السلام عليكم يا شباب
بعت ال 128 و معايا من 30 ل 34 الف و عايز اشتري عربية في اقرب وقت علما باني مشوار شغلي 70 كم يوميا عالدائري
تنصحوني بايه و لو حد عنده عريبة للبيع في الرينج ده اهلا و سهلا بيه
السلام عليكم يا شباب
بعت ال 128 و معايا من 30 ل 34 الف و عايز اشتري عربية في اقرب وقت علما باني مشوار شغلي 70 كم يوميا عالدائري
تنصحوني بايه و لو حد عنده عريبة للبيع في الرينج ده اهلا و سهلا بيه
اظن الاكسيل هتكون مناسبة بس لازم التكييف انت شايف الجو عامل ازاى والدائرى لما بيقفل بيقى صعب عندك كمان الابيزا او تمبرا
شكرا لحضرتك لكن الاكسيل انا مش بحبها خالص ... كمان التمبرا عواجيزي اوي ده غير اني عايز حاجة بتكييف عشان الصيف و الحر و الصيام :)
ابيزا
انا مجربتش الابيزا قبل كده ممكن معلومات اكتر عنها ؟ و ممكن الاقي اكسنت نضيفة بالسعر ده ولا لأ ؟
كيا سيقيا 2... حلوة موت
فى اختيارات كتيير مكن تجيب بونتو او ابيزا او فليشيا او بولو او اكسيل او شاريد و حجات تانية كتير المهم تشوف حضرتك عايز ايه من العربية المهم بالنسبالك و انشاء الله نقدر نفيدك
كان معايا 35 من فترة قريبة وكنت برده حيران نفس الحيرة دى بس انا مش بسافر فيشاء ربك انى اصرف جزء من الفلوس لظروف والباقى لسة معايا بس مش هشترى قبل اما اعرف كروت البنزين والشغل ده كله هينتهى لفين؟
حاول تزود المبلغ حاجة بسيطة و دور على a113 فابريكة بالكامل و ماشية قليل هتلاقي ف حدود 40
احسن من عك الموديلات القديمة
و مبروك مقدما
إيه رأيك فى عربية لانسر بطة موديل 92 مانويل جميع الكماليات (تكيف تلاجة - باور - سنتر - زجاج كهرباء أمامى - جنوط) والحالة ممتازة
لو تحب .. أنا ببيع بـ 34 ألف رخصة سنة باسمى بدون توكيلات
حضرتك ده رأى واحد من الاعضاء فى منتدى فيات بخصوص العربيات اللى فى المتوسط ده وده كان ر أيه
انا هقول رأيي بعد أذن صاحب الموضوع لي بأبداء الرأي
النهاردة في 2012 اصبحت الشريحة السعرية 30-35 يوجد بها العديد من السيارات الأوروبية والكورية واليابانية ايضا الناجحة جدا والعملية جدا للموديلات ابتداء من 2002 وما قبلها
فتأتي في هذه الشريحة السعرية السيارات التالية علي سبيل المثال لا الحصر
1- هوندا سيفيك الجيل الرابع (87 - 91)
2- فولكس فاجن بولو mk2 موديلات (94-99)
3- سيات ابيزا mk2 موديلات (94-99)
4- فيات سينا (2000-2004)
5- فيات تمبرا (93-98)
6- لانشيا ديدرا (91-98)
7- دايو سيليو (95-96)
8- دايو لانوس (97-99)
9- دايو ريسير (94-96)
10 سيات توليدو (94-97)
11 هيونداي اكسنت (97-99)
12 ميتسوبيشي لانسر (91-96)
13 اوبل فيكترا (92-94)
14 اوبل كورسا (94-99)
صراحةً انا استبعدت البيجو 405 لأن سعرها اعلي من 35 للحالة الجيدة
ولو علي المقارنة بين تلك السيارات سالفة الذكر فتتربع علي عرش الأعتمادية وتوافر قطع الغيار فولكس بولو وسيات ابيزا وفيات تمبرا وسينا
