جيب رانجلر 2800 سي سي تيربو ديزل - بيع
ازيكم يا شباب....
أولا انا بعتذر عن وضع موضوع اعلان سيارتي في قسم الجيب...
بعد اذن الأستاذ كريم منير
انا بس حبيت احط الموضوع عشان افكركم بالعربية
فاكرين العربية الجيب الرانجلر اللي عملتها من حوالي سنتين؟
لظروف السفر و الدراسة .... هبيعها نظرا لأن والدي مش هيستخدمها في خلال سفري.... لأني انا اللي كنت بستخدمها
تفاصيل العربية بحلوها و مرها
رانجلر موديل 1987 - اللون أبيض
موتور و فتيس ايسوزو موديل 2005
عفشة كاملة جديدة (4 مساعدين و 4 سوست و جلب جديدة)
اكصدامات خلفي و أمامي نفس شكل ال ARB
و عتب جانبي (مواسير) لحماية الجانبين
حامل استبن خلفي (على الاكصدام)
تانك سعة 100 لتر (صاج مجلفن ضد الصدأ تخانة 2 مم)
كوارين أمامي و خلفي استيراد بحالة ممتازة
صلايب كردان جديدة
باختصار - موتور - فتيس - عفشة - آلات جر (بحالة فوق الممتازة) - على ضمانتي :)
نيجي بأة للجزء الوحش
العربية محتاجة بوهيجي و سروجي كويسين....(تترش رشة فرن حلوة و يتعملها فرش كويس)
علما بأن اللي فيها شغال و مش رايح في داهية .... مفيهاش كراسي مقطعة او متبهدلة ....
انا لو قاعد كنت ظبطت فيها الحاجتين دول....
السقف بتاعها هارد توب
العربية كحالة...تسافر ليبيا و ترجع كل يوم
خاصة بعد عمل التنك الجديد.... العربية ممكن تروح اي رينج طويل من الرحلات
موفرة جداااااااا في السولار (اللتر بيمشيها 10 كم)
سحبها قوي جدا خصوصا مع التيربو اللي على الموتور...
4 رشاشات جداد (لسة متغيرين من شهر)
4 فرد كاوتش 15" ممتازين و جنوط حديد سبور
حاجتها رخيصة و متوفرة في أي مكان (نفس حاجة النص نقل الشيفروليه) و أي ميكانيكي يقدر يشتغل فيها
كمثال يعني (فلتر الزيت ب15 جنيه و فلتر الجاز ب20 جنيه و فلتر الهوا ب55 جنيه)
للأمانة العربية اول ما اتعملت كانت متكلفة عليا أكتر من 55 ألف جنيه
ده غير التانك اللي لسة معمول يوم الأربع اللي فات (بعوامة جامبو و زور و خراطيم ووصلات و قفزان...)
و ده انا كنت كدا كدا هعمله سواء هبيعها او هخليها عشان ساعة ازمة الجاز ميكونش فيه مشكلة و يكون فيه خزين كويس في العربية يكفيها مشاوير شهر
رخصة تنتهي في يوليو 2014 (يعني سنة و شهرين)
سعر البيع 48 ألف جنيه
للاتصال
01001000895
و اتشرف باتصالكم سواء كان عشان العربية
او حتى لو حد عايز يسألني في اي حاجة تخص الجيب عموما
معرفتكم تشرفني دائما
أخوكم مينا :)
---------------------------------------------------------------------------------------------------------------------
الصور موجودة في المشاركة ديه
http://www.nilemotors.net/Nile/3874710613-post110.html
