افيدوني عايز اغسل موتور العربيه وخايف

**kareem_eg** · 22-05-2013 02:53 PM

المشاركة الأصلية كتبت بواسطة mado83

انا بصراحه متعقد من غسيل الماتور كل اما اغسله يحصل حاجه
بس انا بقوله لو خلاص مزنوق اوى فى الغسله يعنى انما لو مش مهمه بلاش منها واكتفى بنفخ الهوا
او الغسيل بالبخار او الكيماوى مع انى ماجربتوش ولا اعرفه وبدليل ان سعادتك كمان ماتعرفوش لان عامل البنزينه اشتغلك بالفوم العادى وقالك ده كيماوى

بالضبط زي ما حضرتك قلت انا كمان ده كانت اول تجربة ليه بما يسمي بالغسيل الكيماوي و عشان كده العامل اشتغلني

انما كنت قرات مواضيع لاعضاء قبل كده قالو ان فيه اماكن بتحط فوم و هو بيتطاير لوحده من غير مياه . او بيتعملو الهواء عشان يشيلوه .. عشان كده قلتله شوف حد مضمون و الناس بتشكر فيه

**aymanshebl** · 22-05-2013 03:31 PM

ممكن الاول بالبلاور و بعدين على الاماكن المراد تنظيفها حط فوم ممكن تشتريه عادى و بعدين بالبلاور تانى او قماشة تنظف الفوم و بعدين قماشة مبلولة على الخراطيم و البلاستك و الفيبر لان الفوم بيخليهم ينشفوا و رش سيليكون اسبراى على الخراطيم لاعطاءها المرونة الكافية

**mem** · 22-05-2013 04:12 PM

اغسله بمياه عادى بس مش يكتر ومش يقرب المسدس اوى من الوصلات
وان شاء الله خير
طالما الماتور وسخ اوى
وطالما مش بتعملها على طول مش هتاثر
ولو انت عارف مكان الكمبيوتر بتاع العربيه خليه مش يقرب المياه عنده قدر المستطاع

**S O P H O S** · 22-05-2013 07:12 PM

فوم وهواء وعند حد كويس

**أحمد جودة** · 26-05-2013 01:08 PM

خد من اخوك الخلاصة

عاوز تغسل الموتور وطبعا خايف يحصل حاجة

بالتجربة واكتر من مرة

اتحرق المشط الالكتروني مرة
ومرة مردتش تدوز نهائي

الخلاصة

اغسل موتور عربيتك بنفسك

ازاي

وهيا مركونة فقط افصل البطارية

ورش جاز على الموتور زي مانتا عاوز

وبعد كدة اغسله بمياة وصابون

وسيبه ينشف كويس ويا سلام لو عندك بلاور هواء اديله نفخة حلوة

واوعي تدور العربية الا بعدها لما تتأكد ان الموتور نشف تماما

أنا بعمل كدة وكمان زيادة فى التأكيد غطي المشط والمبينة والبطارية واي حاجة ممكن تبوظ بالمياة

جرب الطرقة دي وقلي رأيك اية