ده طبيعي ولا فيه مشكلة ؟؟؟
السلام عليكم ورحمه الله وبركاته
انا لسه رجع من شوية كنت ماشي في المدينة ومشغل التكيف علي 2 وكان حب العربية معقول
المهم اول ماطلعت الدائري قمت مشغل التكيف علي 4 والعربية حاسس انها كانت بتطلع في الروح او انا نافخ العجل رمل العربية سحب مافيش عداد السرعة حلف بي الله ماهيتخطي ال80 والاغرب اديها 5 اقول يمكن ال80 علي الرابع والتكيف شغال عزم اديها 5 اريحها العربية تنخع مني وتنزل سرعتها70 اتخنقت بصراحة وقفلت التكيف وبرضه السحب ضعيف مش عارف ايه السبب مع العلم مؤشر الحرارة الحمد الله ماتخطاش النصف والماتور بسم الله ماشاء الله حالته حلوة لا بيدخن ولا بيأكل زيت ولا فية نقص في المياة
انا قولت يمكن السبب الزيت بس قولت الزيت ماله اي نعم الزيت وحش جايب شل 5000 الف وعامل 3700 وبقا عامل زي المياة بس قولت لو زيت كنت هسمع صوت تيكهات او الكوستبنات فا مش عارف ده طبيعة الدايو ولا ايه ؟؟؟ مع العلم انا كنت ماشي الساعة 2 الظهر في عز الحر برغم اغلبية الدايو الي كان ماشي والفيرنا والبي واي دي كانه كلهم فتحين الشباك محدش فاتح تكيف هل ده عيب عمومي ولاايه ؟؟