تقييم اكسنت 2009 بعد 129000ك
موديل السياره : اكسنت 2009
مدة استخدام السياره : 4 سنوات
العداد : 129000
الزيت المستخدم : فالفولين تخليقى 5w40
تغيير الزيت : كل 7000 ك
مياه التبريد ك موبيل 33% تغيير كل 40000
الصيانات : كل 60000 تغيير طقم كاتينه اصلى + سيور
بوجيهات وفلتر بنزين : كل 30000 اصلى
تيل فرامل : اصلى كل 30-35000
زيت الفتيس مانيوال : تم تغييره على 60000 فالفولين تخليقى
زيت الفرامل : تغيير كل 40000 بندكس
اعطال الكهرباء : تغيير بطاريه بعد 3 سنوات ونصف الى بوش 45 امبير
اعطال العفشه : تغييير بارات الدركسيون والتيش الداخلى بعد 115000 ك ماركة ctr كورى
تغيير دراع النور بواحد اصلى + تغيير 2 لمبه امامى فيليبس 55-60 بعد سنتين واحده فى
واحده
الكاوتش : كومهو اكستا المقاس الاصلى يتغير كل 50000ك
صيانة العفشه : كل 10000 زوايا وتربيط
طريقة القياده : هادئه غالبا بنقل على 3000 من غير شد بس بشد كتير بنقل على 4500-5000
طريق العربيه : يوميا من اكتوبر للمهندسين والعكس بخلاف داخل اكتوبر ووسط البلد والسفريات والذى منه
السحب واداء الموتور : الحمد لله كما كانت زيرو ومفيش 1600 يعدى منى الا السيفيك بعد ال 100 والسيات الليون باقتدار واى حاجه تربو طبعا جولف مينى كوبر مرسيدس c 180 كده يعنى المهم ماتكسفكش
العيوب من وجهة نظرى : خفيفه فى الغرز الضيقه بعد ال 100 ممكن تعوم لو مش حاسبها صح
العربيه بتتهز لو فى هوا وانت على سرعه
طبعا عدم وجود abs يعيبها
الفرامل عايزه حكمه لانها بتقفش وبتتزحلق لو الدوسه جامده والكاوتش مش جديد ففعلا كانت عايزه abs
التكييف : جيد جدا الى ممتاز
عزل الصالون : جيد الى مرضى
الراديو سى دى : جيد
اداء العفشه وهدوئها : جيد الى مرضى عايز تتعود عليه يعنى مش ناعمه قوى مش ناشفه قوى
ابعاد العربيه : سهله جدا ويمكن السيطره عليها بسهوله
مساحه الصالون : جيده الى مرضيه
راحة الركوب : جيده جدا
رايى الاخير : الحمد لله عليها نعمه ومبسوط انى راكبها
كان هذا تقييمى المتواضع عن سيارتى وشكرا
