سؤال لأهل الخبرة فى النوبيرا 2 الأتوماتيك

**korg** · 22-05-2013 03:08 PM

[gdwl] [/gdwl][gdwl][/gdwl][gdwl]
[justify] [/justify][justify][/justify][justify]
اولاً : احب اشكر اعضاء المنتدى الكريم لعدم بخلهم بأى معلومة على المحتاجين زى حالاتنا
ثانيا : بعد دوخة من التفكير و بعد بيع الفليشيا قررت انى اشترى نوبيرا 2 المهم اول بختى فى الدايو طلعت اتوماتيك ماشى تمام العربية كان منظرها مش حلو من بره يعنى عاوزة شوية نضافة بردو ماشى صاحب العربية قالى للأمانه الفتيس فيه مشكله الحساس بتاع الرابع عاوز يتغير طبعاً انا مش فاهم حاجه قولته ماشى و قالى على اللى فى العربية غير أيه و هى محتاجة أيه لأمانة البيع و الشراء المهم الشخص اللى انا جبته علشان يتفرج لى على العربية قالى ماشى مش مشكله كل الكلام دا يتعمل اخدت العربية و دلوقتى تقريبا بدأت أندم على انى اشتريت العربية دى اصلاً فعندى احساس انى عاوز اولع فيها هى و الــ....
ثالثا : المشاكل اللى قابلتنى و اللى بطلب منكم و من اهل الخبرة مساعدتى فى حلها :-
1 - الفتيس فجأة يتنش و لمبة check تنور و العربية ما تسحبش فاضطر انى ابطل و ادور تانى و لو اللمبه انطفت اطلع على 2 ثم 3 ثم D ايه الحل احاول اشوف حد يصلحه ولا اجيب واحد استيراد اوتو ولا مانيوال و اكبر دماغى من الحوار دا .
2 - العفشة بسمع صوت تخبيط و تزيق ساعات و ساعات تانية لاء بس صاحبها كان قالى انه لسه مغير مقصيين جداد و اسكترا جديدة و مش عارف دا من ايه .. بتاع العفشة قالى عاوز بطحتين و احتمال يغير الجلب و صليبه و ميزان .
3 - تيل الفرامل بيتآكل بسرعة لدرجة انه ممكن تيل كل شهر فامش عارف هل هو كدا علشان اتوماتيك ولا دا عيب ولا ايه بالظبط
4 - استهلاك البنزين انا حاسه عالى انا مش قادر احكم بالظبط بس شكله اعلى من المعتاد و هل فعلا ينفع اعدل فيشة الأوكتان و احط 80 ولا فيه ضرر على الموتور لأن دا يعتبر احسن حاجه فى العربية .
اسف انى طولت عليكم بس بجد محتار و بدأت اندم فعلا و اقول الناس اللى كانت بتقول ان الأتوماتيك فاشل فى العربيات دى كلامة صح .
[/justify]

و تقبلوا تحياتى

[/gdwl]

**Ahmed Nasser** · 22-05-2013 11:38 PM

انا شايف فى بياناتك ان العربية نوبيرا2 موديل 1999
معنى كدة ان العربية دى نوبيرا 1500 سى سى وفتيس اتو كهرباء
ياريت التاكيد عشان اعرف ارد عليك

**Mohamed ELOoL** · 23-05-2013 12:31 AM

الفتيس دة مش حلو

امشي بيه شوية لحد مايجيب اخرو و بعد كدة غييرو

بالنسبة للعفشة : اغسل العربية من تحت بالجاز علي المساعدين ... لو سمعت صوت تاني غير جلب المقصات او المقصات نفسها ( و كله هيبقي تمام )

بالنسبة لاستهلاك البنزين : فول العربية و احسبها و قولنا ايه الاخبار .... هي الفروض تعمل معاك 170 في الصفيحة

متقلقش ان شاء الله خير

اي عربية مستعملة لازم تصرف عليها شوية عشان تبقي علي كيفك

**korg** · 23-05-2013 09:38 AM

المشاركة الأصلية كتبت بواسطة ahmed nasser

انا شايف فى بياناتك ان العربية نوبيرا2 موديل 1999
معنى كدة ان العربية دى نوبيرا 1500 سى سى وفتيس اتو كهرباء
ياريت التاكيد عشان اعرف ارد عليك

العربية نوبيرا 2 مش 1 اتحاد اوربى 1600cc و 2 كامة 16 صباب و فتيس اتوماتيك

**korg** · 23-05-2013 09:50 AM

المشاركة الأصلية كتبت بواسطة mohamed elool

الفتيس دة مش حلو

امشي بيه شوية لحد مايجيب اخرو و بعد كدة غييرو

بالنسبة للعفشة : اغسل العربية من تحت بالجاز علي المساعدين ... لو سمعت صوت تاني غير جلب المقصات او المقصات نفسها ( و كله هيبقي تمام )

بالنسبة لاستهلاك البنزين : فول العربية و احسبها و قولنا ايه الاخبار .... هي الفروض تعمل معاك 170 في الصفيحة

