معلومات عن كورس itil & pmp

**egyboy** · 22-05-2013 01:49 PM

السلام عليكم

انا كنت عايز اخد شهادة itil

حد يعرف مركز تدريب محترم هيفيد فى الكورس ده ؟
ولو امكن سعره كام

كمان عايز حل لمشكلة انى معنديش عدد ساعات مشاريع ل pmp
ايه الحل اللى ممكن اخد بيه عدد ساعات
وايه افضل مكان والسعر

جزاكم الله خيراااا

**abcdefghi** · 22-05-2013 01:53 PM

Jupiter 2000 in nasr city . taktou3 autostorad with makram ebad

**Mahmoud Nagieb** · 22-05-2013 02:34 PM

باشا لو سمحت كنت عاوز اعرف هيا PMP عبارة عن ايه , اللى اعرفه انها project management professional

بس انا عاوز اعرف محتويات الكورس ايه , وبتناسب تخصص ايه ؟

**MTAK** · 22-05-2013 02:54 PM

المشاركة الأصلية كتبت بواسطة egyboy

كمان عايز حل لمشكلة انى معنديش عدد ساعات مشاريع ل pmp
ايه الحل اللى ممكن اخد بيه عدد ساعات
وايه افضل مكان والسعر

جزاكم الله خيراااا

بالنسبه لساعات 4500 لو معندكش ميلزمكش :)

شوف يا باشا انت عاوز ايه بالضبط عاوز شهاده و لا علم و لا شهاده و علم

لو علم , ممكن تاخد الكورس و تستفيد به بدون الدخول فى الامتحان

لو على الشهاده هناك شهادات اخرى فى ادارة المشروعات و معترف بها عالميا ايضا و لكنها ليست مشهوره مثل البمب
و لا تشترط عدد ساعات

لو شهاده و علم و عاوز تدخل الامتحان و مصمم

سهل اوى تضرب الساعات دى

بس خلى بالك 4500 ساعه على 8 ساعات يوميا و مع طرح الاجازات الرسميه يبقى بالميت تعملها 3 سنين تقريبا

متجيش انت تكون متخرج 2011 و تروح تقدم فى 2013

ماشفهومش و هما بيسرقوا يعنى

و حتى لو كنت خريج 2000 , برضه انا الاسلوب دا لا احبذه و خاصه فى حاجه فيها علم و ممكن تكسب من وراه فلوس طول عمرك

يعنى لو كان ضرب الساعات فيه شئ من الحرمانيه يبقى حضرتك هتاكل طول حياتك من حرام طالما تتكسب من شغلانه روحتها على اساس انك بمب

**egyboy** · 22-05-2013 03:44 PM

المشاركة الأصلية كتبت بواسطة MTAK

بالنسبه لساعات 4500 لو معندكش ميلزمكش :)

شوف يا باشا انت عاوز ايه بالضبط عاوز شهاده و لا علم و لا شهاده و علم

لو علم , ممكن تاخد الكورس و تستفيد به بدون الدخول فى الامتحان

لو على الشهاده هناك شهادات اخرى فى ادارة المشروعات و معترف بها عالميا ايضا و لكنها ليست مشهوره مثل البمب
و لا تشترط عدد ساعات

لو شهاده و علم و عاوز تدخل الامتحان و مصمم

سهل اوى تضرب الساعات دى

بس خلى بالك 4500 ساعه على 8 ساعات يوميا و مع طرح الاجازات الرسميه يبقى بالميت تعملها 3 سنين تقريبا

متجيش انت تكون متخرج 2011 و تروح تقدم فى 2013

ماشفهومش و هما بيسرقوا يعنى

و حتى لو كنت خريج 2000 , برضه انا الاسلوب دا لا احبذه و خاصه فى حاجه فيها علم و ممكن تكسب من وراه فلوس طول عمرك

يعنى لو كان ضرب الساعات فيه شئ من الحرمانيه يبقى حضرتك هتاكل طول حياتك من حرام طالما تتكسب من شغلانه روحتها على اساس انك بمب

شكرا على ردك
لكن انا فعلا محتاج الاتنين
حضرتك عارف ان دولة متقدمة زى مصر مبتهتمش بالعلم على قد ما تشوف ورقة تثبت العلم ده
وانا فعلا عايز اكون فاهم كويس جدااا وفى نفس الوقت معتمد علشان اقدر ارتقى فى عملى او اشوف عمل اخر
انا خريج 2010 لكن انا مسمحش لنفسى انى اعمل حاجة زى ضرب الساعات دى
علشان كده بسأل لو فى حاجة اعمل بيها مشروع يكون مقبول بالنسبة لهم
او اى افكار لان اكيد فى ناس كانت فى نفس وضعى واتصرفت !!

