مسافر من اسكندريه لمطار القاهره .. محتاج مساعدتكم عشان معرفش حاجه في القاهره

**amr-osama** · 22-05-2013 11:18 PM

السلام عليكم ..

انا مسافر ان شاء الله من اسكندريه لمطار القاهره .. بس انا معرفش القاهره خالص ممشتش فيها بالعربيه فمعرفش الشوارع والطرق خالص للأسف ..

فانا عايز احسن طريق يوصلني من الصحراوي لغاية المطار .. انا ان شاء الله مسافر بعد الفجر يعني ممكن اوصل على القاهره على الساعه 6 الصبح ان شاء الله فالدنيا غالبا هتبقى رايقه ان شاء الله ..

ممكن تقولولي اسماء الشوارع وانا ابقى اسأل عليها وامشي فيها لما اوصل .. أصلي مش عايز اوصل هناك واسأل وكل واحد يوديني في ناحيه واتأخر على الناس الي رايحلهم ..

شكرا جدا ..

تم نقلة لقسم دليل الطرق الداخلية وطرق السفر .

**rompo10** · 23-05-2013 12:07 AM

هاتخلص الصحراوي وتطلع الدائري وتفضل ماشي عليه لغايه موقف العبور ومن هناك في لافتات هاتدلك دا الطريق اللي الناس كلها عرفاه في طرق تانيه بس صعب وصفها

**ahmedhilmy** · 23-05-2013 12:19 AM

من الصحراوي لدائري المعادي من المريوطيه و بعد كده و لا يمين و لا شمال لغايه النخرج اللي بعد مخرج الرحاب مكتوب عليه مطار القاهره تنزل منه 3 دقايق هتلاقي بوابه المطار و توصي بالسلامه

**amr-osama** · 23-05-2013 12:43 AM

تمام شكرا جدا لحضراتكم .. يعني الدائري احسن من اني ادخل من جوه البلد ..

طيب انا كان عندي سؤال هو الصحراوي او الدائري عليه رادارات ؟!
انا مش من هواة الجري نهائيا انا اصلا اخري 120 او 130 يوم ما اجيب اخري وميبقاش في عربيه في الطريق .. بس بصراحه ال100 دي بتحسسني اني ماشي بطه بلدي .. وكمان انا مسافر بعد الفجر فالدنيا فاضيه تماما والواحد مبيستحملش يمشي على 100 فبيزود شويه لغاية 120 مبعدهاش ان شاء الله ..