الف شكر يا باشا على المعلومات ده اللى بتخلينى احب العربيه اكتر واكتر
عرض للطباعة
ال ٤٠٨ عربية موجودة بشكل واضح في السوق حتي لو عددها قليل بس بنشوفها مش زي السوبارو الامبريزا مثلاً.
وليها ملاك كتير معانا في المنتدي ويعتبرو أقل ناس شكاوي من العربية, مقارنة بباقي العربيات دا لو كان حد أشتكي منهم قبل كدا إصلاً,, لاني مشوفتش حد إشتكي منها في إي حاجة قبل كدا. سواء هنا ولا حتي في التوكيل.
يعني عمرك ما تلاقي واحدة منها واقفة عطلانة في التوكيل. او حد بيتكلم في حقها وحش وإن فيها عيب.
وأدينا هنشوف أداء ال ٣٠١ لما تنتشر بالسعر الحلو دا ونشوف أداء الفتيس الجديد. وإن شاء الله يكون مفهاش غلطة.
ومفيش تقل عليا ولا حاجة. الفتيس ال AL4 كان فيها مشاكل كتير أولهم في النقلة ما بين الأول والتاني الصبح وهيا باردة كانت بتطلع بنتشة في الأول وبتوصل لرزعة وهبدة محسوسة مع الوقت.
ولما كانت الحلة بتسوء بالنسبة للنقلات. كان بيرزع رزعة قوية ويطلع لك رسالة يقولك فيها Gearbox Fault وبيدخل الفتيس في ال Safe mode وبياخد الغيار التالت ويفضل ماشي عليه من غير ما ينقل. وكان علاجها بإنك تبطل العربية شوية وتدور تاني عشان تروح المشكلة.
وكان التشخيص إن فيه عيب في ال solenoid valve بداخل علبة السويتشات لحد موديل ٢٠٠٦ ولازم يتغيرو.
وكانو اصحاب العربيات قبل موديلات ٢٠٠٧ سواء بيجو ٤٠٦ او ٣٠٧ او ٢٠٦ او اي عربية بالفتيس AL4 بيغيرو الڤالڤ دا. وبقت العربيات تنزل بالڤالڤ الجديد دا من أول موديل ٢٠٠٧ و ٢٠٠٨ بس فضلت نفس المشكلة موجودة اللي هيا النتشة بس بقت الأعراض أقل من اللي قبلها. يعني بقت عربيات كتير متديش رسالة Gearbox Fault.
المشكلة التانية والأسوء ودي اللي مزهقاني انك لما بتكون ماشي وتقف ف إشارة المفروض العربية بتسقط غيارات سواء من رابع او تالت او تاني علي حسب سرعتك اللي كنت ماشي بيها للغيار الاول,
لأنك وقفت زيرو عشان الاشارة او مطب وهتطلع تاني.
تيجي حضرتك بقي تشيل رجلك من علي الفرامل وتدوس بنزين والعربية عال D ال RPM يعلي معاك والعربية متتحركش أكنها واخدة N مع انها عال شاشة قدامك كاتبة D والفتيس محطوط عال D.
بعد ما ال RPM يعلي شوية من غير ما العربية تتحرك بتاخد الاول متاخر وبتطلع بهبدة مرة واحدة أكن حد خبطك من ورا.
وبيبقي ساعتها الفتيس دخل في حاجة إسمها Limbo mode. ان هوا واخد D بس مهواش عارف ياخد أنهي غيار وتايه نتيجة غربلة في الضغوط او سوء ف لزوجة الزيت.
وقالو ساعتها تاني العلاج انك تغير السويتشات دي لما يطلع لك Gearbox fault بعد الرزعة دي. وبتغير معاهم زيت فتيس.
السويتشات الاتنين تمنهم ٩٠٠ جنيه حوالي ٤٥٠ للواحد. والزيت اللتر بحوالي ١٣٠ ل ١٤٠ جنيه وهتاخد ٤ لتر في الغالب.
وناس قالت شنابر ديل الفتيس.
وفي التوكيل قالو ممكن يكون فيه تهريب في الضغوط بداخل الفتيس من الأو سيلات.
بس حتي الناس اللي غيرتهم كان بيحصلهم نفس المشاكل بعدها. وبقي الحل المتداول انك تغير زيت الفتيس كل فترة قليلة من ٢٠ ل ٣٠ الف كيلو عشان تحافظ علي لزوجة أفضل ومعاهم السويتشات لو كانت محتاجة تتغير.
