الموضوع: تابلت IPad 4 ولا Galaxy Note 10.1

عاوز أجيب تابلت جديد بس محتار شوية..

بالنسبة لاحتياجاتي حاقري Manuals يعني لازم يبقي 10 بوصة مش ال 7 أو ال 8 و محتاج انترنت 24/7 يعني م الآخر لازم تبقي فيه مكان لشريحة نت.. Multimedia وانا مسافر وكدة + امكانيات عالية عشان لو احتاجت برامج تقيلة (بافتح PDF تقيلة (حوالي 60 ل 100 ميجا الواحدة) وساعات بحتاج Autocad كا viewer مش Edit)

كدة ال Samsung Tab 2 برة المنافسة

عندي ال IPad 4 ودي حاتبقي أول مرة أتعامل فيها مع ال IOS ب 5000 ال 16 جيجا وللأسف مابيزودش ال Storage بتاعه وال 32 ب 5950 ومستخسر ادفع 950 جنيه زيادة ف 16 جيجا.. وعندي ال Galaxy note 10.1 ب 4400 بالضمان و 4000 من غير وده مشكلته اني معايا أساسا ال N7000 فا حاتبقي أغلب امكانيات ال Note مش مستفيد بيها لأنها عندي أساسا.. وال Resolution 1200*800 ودي قليلة جدا مقارنة بال 2048*1536 بتاعة ال ipad

دلوقتي هل ال ipad يعتبر عملي جدا ولا ايه؟ وأجيب IOS وأديني باغير عن الأندرويد ولا ايه برضه؟ وهل ال Jailbreak حايطلعه من الضمان فا حاضطر أفضل مستني لغاية الضمان ما يخلص؟ وهل كل ال ipad 4 نازل بال Retina display ولا دا option؟

المشاركة الأصلية كتبت بواسطة lamada

هات hcl تابلت ممتاز و رخيص و شغال اندرويد و تمنه تقريبا الف جنيه ده بره مصر
معرفش فى مصر ظروفة ايه و على ق\فكرة نفس امكانيات ال اى باد

صيني لأ مش ضامن أي حاجة فيه غير ان امكانياته ضعيفة

المشاركة الأصلية كتبت بواسطة Ahmed_selmy

انا فى راى ال galaxy note 10.1 افضل لعدة اسباب:
1- البروسيسور اعلى من ال IPad الضعف تقريبا.
2- الram بردوا اعلى , الضعف.
3- امكانية وضع SD card.
4- امكانيه استخدام bluetooth يعنى لو معاك لاب توب بدل متوصل الكابل علشان تنقل ملفممكن تنقله بالبلوتوث.
5- السعر اقل.
6- سهولة الاندرويد فى التعامل
7- البطاريه بتاعة التاب ضعف الا IPad, يعنى حتقعد مدة اطول فى الاستخدام.

1- مقارنة بامكانيات واحتياجات ال ios و ِAndroid ال ipad 4 كاسرعة أعلي
2- الرامات نفس الكلام وقريب عنها قبل كدة.. يعني البرنامج اللي بيحتاج 100mb في أندرويد مش محتاج أكتر من 30 ل 40 في ال ios
3 , 4, 5 عندك حق فيهم
6- مش مشكلة بالنسبة لي
7- العكس.. بطارية ال note حوالي تلتين بطارية ال Ipad

المشاركة الأصلية كتبت بواسطة Mahmoud Nagieb

بص يا باشا انا عندى ال note 10.1

هو تاب كويس وكل حاجة , بس هو بطاريته اقل من الايباد , والشاشة برضه مش جامدة , يعنى متوسطة

وبعدين فوق كل ده , دلوقتى بقى فيه جيل جديد من التابات والموبايلات

يعنى مثلا ممكن تبص على sony xperia z هينزل مصر قريب وهكذا

بص على الجيل الجديد اللى نازل , وسيبك من الايباد ال 4 والنوت 10.1

تحياتى

دورت ومش لاقي حاجة عدلة ف السوق اليومين دول.. يعني كنت بادور ع ال Nexus 10 مش لاقيله أي حاجة..

ألف شكر علي الردود والمساعدة ربنا يضعها ف ميزان حسناتكم ان شاء الله
هو دلوقتي أنا مش مشكلتي ف السعر وسهولة الاستخدام... أنا المشكلة عندي ال functionality يعني يديني أحسن ما عنده.. يعني مثلا خايف من ال note عشان أنا معايا note N7000 فا مش عارف حاستفيد من امكانياته ولا حاحس انها هي هي اللي عندي غير ان Android market مش مهتم أو بالتابلتس.. من ناحية تانية خايف برضه من ال ipad عشان ال limitations الكتير جدا اللي فيه وعاوز أعرف ال jail breaking حايديني اللي أنا عاوزه ولا لأ؟ وهل ال itunes store كل حاجة فيه بفلوس ولا ايه؟