-
فرامل النوبيرا
السلام عليكم
في مشكله بقالها كتير معايا ومش عارف سببها
انا عندي فرامل اليد بتمسك في الاخر يعني حوالي 11 تكه وكل مره اروح لبتاع الفرامل يصلحها وبتبقي تمام وبعدين الاقيها رجعت تاني بعد اسبوعين يا تري الخبراء رايهم ايه في الموضوع ده والحل ايه وهل في خطوره
-
غير تيل الفرامل الخلفي ورجلش الفرمل الي ورا و كلو هيبقي تمام
-
-
التيل والطنابير اللى ورا حالتهم عاملة ايه
ومشيت عليهم كام كيلو
-
والله انا كل مره بروح للبتاع الفرامل ماقليش حاجه عن الطنابير والتيل
-
لو ممكن احد خبراء المنتدي يعرفنا ازاي ممكن نعرف اعراض تلف الطنابير والتيل
-
ضعف فى الفرملة
صوت تصفير و احتكاك مع الفرامل
MMamdouh
-
لازم ترجلش الفرامل الخلفية و فرامل اليد حتعلى لوحدها و هو الراجل بيرجلش خليه يشوفلك التيل و الطنابير الخلفية حالتها ايه
-
بص ياسيدى خليك معايا و اسمع من عمك مايكل
1- حترجلش فرامل اليد من جوة العربية ازاى حتجيب مفتاح 10 و تربط بية صامولت الوير للاخر دة على شان تشد الوير بتاع فرامل اليد.
2- حتفك الطنابير اللى ورا و حتكون طبل و حتبص على التيل لو لقيتة خلاص قريب يفضى غيرة لو كويس سيبة و دة حتعرفة من سماكت المادة السودة اللى على التيل .
3- عشق العربية و نزل فرامل اليد و بشوية هوا نضف مكان جهاز الفرامل و بعد كدة حط شوية مزيل صدا على الجهاز من جوة (عبارة عن حتة على شكل اسطوانة و حواليها جلدتين حط المزيل فيهم )
4- حتلاقى عندك كدة جنب الجهاز زى ترس دة بيسموة رجلاش و هو مسئول عن المسافة اللى بين التيل و الطنابيل كل ميتاكل التيل نزود المسافة و بالعكس .
5- صنفر الطنبور من جوة هو و التيل بصنفرة خشنه و ياسلام لو تخرط حرف الطنبور من زوايد الصداء
6- ركب الطنبور و اتاكد من الربط كويس و ابتدى خد هوا الدايرة و العربية مغلقى متدورش على شان متبوظش الدنيا .
و اطلع و اتفرج ياعم و على فكرة مش لازم انت اللى تعمل كدة روح عند الميكانيكى و قلة يعمل كدة و مش كل حاجة يقلهالك الميكانيكى تسمعها
Content Relevant URLs by
vBSEO 3.6.0 PL2