وانا شايف ان كل دي مسكنات ومش علاج لانك مش بتحل المشكلة وبتفضل متعايش معاها.
ودي مواضيع خاصة بيها لو حد حابب يقرأ اكتر عنها.
مع العلم بان فتيس ال سيتروين C4 هوا نفسه فتيس ال ٣٠٧. وقطع غيار البيجو وسيتروين بتتعمل في مصنع واحد PSA.
رينو بقي في الميجان إعتمدت نفس الفتيس ولكن كان الكود بتاعه DP0 بدلاً من AL4.
http://www.nilemotors.net/Nile/16040...406-206-a.html
http://www.nilemotors.net/Nile/232110-307.html
http://www.nilemotors.net/Nile/257870-307.html
http://www.nilemotors.net/Nile/257940-a.html
http://www.nilemotors.net/Nile/285558-1.html
http://www.nilemotors.net/Nile/284316-307.html
ودا موضوع فيه شكل الڤالڤ القديم اللي باللون الأبيض والبارت نمبر بتاعه 2574.10
http://3.bp.blogspot.com/_-EfNh59lPn..._7959-640.jpeg
والجديد الأسود بالبارت نمبر الجديد 2574.16
http://1.bp.blogspot.com/_-EfNh59lPn...6_257416-3.JPG
ودا الڤالڤ بلوك وهوا راكب فيه الڤالڤين القدام.
http://4.bp.blogspot.com/_-EfNh59lPn...0/IMG_7259.JPG
ودي المواضيع عن تغيرهم بالصور.
My Peugeot 206 XR: AL4 Hydraulic Valve Block
My Peugeot 206 XR: AL4 Solenoid Valves
ربنا يخليك يا باشا .. على المعلومات المفيدة والشرح المتكامل الوافي .. بس هل معنى كدة أن الفتيس ده (al4) فيه مشاكل مزمنة زي فتيس الباسات الـ dsg .. واللي رجح عدد كبير أن سبب المشاكل دي كلها هي الأجواء الحارة بعكس أداءه الممتاز في الأجواء الباردة في اوروبا .. ولا مجرد كلام وفتي .
لا مش فتي,, الفتيس فعلاً بيبقي أدائة سئ جوا البلد مع الوقوف المتكرر والاشارات وإرتفاع درجة حرارة المحرك. ولأن دورة تبريد الفتيس هي نفس دورة تبريد مياة الموتور.
علي عكس علي الطريق السريع بيبقي أدائة ممتاز لانك بتبقي ماشي ف خط مفتوح حتي لو وقفت للمطبات وطلعت لا بينتش ولا بيرزع لان دورة التبريد بتاخد هوا كفاية. وبتبرد الموتور والفتيس كفاية.
وعشان كدا في ناس قالت ان ممكن الحل يكون بتركيب كوولر للفتيس أكبر من بتاعه.
زي دي
http://www.nilemotors.net/Nile/284316-307.html
بس انا شايف انها لو متظبطتش صح هتفرق في ضغوط الزيت بداخل الفتيس.
انا ناوي اجربها قريب واشوف هتظبط ولا لأ. ولو ظبطت هعمل موضوع عنها.
وبالنسبة لموضوع ال DSG دي قصة تانية. لانه في ناس بتشتكي في دول تانية واتعمل Recall لعربيات كتير.
علي عكس ال AL4 معملش مشاكل كتيذ في اوروبا زي عندنا. بس عمل مشاكل ف الدول الاسيوية الحر زي عندنا.
ولما اتغير له الڤالڤ بقي احسن عن الاول.
الشكر لله,,
والمانيوال مكنش فيه مشاكل زي الأوتو, لأنو فتيس مانيوال عادي أنت اللي بتنقل الغيارات بنفسك فمكنتش موجودة مشكلة الفالفات دي وأختلاف الضغوط ولزوجة الزيت..
بس أنا أعرف كذا عربية 307 cc مانيوال كانت بتغير أسطوانة الدبرياج بدري مش عارف ليه في حدود ال 30 الف كيلو .
يمكن تكون الحرارة هيا نفس السبب للمشاكل والله أعلم لأني مشوفتش عربيات 307 مانيوال كتير.