رفع دعم الكهرباء عن البيوت اللى استهلاكها عالى

**fepsceasar** · 23-05-2013 11:59 AM

يعنى لو طنشت تكتب القراية شهر هتلبس

**أبو صلاح** · 23-05-2013 12:06 PM

هو اصلا الكهرباء عليها دعم ؟
امال غلو الكهرباء الكام سنة اللي فاتو جم منين؟
وبعدين شركات الكهرباء بتحقق ارباح كبيرة كل سنة

اعتقد ان دعمها في السولار اللي بشغل المحطات
ولا في حاجة انا مش فاهمها

**eslamrace** · 23-05-2013 12:33 PM

لو الكلام ده حقيقي يبقى احنا محتاجين نعرف هى الحكومه الحاليه وعلى راسها رئيس الدوله معندهمش حلول غير الجبايه من المواطنين والاقتراض من الخارج من غير ميرشدوا هما استهلاكهم بل بالعكس شايفين ما شاء الله مخصصات الرئاسه فى الموازنه الجديده زادت لو الاجابه نعم يبقى الثوره بتاعه 25 يناير كانت قامت ليه وليه كان اسمها ثوره الافضل بقى نسميها تعديل 25 يناير غيرنا اسامى المسؤلين بس .
بلاش نفتح فى المواضيع دى احسن الواحد بجد مستاء لما بيحس ان نهايه الثوره بقت كده خصوصا ان الواحد شاف سواد ايام الثوره واستحمل علشان حاجات تانيه خالص مش شايف منها اى حاجه حصلت .

**Ahmed_Adham** · 23-05-2013 06:11 PM

المشاركة الأصلية كتبت بواسطة طارق _عبد السلام

هو بعد القطع المتكرر حد هيوصل ل 1000
وبعدين ايع علاقه عوده بالكهرباء

ثانيا وده دايما بيحصل القارىء ممكن يطنش شهرين تلاته
يعنى كده كده هيدخلوا الناس فى رفع الدعم خليها تخرب اكتر ماهى خربانه وان شاء الله هتبقى على دماغهم اكتر

المشاركة الأصلية كتبت بواسطة marsguy

هو إيه علاقة وزير التموين بالكهرباء؟

هوه بصراحه ملوش أي علاقه بيها من قريب او من بعيد زي ما برضه ملوش أي علاقه بانتاج القمح لأن دور وزاره التموين هوه التوزيع وليس الانتاج زي ما برضه حسن البرنس له تصريح النهارده ان الكهربا في اسكندريه هتنتظم بعد يومين وهوه ملوش أي علاقه بالكهربا او سلطه عليها.

المشاركة الأصلية كتبت بواسطة أبو صلاح

هو اصلا الكهرباء عليها دعم ؟
امال غلو الكهرباء الكام سنة اللي فاتو جم منين؟
وبعدين شركات الكهرباء بتحقق ارباح كبيرة كل سنة

اعتقد ان دعمها في السولار اللي بشغل المحطات
ولا في حاجة انا مش فاهمها

أيوه الكهربا مدعومه والشركات اللي احنا بندفعلها رسوم الكهربا دي مش هيه اللي بتنتج ولكنها بتشتري من الحكومه وتوصل لنا (حتى تلاقي في اسمهم "شركه كذا لتوزيع الكهرباء" وتاخد فرق سعر كمكسب فالحكومه بتقبضهم فرق السعر بين السعر الحقيقي والسعر اللي احنا بنتحاسب عليه.

**ahmedalaahosny** · 23-05-2013 06:34 PM

المشاركة الأصلية كتبت بواسطة midnightman_74

من ساعة لما مرسي وحكومتة مسكت الحكم وهما معندهمش كلام إلا عن رفع الدعم .....
الواحد لو كان يعرف كدا كان نزل ميدان التحرير فى الثورة وحدفهم بالطوب

فين أيامك يا ابو علاء كان ييجى فى عيد العمال ويقول لا مساس بالدعم
بصراحة ان مش عارف ابو علاء كان ممشى البلد أزاى !!!!!

والله مانا عارف ده شكله كان بيشحت ع الشعب يخربيت كده المشكلة ان مرسى ووزارته مافيش خبره فبيجرب ف الشعب لولا الاحتياطى لكان ال90 مليون قاعدين على باب السيدة بس بالمنظر ده مش هنمشى لانهم جايين بيجربوا بعد ما الدولة انهارت بعد الثورة واللى زاد الطين بله المطالب الفئوية ف الراجل عشان يغطى عجز الموازنة وعشان صندوق الخراب الدولى لازم يعمل كده بس واحدة واحدة يعنى انهارده انابيب بكرة العيش بعده البنزين بعده الكهربا على راى احمد ادم وية وية وهيركبوا عداد جنب مناخير كل واحد وييجي المحصل دفع سيب المحبس مادفع اقفل على امـــــــه

**ابوحبيبة2010** · 24-05-2013 07:00 PM

ن الكلام متفبرك بنسبة 99% ا

**Egyzizo** · 24-05-2013 11:50 PM

المشاركة الأصلية كتبت بواسطة ابوحبيبة2010

ن الكلام متفبرك بنسبة 99% ا

أنا فاكر انى قريت مشاركات كتير من النوع ده زمان أيام أول ما كانوا بيتكلموا عن كروت البنزين ، ودلوقتى بيطبعوا الكروت.

**hazoom2006** · 25-05-2013 12:18 AM

عودة: رفع دعم الكهرباء لمن يزيد استهلاكه عن 1000 كيلو وات شهرياً

اشوف فيك يوم ياللى فى بالى

**rahmanboud** · 25-05-2013 12:36 AM

دعم إيه اللى جاى تقول عليه

يا عم سيبه دى الغلابه محتاجين إليه

**shaddadfalcon1** · 25-05-2013 08:40 PM

في كام واحد بستهلك اكتر من 1000 كيلو في الشهر؟

وعلي فكره الكهرباء اصلا غلت

انا الشهر اللي فات الأستهلاك جايلي 455 كيلو ب 83 جنيه وعملت شكوي والناس كلموني ورحتلهم

الموضوع: رفع دعم الكهرباء عن البيوت اللى استهلاكها عالى

LinkBack

أدوات الموضوع

عرض

-

-

-

-

-

-

المواضيع المتشابهه

زرار الزجاج الكهرباء اللى جنب السواق ويرا

للى فاهمين فى الكهرباء و الاكترونيات بس او اللى جرب قبل كدة

الامن والاقامة الجبرية في البيوت

اسئله فنيه لكل البروتوناويه اللى بيشدو على rpm عالى (ارجو الرد)

مساعده من الناس الجامده اللى بتفهم في الكهرباء و المحركات

الكلمات الدلالية لهذا الموضوع

المفضلات

المفضلات

ضوابط المشاركة