متقلقش ان شاء الله خير

اي عربية مستعملة لازم تصرف عليها شوية عشان تبقي علي كيفك

يعنى ايه كلام حضرتك ان الفتيس دا مش حلو و امشى بيه و بعدين اغيره طيب ما هو اللى حجيبه نفس الفتيس ولا قصدك انى اغيره لمانيوال و بعدين انا مش عارف امشى بيه العربية مش بتسحب اول ما لمبه الفحص تنور و الموضوع دا بيتكرر كتير هل منعى كدا ان الفتيس جاب اخره
بالنسبة للعفشة الراجل كان لسه مغير مقصات جديدة و اسكترا فا مش منهم
انا كان سؤالى هل كل عفشة النوبيرا كدا

و بعدين الإستهلاك انا شايف ناس بتعمل اكتر من اللى حضرتك بتقوله مش شايف ان كدا كتير

و شكرا

**engwael** · 23-05-2013 12:27 PM

النوبيرا مش كده خالص واوعي البنزين 80

**Ahmed Nasser** · 23-05-2013 02:03 PM

يعنى الفتيس كهربا ولا لأ

**ahmed.zahra** · 23-05-2013 06:13 PM

باشا سيبك من كلام اللي باعلك العربية العفشجي هو اللي حيقولك العفشة محتاجة ايه و غالبا حتبقى جلب مقصات أو مقصات كاملة. و بالنسبة للفتيس ده أكيد محتاج يتغير و زي ما تحب تجيبه أوتوماتيك أو مانيوال بس مش معنى ان الفتيس عندك بايظ يبقى اي فتيس اوتوماتيك حيكون كده لا طبعا انت بتشتريه ع التجربة و لو بايظ بترجعه مفيش مشكلة. بالنسبة لاستهلاك البنزين المتوسط بتاع النوبيرا حوالي 170 كم/ الصفيحة.

**Mohamed ELOoL** · 24-05-2013 12:30 AM

المشاركة الأصلية كتبت بواسطة korg

يعنى ايه كلام حضرتك ان الفتيس دا مش حلو و امشى بيه و بعدين اغيره طيب ما هو اللى حجيبه نفس الفتيس ولا قصدك انى اغيره لمانيوال و بعدين انا مش عارف امشى بيه العربية مش بتسحب اول ما لمبه الفحص تنور و الموضوع دا بيتكرر كتير هل منعى كدا ان الفتيس جاب اخره
بالنسبة للعفشة الراجل كان لسه مغير مقصات جديدة و اسكترا فا مش منهم
انا كان سؤالى هل كل عفشة النوبيرا كدا

و بعدين الإستهلاك انا شايف ناس بتعمل اكتر من اللى حضرتك بتقوله مش شايف ان كدا كتير

و شكرا

يا باشا انسي المانيوال

انت عربيتك اوتوماتيك يبقي تغير فتيس اوتوماتيك

جيب واحد استراد و كلو هيبقي تمام

بالنسبة للاستهلاك : حسب الحالة والموديل عشان انت عربيتك 1999 و اكيد عاملة كليوات كتير
يبقي 170 حلو اوي ... لكن الموديلات الحديثة تعمل 190_195 في الصفيحة

بالنسبة لعفشة : سيبك من كلام الي انت خت منو العربية ... دة راجل عايز يبيع عربيتو .. اكيد هايطلعها احلا عربية في الدنيا ...
روح للعفشجي خليه يقولك محتاجة ايه و غيرو و في الغالب زي ماقوتلك جلب المقصات او المقصات نفسها ( دي مشكلت النوبيرا عموما .. بتاكل جلب )

و اوي تكون معملتش السرفيس بتعها اول مختها

**mhopa2440** · 24-05-2013 05:04 PM

كل كلام الرجالة صح ومية ومية بس لي تعليقين

الاول : اوعى تفكر تصلح الفتيس فلوس على الفاضي سيبه يجيب اخره خالص وغيره بفتيس اوتو وانت تحافظ عليه (متابعة الزيت - وحموله العربية)
الثاني ف اخي قال اوعى البنزين 80 ...... طيب ليه يعني؟؟؟؟ انا معايا النوبيرا اكتر من سنة ونص وماشي 80 بس ولا ف اي اندهاش اظن انك لازم تقول السبب اوك (اها متقولش السحب ضعيف دا بيرجع للموتور بنسة 95%)

الموضوع: سؤال لأهل الخبرة فى النوبيرا 2 الأتوماتيك

LinkBack

أدوات الموضوع

عرض

-

-

-

-

المواضيع المتشابهه

سؤال لأهل الخبرة

إلى أهل الخبرة فى النوبيرا الأتوماتيك

سؤال لأهل الخبرة

سؤال لأهل الخبرة

هل سؤال لأهل الخبرة

الكلمات الدلالية لهذا الموضوع

المفضلات

المفضلات

ضوابط المشاركة