فى الاول ربنا يوفقك الى الخير
طلما انتا حابب حاجة يبقا هى فى المقام الاول وهتنجح فيها اكتر اما عن الفلوس ومش عارف ايه ده كلام مش مظبوط حاول تحط هدف وتعمل على تحقيقه هو ده النجاح بجد
رقم العضوية : 141859
تاريخ التسجيل : 27Apr2013
المشاركات : 16
النوع : ذكر
الاقامة : اسكندرية
السيارة: ..........
السيارة[2]: ..........
الحالة :
السلام عليكم ..
انا عاوز استشارتكم بصراحة كأخ صغير وياااااااريت الإفادة من الكل بخبراتكم
انا داخل 3 ثانوي إن شاء الله والمفروض اختار بين علمي علوم وعلمي رياضة وقدامى اسبوعين ممكن اغير فيهم عادي ..
انا محتار بين الإتنين .. انا الحمدلله والشكر لله بجيب درجات عالية في الاتنين سواء الأحياء اوالرياضة وماشى عادي فيهم هما الاتنين ..
الفكرة إنى بصراحة بحب مجالات الطب اكتر وبحب مهنة الطب اكتر -طب بشري تحديداً- .. اما بالنسبة للهندسة فبصراحة هي عادية بالنسبة ليا ولابحبها ولا بكرهها .. مع العلم انى ماشي عادى فى الرياضة اي نعم مش عبقري ومش بحب الرياضيات اوى زي بعض الناس لكن بعد المذاكرة الحمدلله درجاتي كويسة فى الاتنين سواء احياء او رياضة ..
المشكلة بقى إن ناس كتير مخوفانى من الطب وناس بتقول الهندسة احلي ومستقبلها اسرع واحسن، وناس بتقولك عبال ما تخلص طب 7سنين و ماجستير حيكون سنك كبر وفى نفس الوقت حيكون المهندس بقى له مركزه فى شركته وبياخد مرتب محترم والدكتور لسة بيقول يا مسهل ..
وللأسف من ضمن الناس دي اخويا(هو صيدلي) بيقولى طب ايه دي اللى تقعد فيها تذاكر طول عمرك وماتمسكش فلوس قبل التلاتينات الهندسة او طب الاسنان احسن..
انا عاوز طب الحقيقة بس من كتر اللى بيتقال تقريبا قلقت ......
وبصراحة الموضوع مسببلي حيرة جامدة ..
اتمني اسمع رأيكم بإمانة وصدق :) وشكرا مقدماً
رقم العضوية : 141962
تاريخ التسجيل : 28Apr2013
المشاركات : 256
النوع : ذكر
الاقامة : القاهرة
السيارة: سوزوكى
السيارة[2]: 131
دراجة بخارية: لا
الحالة :
فى الاول ربنا يوفقك الى الخير
طلما انتا حابب حاجة يبقا هى فى المقام الاول وهتنجح فيها اكتر اما عن الفلوس ومش عارف ايه ده كلام مش مظبوط حاول تحط هدف وتعمل على تحقيقه هو ده النجاح بجد
رقم العضوية : 10065
تاريخ التسجيل : 04May2008
المشاركات : 1,630
النوع : ذكر
الاقامة : Heliopolis
السيارة: BMW isA :)
السيارة[2]: Opel Astra J HB
دراجة بخارية: None
الحالة :
لو بتفكر تبقى دكتور في مصر يبقى بلاش أحسن.. إلا بقى لو هتكمل دراستها بعد الجامعة بره مصر و تمارس المهنة بره فساعتها هيكون وضع مختلف تماماً.. بس هنا في مصر مفيش أكتر من الدكاترة بسبب الثقافة السائدة أن لازم أبني يطلع دكتور أو مهندس و كأنهم الشغلانتين الوحيدتين المرموقتين!!.. و أكيد طبعاً أنت عارف أو على الأقل سمعت عن وضع خريجي طب أيه هنا!!..
طب أسنان أسهل شوية و وضعها في الشغل أعتقد أحسن.. لكن تكاليف فتح عيادة أسنان بتبقى عالية أوي لأن الأجهزة مكلفة..
بس عايز أقولك أن أختيارك يكون مبني على رغبتك أنت مش أختيار حد تاني.. و بالتوفيق..
[shfaf2]http://nileup.com/up/uploads/nilemotors_14667781721.jpg[/shfaf2]
رقم العضوية : 77651
تاريخ التسجيل : 14Aug2010
المشاركات : 459
النوع : ذكر
الاقامة : zagazig
السيارة: lancer 2010 Boma
السيارة[2]: sahin
دراجة بخارية: لا املك
الحالة :
خدها مني نصيحة سؤالك ده بداية طريق الفشل
اجابة السؤال ده محدش يقدر يجاوبك عليه غير نفسك شوف انت هدفك ايه وعايز ايه من الدنيا واختار واوعى تفكر في الماديات كلو بيجيب فلوس لو كنت ناجح في مجالك ومتزعلش من بس انا زي اخوك الكبير
قال رسول الله صلى الله عليه وسلم" من أرضى الناس بسخط الله سخط الله عليه وأسخط عليه الناس ومن أرضى الله بسخط الناس رضي الله عليه وأرضى عليه الناس "
رقم العضوية : 117711
تاريخ التسجيل : 12Dec2011
المشاركات : 911
النوع : ذكر
الاقامة : القاهرة
السيارة: 1998 Octavia A4
السيارة[2]: Fiat 131
دراجة بخارية: NO
الحالة :
بص انا هكلمك عن طب بما انى فى 5 طب القصر العينى .. كلام اخو صح جدا جدا و لو جيت عندنا الكلية و اخدت نصيحة اى حد حيقولك بلاش تخش طب ..
