بص يافندم
الوضع بتاعك ماينفعشى و ماتقدرشى تكمل حياتك مع مراتك و هى بالاسلوب ده (حتى لو ماكنتش ملتزم بالدقه فى سردك للاحداث لكن يكفى ان يكون ده انطباعك عنها لندرك استحالة الموضوع)
لو حضرتك ماكنتش مخلف ولد منها كنت قولتلك طلق بدون تردد
اما فى ظروفك فبقولك سيبها معلقه كده - يبقى فاتحلها باب انها تنكسر و ترجع و لو ساقت العند و طلبت الطلاق يبقى تقدر تساومها على مستحقاتها و لو قلت ادبها تقدر تطلبها فى بيت الطاعه
و ده كله لسبب واحد انك تتمسك باقل احتمال تقدر تربى بيه ابنك فى بيت طبيعي
لأنى عاصرت و عن قرب شخص طلق مراته بعد ماخلف منها ................................
الشخص ده بعد كده اتجوز واحده تانيه و خلف منها - و هو دلوقتى اتوفى و الاتنين ستات اتوفو برضه و ما اتبقاش حد غير الاخوات
الاخ الاكبر (ابن المطلقه) طالع و فيه عقد نفسيه و فى اكتر من موقف يستغله علشان يوقع بين الاخوات (اولاد الست التانيه ) و بين اهل والده
فعلشان كده بقولك ياريت تتمسك باى بارقه امل - و لكن دون التنازل عن اى ذره من كرامتك
و ياريت تطمنا على الاحوال
يرجى مراعاة اداب الحوار
م ع 6