الحمد لله انا اشتريت ابيزا 2002

**MEAMY1980** · 22-05-2013 09:23 PM

الحمد لله انا اشتريت ابيزا 2002 16v cc 1400 من اسبوع بمبلغ 40 الف حالة الموتور ماشاء الله وهو احسن ما فى العربية التكيف لما يشتغل بيرج التابلوه وضعيف وعايزة تظبيط السنتر وفرش الابواب عايز تظبيط وعايزة اربع فرد كاوتش جديد مع العلم بها جنوط اسبور مقاس 15 ومؤشر البنزين بيهيس ورشه حزام والزجاج الامامى به شروخ ارجو الافادة فى السعر وعيب التكيف المذكور واسف على الاطالةوارجو من السادة الاعضاء والمشرفين ارسال لنك تحميل كتالوج السيارة وشكرا

**aboamina** · 23-05-2013 12:54 AM

اولا الف مبروك الابيزا عربية جميلة وربنا يكفيك شرها
ثانيا طالما اشتريت خلاص ماتسألش حد سعرها مناسب وللا لأ عشان متضايقش نفسك على الفاضي لو حد قلك انك اتغلبت فيها خلاص عاملها على انها عربيتك
ثالثا قبل التكييف والفرش وقبل اي حاجة اشتريلها كاوتش جديد عشان اي مشوار بكاوتش ممسوح يعتبر انتحااااااار (دي نصيحة ليك ولكل الاعضاء) ولو شروخ الزجاج الامامي كتيرة وماينفعش معاها حقن يبقى لازم يتغير في اسرع وقت برضه
... بعد كده اكشف على التكييف وماتشحنوش وتخليه يسقع وخلاص غير لما تعرف سبب الرعشة وعلاجها ايه.
ربنا يوفقك

**SYD** · 23-05-2013 01:23 AM

في البداية أحب أرحب بيك في قسم سيات نايل موتورز

الف مبروك العربية وربنا يديك خيرها ان شاء الله

بالنسبة لرعشة التابلوه - فدة هتلاقيه عايز يتثبت كويس
واصلا سبب الرعشة مع تشغيل التكييف اكيد قواعد الموتور عايزة تتغير
قواعد الموتور هاتها استيراد في حدود 400 جنيه القاعدتين الأمامية والخلفية
واكشف علي قاعدة الفتيس بالمرة

السنتر عايز تظبيط ليه ؟؟؟ بتشتكي من ايه ؟؟
العربية دي السنتر بتاعها ضغط هوا
يعني شغال علي طرمبة بتضخ هوا للفتح وبتشفط الهوا للقفل
لو في تسريب في أحد القرب بتاعة الأبواب بتعطل السيستم بالكامل
القربة مش غالية ونفس الطرمبة مش غالية
انا فاكر كنت شاري الطرمبة ب180 جنيه
والقربة في حدود 50 جنيه

اما فرش الأبواب فدة عيب شائع في الموديل دة
اقصي حاجة تقدر تعملها هتروح لسروجي محترم يظبطلك الشكل العام

ربنا يباركلك فيها ويكفيك شر العين

بالنسبة للكتالوج
للأسف حتي الأن لم نتمكن من الحصول عليه

تحياتي
والله المستعان
،
،

**hossamalsadik** · 24-05-2013 10:49 PM

مبروك ليك
ومبروك لينا عضوى جديد فى قسم السيات
بالنسبه للكتلوج لمتاح حاليا بالغه الروسى
أتفصل شوف ده
http://www.nilemotors.net/Nile/320633-2000-1-2-a.html

وده كتلوج هتشوف الماتور وبعض الصيانات
http://www.nilemotors.net/Nile/35557...post3874977832

تحياتى