الايمجراند 7 أم رينو ستيب واى ؟؟؟؟

**m.ezzat** · 22-05-2013 05:26 PM

السلام عليكم اخوانى الكرام

مقبل على الشراء ومتردد جدا ....

الايمجراند 7 اثبتت كفائه عاليه من رأى مستخدميها وسعرها لقطه حاليا وكماليات ممتازه طبعا ... وغبور توكيل قوى وعامل دعايه كويسه والناس بتشكر فى الصيانه ... طبعا اكيد فى شوية عيوب تقفيل مصرى لذيذ !!! انما ماشى الحال

الرينو ستيب واى شكل مش وحش من بره وعاليه وكماليات خارجيه حلوه من الجنوط والعتب بس خايف من الناس اللى اشتكت من ان العربيه مخنوقه فى السرعه شويه وصوت الموتور العالى وصوت تكتكه فى الموتور لما بتوقف العربيه بعد مشوار وهى دايره... وقطع الغيار الغاليه والتوكيل مش اد كده !!! وطبعا فيه فرق سعر 20000 جنيه تقريبا بين العربيتين

**M I D O** · 22-05-2013 06:11 PM

العربيتين فئتين مختلفين تماما لاكن مادام بتقارن بينهم يبقي امجراند احسن من حيث السعر و الشكل و قطع الغيار وانا لو منك ازود حجات بسيطة واشتري اوبترا عربية تحس انك راكب دبابة

**S O P H O S** · 22-05-2013 08:47 PM

مفكترش فالصني الشكل القديم ؟

**m.ezzat** · 22-05-2013 09:10 PM

المشاركة الأصلية كتبت بواسطة m i d o

العربيتين فئتين مختلفين تماما لاكن مادام بتقارن بينهم يبقي امجراند احسن من حيث السعر و الشكل و قطع الغيار وانا لو منك ازود حجات بسيطة واشتري اوبترا عربية تحس انك راكب دبابة

شرفنا مرورك وبخصوص السعر فده اخرى الصراحه وافهم من حضرتك انك بترشحلى الجيلى

المشاركة الأصلية كتبت بواسطة mxz911

الايمجراند أحسن بمراحل . كفايه انك هتحس انك قاعد فى عربيه حديثه ! واخده 4 من 5 ف اختبارات الامان
انا كان معايه لوجان ف 2010 وبجد من اول ما تقعد فى العربيه القعده الغريبه بتاعتها او تيجى تلف بالدركسيون التقيل او فين وفين علما تتعود على زرار الكلاكس الخنيق او التجميع اللى عامل زى البطه
هيه بس ميزتها الرهيبه عاليه جدا عن الارض وعفشتها جامده جدا
وطبعا زى الرد اللى قبلى الاوبترا أحسن منهم كلهم خصوصا انها تطوير للنوبيرا اللى معايه حاليا

شكرا لرائيك اخى الفاضل وده تانى ترشيح للجيلى يا مسهل استقر على رائى

المشاركة الأصلية كتبت بواسطة s o p h o s

مفكترش فالصني الشكل القديم ؟

والله الصنى الشكل القديم مش عجبنى شكلها اصلا والشكل الجديد منها الفول عالي عليه فى السعر شويه

مخالفة لقواعد المنتدى
ممنوع استخدام اللون الاحمر فى الكتابة
اللون الاحمر مخصص للمداخلات الاداربة فقط
______________________________

يرجى مراجعة قواعد المنتدى
م . ع 7