نتكلم كلام واقعى بقى .. كل الكليات صعبة هندسة طب او صيدلة
بس فى طب بقى المفروض الى داخلها يكون بيحبها و بيعشقها عشان يستحمل قرفها
هديلك فكرة بسيطة عن المواد .. كل سنة فيها اربع مواد بس اربعة محترمين
كل مادة فى اخر السنة هتجيبها من اولها الخرها .. بعكس كل الكليات التانية هتحصل شوية مواد فى ترم و تبدا مواد جديدة فى الترم التانى
سنة اولى و تانية اربع مواد بيفهموك جسم الانسان الطبيعى
سنة تالتة بتدرس جسم الانسان المريض
التلات سنين دول دراسة نظرى
التلات سنين الباقيين
رابعة بتدرس مواد اكلينيكية زى رمد مثلا
خامسة كذلك
سادسة مادتين بس جراحة و باطنة بس حاجه فخيمة كده
و التلات سنين دول اسمهم دراسة اكلينيكية
و على فكرة سنة سادسة سنة و نصف مش سنة واحدة ( يعنى 3 ترمات )
تيجى بقى للامتياز سنة بردو و دى ميعتبرش فيها مذاكرة
يبقى لحد دلوقتى 7.5
تتخرج من الكلية بقى اسمك ممارس عام مش متخصص فى حاجه
تشوف بقى هتروح فين و لا تتعين فين و تشوف تخصص عاجبك و بعدين تحضر ماجيستر تقعدلك فيه سنتين تلاتة ..
لو عايز تسافر لازم تعمل شهادات معادلة و حاجات زى كده ..
يعنى مذاكرة ملهاش اول ولا اخر
يعنى عايزة واحد غاويها و هييجى فى سنة سادسة و يهنج بردو و تلعن اليوم الى دخلتها فيه
انا معرفش دماغك بس انا مثلا مبطقش المذاكرة و لو كان حد فهمنى القصة دى من الاول و النظام جوه الكلية عامل ازاى مكنتش دخلتها
نصيحة منى شوف دماغك انت اكتر واحد تقدر تحكم على نفسك و متسمعش من حد ميعرفش حاجه عن الكلية و يقولك عشان تبقى دكتور ولا صيدلى
اسمع من حد فى الكلية و حاول تعرف معلومات بسيطة عن الكام كلية ( هندسة صيدلة طب بشرى اسنان )
و ربنا يوفقك
https://www.facebook.com/Love.S.Octavia
[sor2]http://i1057.photobucket.com/albums/t391/forti711/DSC04967_zps73ca6047.jpg[/sor2]
رقم العضوية : 102155
تاريخ التسجيل : 04Jun2011
المشاركات : 295
النوع : ذكر
الاقامة : egypt
السيارة: not yet
السيارة[2]: كروز 2016
دراجة بخارية: no
الحالة :
الهندسة مقرفه في دراستها وشغلها ومش ها تستحمل القرف ده الا اذا كنت بتحبها
رقم العضوية : 141962
تاريخ التسجيل : 28Apr2013
المشاركات : 256
النوع : ذكر
الاقامة : القاهرة
السيارة: سوزوكى
السيارة[2]: 131
دراجة بخارية: لا
الحالة :
رقم العضوية : 107820
تاريخ التسجيل : 16Jul2011
المشاركات : 1,679
النوع : ذكر
الاقامة : cairo
السيارة: Fait127
السيارة[2]: Nissan Tiida 2012
دراجة بخارية: no
الحالة :
شوف الحاجه اللى انت بتحبها علشان متندمش بعد كدا.......عموما الاتنين عايزين مجهود ......بس الطب حباله طويله فى الدراسه اكتر من الهندسه.....انما لو على شغل ومستقبل كله فى علم الغيب ولا يعلمه الا الله.
وربنا يوفقك.
رقم العضوية : 117711
تاريخ التسجيل : 12Dec2011
المشاركات : 911
النوع : ذكر
الاقامة : القاهرة
السيارة: 1998 Octavia A4
السيارة[2]: Fiat 131
دراجة بخارية: NO
الحالة :
https://www.facebook.com/Love.S.Octavia
[sor2]http://i1057.photobucket.com/albums/t391/forti711/DSC04967_zps73ca6047.jpg[/sor2]
رقم العضوية : 4503
تاريخ التسجيل : 19Jan2008
المشاركات : 2,257
النوع : ذكر
الاقامة : Cairo
السيارة: N/A
السيارة[2]: N/A
دراجة بخارية: No
الحالة :
صيدله بتاخد متوسط 10 مواد في السنه وعايزه حفظ كتير وهيبقي عندك مواد رياضيه وتحسب برضه لو محتاج تفاصيل اكتر قلي
Sent from my Xperia Arc S using Forum Runner
مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره
المفضلات