اما عن الراحة واتساع الصالون فتأتي اللانشيا ديدرا والفيكترا
وسهولة الصيانة ورخص قطع الغيار فتأتي اللانوس والريسير والسيليو والهوندا سيفيك
اما عن مصاريف التشغيل والأقتصاد في الوقود فتتربع علي العرش الهوندا سيفيك واللانسر ثم البولو والأبيزا والسعة اللترية علي الترتيب هي 1.5 - 1.3 - 1.0 - 1.0 وبالطبع يتفوق الياباني نظرا لكبر حجم المحرك وتشابهه في الأستهلاك مع المحركات الأقل في البولو والأبيزا سواء بالمحركات ال1.0 او ال1.3 وال1.4 فتستهلك السيارة هوندا سيفيك 1.5 كربراتير 300 كم / الصفيحة متوسط
اللانسر 1.3 كربراتير 300 كم / الصفيحة متوسط
بولو وابيزا 1.0 انجيكشن 330 كم / الصفيحة متوسط
ولكن يتفوق محركات الفولكس في البولو والأبيزا بقلة الأستهلاك وانبعاثات اول اكسيد الكربون
اما عن الشكل الخارجي فتفوز السيارة بولو بلقب اجمل عربية يليها الأبيزا يليها الكورسا وبالطبع تتميز السيارات الأوربية بالتصميم الجذاب والذي يتميز عن نظيره الأسيوي لنفس الموديلات والفئات
وعن وسائل الأمان والتكنولوجيا فتأتي في المقدمة اللانشيا ديدرا يليها الفيكترا يليها التمبرا يليها فولكس بولو وسيات ابيزا والسيينا
عن سهولة البيع الهوينداي اكسنت واللانسر واللانوس
طبعا هذه المقارنة من خلال تجربتي ل70% من هذه السيارات وامتلاكي ل2 من هذه القائمة وباقي التقييمات من خلال تجارب الأصدقاء وبحثي حول هذه السيارت
تقبلوا مروري
وده لينك الموضوع
http://www.nilemotors.net/Nile/316898-30-35-a-2.html
لو تقدر تزود وتركب لانوس
متشكر جدا يا جماعة بجد ربنا يباركلكوا
انا معجب جدا يالسيينا ... و عرفت ان ال 1400 ماتورها شبه الشاهين و قطع غيارها متوافرة و مش غالية ... ايه رأيكم ؟
morelove0
متشكر جدا لحضرتك .. انت جبت الفايدة
يارب بس انا نفسي ف بي ام اللي هي الدبانة بس لولا البنزين لكنت جبتها دي 2000 سي سي
أنا مش رافع صور العربية دلوقتى .. لكن ممكن أصورها
العربية مش محتاجة أى مصاريف لأن أنا بصرف عليها كويس وعلى طول بجدد فيها
العربية فبريكة دواخل ومغيرلها إسكترا من ستة شهور وكمان مغيرلها الموبينة والمارش طبعا كله جديد والعفشة بالكامل جديدة كاوتش جديد
هى بس عاوزة شوية سمكرة خفيفة جدأ .. يعنى 100 جنيه يظبطوها.. ولو حبيت تغير الفرش كمان
تكيف شغال
باور
سنتر لوك
زجاج كهرباء
جنوط
رخصة سنة
بدون توكيلات
الابيزا ده راى
اننا معايا ابيزاا 1300 سىسى روعه حاول تدورلك انت كمان على واحده بصراحه عربيه جامده ومره طبقت بيها يومين مشى مريحتش ولا انا ولا هى وكمان فى اليومين دول افرت بيها ومنمتش ةرحعت تانى يوم من غير ما العربيه ترريح خالص وفى الاخر لما رجعت عربيه صاحبى لانوس سخنت ووقفت شديتها بعربيتى من الحصرى لغايه العشرين والحمد الله العريه ما اشتكتشى