اوك .. بس اعتقد انها بتتباع من غير لون وانتي اللي بتروشيها .. لأني كنت اشتريت الوش اللي بيركب علي الاكره الحته الصغيره "كانت ب 25 جنيه " كان لونها رصاصي فا بيتهيئلي هيا بتتباع من غير لون و انتي اللي بتروشيها بلون العربيه
عرض للطباعة
ربنا يخلف عليكي .. بس لما يبقى فيه مشكلة في العربية أهم حاجة إنك ما تلميش دماغك لأول صنايعي وخلاص ... لأ تروحي لكذا واحد ... لأن غالبا هاتقابلي كتير منهم نصابين وكلامهم هايختلف عن بعض
ده الطبيعي حتى لو بيتعاملوا مع رجالة فما بالك بقى لو شايفين واحدة ست .. على طول بيفترض إنها ما بتفهمش ويبتدي يرسم عليها قصص .. لكن لو حس إنها فاهمة هايلم نفسه
فانت تروحي لواحد تفهمي منه القصة الأول وبعد كدة تروحي لواحد تاني تفهمي منه القصة برضه وبعد كدة تبقى تروحي للصنايعي اللى انتي عارفاه أو متعودة تعملي عنده وتقوليله إعملي كذا وخلاص .. وطبعا هاتكوني متوسط تكلفته كام من اللى قبليه
ودايما في جميع الأحوال قطع غيارك انتي اللى تشتريها ما تخليش حد يجيبهالك .. وتاخدي القديمة حتى لو مش هاتعملي بيها ... لو بعتيها بـ 5 جنيه لبتاع الروبابيكيا هايكون أكسبلك
وعموما هو الحساس بيكون غالي فعلا بس مش عارف تمنه .. ولكن التركيب آخره لو بينصب يبقى 50 جنيه .. يقوم هو واخد 200 !!!!
متشكرة ليك جدا على النصيحة الجامدة دي :)
وفعلا عندك حق بس المشكلة ان وقتها كان مش عندي فرصة اني اسأل كذى حد لأن العربية كانت واقفة تماما
و عاوزة اقولك اني بعد ما استلمتها اول يوم مشيت كويس لكن تاني مرة اخرج بيها قطعت معايا و انطفت منى كذى مرة و مش عارفة ايه السبب و فعلا خايفة اروحله تاني ليطلعلى مشكلة جديدة
ولية الدوخة دى يا فندم اللى يخليكى تدفعى 700 جنية فى شغلانة زى دى وكمان متحققش المطلوب منها
يبقى اولى حضرتك تطلعى على مركز خدمة معتمد من التوكيل زى عصام صفا او امير وجوزيف او حتى التوكيل نفسة فى ابو رواش
انا بيتهيالى ان الصنايعى دة غلب التوكيل فى السرقه :(
على فكرة انا مدفعتش 700 انا دفعت 1000 جنيه لأنه قالي انه غير زيت علشان و هو بيركب الحساس الزيت وقع منه دة غير ثمن الاكرة اللي كسرها و ثمن دهانها طبعا و برضه مرجعتش زي الاول (اللون مش مظبوط خاااالص) :(((
انا فعلا بسمع ان عصام و صفا ناس كويسين جدا جدا بس المشكلة اني ساكنة في الهرم فالمكان بعيد عني جدا جدا
زيت ايه الى وقع منه ! ما هو لو عارف انه هيضطر يفضى الزيت كان فضاه فى جركن نضيف بعدين يرجعة تانى لما يخلص الشغل
:Zb_sor1[1]: عاوز اقول عليه لفظ مش ظريف على الميكانيكى دا
هو مبدئيا متروحيش ليه تانى لانه واصح انه معندوش ضمير .. انا معرفش اسعار بروتون بس واضح من كلام ملاكها ان سعره غالى جدا
الحساس انا غيرتة عند عماد في المريوطية ب400 جنية و خد مصنعية 50 جنية و رقمة 01141585960