سؤال لأهل الخبرة فى النوبيرا 2 الأتوماتيك

**korg** · 26-05-2013 09:57 AM

اولاُ : انا بشكر كل من شارك برأيه و حاول المساعده قدرة استطاعته
ثانياً : انا اسف على التأخير فى الرد
المهم انا روحت لميكانيكى فتيس اوتو بس يعنى هو شغله فتيس بس قالى فيه حاجة عاوزة تتغير فى كمبيوتر الفتيس اسمها بدى فالف المهم القطعه بالمصنعيه 500 غير تغير الزيت و الفلتر يعنى حوالى 800 فطبعاً الموضوع كدا اوضح كتير ان موضوع التصليح فاااااااااشل .
انا كل اللى حعمله ان شاء الله زى ما اجمع آراء كثير من حضرتكم انى حمشى بالفتيس زى ما هو لحد ما يجيب اخره و بعدين اغيره بواحد اوتوماتيك مع الحفاظ عليه فى الصيانة ان شاء الله .
و العفشه انا رحت لكذا واحد كل واحد بيقول كلام مختلف عن التانى اللى يقولى بطحات و اللى يقولى جلب و اللى يقولى صلبيه بس انا حاسس ان العفشه امرها هين شويه .
اما بالنسبه لموضوع بنزين 80 انا كنت قرأت على المنتدى موضوع فيشة الأوكتان و الحقيقة انا مش عارف اوصل لمكانها لا انا و لا الكهربائى بتاعى مع العلم انه معاه نفس العربية و نفس الموديل الكورى اللى الكمبيوتر بتاعها فى الموتور فا مش عارف احط 80 من غير تعديل ولا ادور على الفيشه الأول و طبعا الكلام دا علشان موضوع الدعم على المنتجات البترولية لان الميزانية حتخرم كدا ..

و شكراً

**Ahmed Nasser** · 27-05-2013 03:16 PM

على مافهمت ان مشكلة الفتيس فى الكنترول بتاعة اما الفتيس سليم بس محتاج تغيرة زيت
شوف واحد تانى ياكدلك ان الفتيس سليم والمشكلة فى الكنترول
ولو الكنترول هو السبب غيرة او صلحة

اما بالنسبة للعفشة شوف واحد يكون عندة خبرة وامين
واتعامل معاه

بالنسبة للبنزين الـ 80
متجرب فى عربية اخت عربيتك وفيها نفس الفتيس بتاعك
بس فضيحة تسقيف وكركرة وضعف سحب
بس لو عايز حاجة تمشيك وخلاص هيمشيك
بس هضر الرشاشات وهتغير الفلتر على فترات قصيرة

**korg** · 28-05-2013 10:25 AM

المشاركة الأصلية كتبت بواسطة ahmed nasser

على مافهمت ان مشكلة الفتيس فى الكنترول بتاعة اما الفتيس سليم بس محتاج تغيرة زيت
شوف واحد تانى ياكدلك ان الفتيس سليم والمشكلة فى الكنترول
ولو الكنترول هو السبب غيرة او صلحة

اما بالنسبة للعفشة شوف واحد يكون عندة خبرة وامين
واتعامل معاه

بالنسبة للبنزين الـ 80
متجرب فى عربية اخت عربيتك وفيها نفس الفتيس بتاعك
بس فضيحة تسقيف وكركرة وضعف سحب
بس لو عايز حاجة تمشيك وخلاص هيمشيك
بس هضر الرشاشات وهتغير الفلتر على فترات قصيرة

شكرا لك اخى احمد على معلوماتك و مشاركات المتميزة

فعلاً هو العيب اتضح انه فى الكنترول و زى ما قولت قبل كدا انا حمشى بيه لحد ما يجيب اخره و بعدين اغيره و دى نصيحة ناس كتير و بالفعل هو كان مغير زيت من شهر تقريبا فالموضوع مش تغيير زيت
اما بالنسبة لبنزين 80 لحد دلوقتى لسه مجربتس انا مش حيفرق معايا السحب اوى لأنى طبيعى مش بحب الجرى و الفرك فى العربية بس انا بتكلم علشان موضوع الدعم فاكنت بفكر انى احولها لغاز و حاليا بدور على الآثار السلبية لموضوع الغاز و ححاول اعرف رآى الأعضاء فيه و هل حد جربه و نفع معاه ولا لاء .
شكرا لمرورك انت و كل من اعطى معلومه صادقة لوجه الله

**Ahmed Nasser** · 28-05-2013 01:36 PM

ياباشا طالما طلع العيب من الكنترول يبقى الفتيس سليم
صلح الكنترول واستمتع بالفتيس لان الفتيس اللى عندك مايتعوضش
وخصوصا ان مش موجود استيراد الا قليل جدااااااا