منورة

و تقريبا المعدل الاقتصادي بيكون 8 لتر / 100 كم أو أقل طبعا

-

الموضوع: تحذير: بلاش تجري ورا الألنترا md

LinkBack

أدوات الموضوع

عرض

-

-

-

-

-

المواضيع المتشابهه

تحذير : طريق السويس تحت الانشاء - ياريت بلاش جري و خلي بالك

فكر الف مره قبل ما تجري بعربيتك

رجاء نفسي عربيتي تجري شوية

الكلمات الدلالية لهذا الموضوع

المفضلات

المفضلات

ضوابط المشاركة