ولو على الكورس النت مليان كتب وفيديوهات بس اللى يذاكر :)

انا ممكن عادى استنى كمان 3 سنين ابدا اعمل مشاريع علشان ابقى قانونيا مطابق لمواصفات الشهادة
بس ايه نوعية المشاريع وكيفيتها

:::::::::::

فى نفس الوقت انا عايز اخد شهادة زى itil لان ليها قيمتها برضه ومبتطلبش عدد ساعات معين او خلافه

الوقت بيجرى يا بشمهندس محمد مش عايزين نضيع العمر على الفاضى بلا قيمة
هنتحاسب على كل دقيقة من عمرنا

ربنا يكرم يارب

**MTAK** · 22-05-2013 04:01 PM

ضرب ساعات يعنى ابو قرش اقول عليه اتكلف قرشين و تلاته

يعنى اكون اشتغلت فى مشروع و ماخدش 5 ايام

و لما اكتبه على الورق امد فيه و امط و اطول

طبعا محدش بيعمل الحاجات دى الا اذا كان واثق ان مديره هايمضى على كده لو طلب منه ذلك

او ان طبيعه المشاريع دى مطاطيه و انت فى نفس الشركه و نفس المكان

زى ما قولتلك قبل كده

ممكن لو مستعجل على الشهاده فى انك تثبت انك فاهم ادارة المشاريع

فى شهادات اخرى مثل prince2 < impa

و اول ليفل فيهم لا يحتاج خبره
---------------------------------

ملحوظه صغيره علشان الناس تعرف تفصل فى المفاهيم

المشروع هو عمل يبذل فيه جهد و يكون محدد ببدايه و نهايه

و اى كلام ينطبق عليه هذا الوصف يصبح مشروع , مش لازم المشروع يبقى انشاء عماره

يعنى

* عمل برنامج سوفت وير ----^ مشروع
*تركيب خط انتاج--------------^ مشروع
* عمل مشروع مطعم ---------^ مشروع و لكن حتى الافتتاح بعد ذلك يسمى اداره

و هكذا

ممكن تقدم ساعات انك عملت مشروع قره كتاب

المهم ورقك يكون سليم

و الله بص انا شايف انك تحاول تاخد الكورس الان او على الاقل تقرأ فيه

و بعدين تكون اشتغلت كام سنه فالافكار هاتتطبع مع الدراسه و بعد كده الشهاده

و ارجو ان اكون قد افدتك

على فكره انا خدت الكورس و كسلت شويه عن الامتحان و راح اللى راح بقى

بس لا انكر انى استفدت منه على المستوى الشخصى على الاقل (لان عملى ليس فى مجال المشاريع )

**MTAK** · 22-05-2013 04:13 PM

بالنسبه لكورس pmp

ممكن تاخده فى سنتر معتمد و سمعت انه يشترط ان يكون المدرب معتمد ايضا

و تقدر تعرف اسماء المراكز المعتمده فى مصر من موقعهم نفسه pmp

السعر يترواح من 1200 جنيه و انت طالع

المفروض انك تكون قضيت 35 ساعه تدريبيه , فى ناس بتدى 90 و فى ناس بتدى اكثر و كله بتمنه طبعا

لان فى ناس بتشرح الكورس فقط و فى ناس تانيه ممكن تشرح السوفت وير بتاع ادارة المشاريع زى مايكروسوفت بروجكنت او بريمافيرا و هكذا

طيب لو ماليش فى الكورسات و النزول و الطلوع

فى برضه على النت اماكن تدرس فيها اون لاين و ايضا تكون معتمده و شهادتها تصلح انك تقدم فى المتحان

و دى بتبقى بحوالى 150 دولار و انت طالع
--------------------------------------------------

اما الامتحان , كده كده هو على النت

فى القاهره بتمتحن فى سنت رامديست على ما اذكر

بتحجز ميعادك و تروح تمتحن و تطلع النتيجه و خلاص

و دا سنتر امتحانات , يعنى هتلاقى مثلا اللى جنبك بيمتحن mcise او اوراكل , كده يعنى

المهم برضه لازم تعرف ان الامتحان من اول ما تسجل عندهم علشان تمتحن لك سنه

تختار فيها وقت دخولك الامتحان

و لك تعيد الامتحان مرتين

يعنى توتال 3 مرات فى السنه

و اول امتحان بـ 555 دولار و على ما اذكر الاتنين الباقيين بـ 455 دولار

و ربنا يوفق الجميع

-

-

الموضوع: معلومات عن كورس itil & pmp

LinkBack

أدوات الموضوع

عرض

-

-

-

-

المواضيع المتشابهه

كورس mba

اخد كورس فى ايه من دول ؟؟؟

حد يعرف اى معلومات عن شهادة itil فى ال it

حد عامل itil أو له فيها أو معاه كتب ؟؟

كورس msc

الكلمات الدلالية لهذا الموضوع

المفضلات

المفضلات

ضوابط المشاركة