عرض للطباعة
اولا الجمد لله على كل شىء ,انهاردة اليوم كان غريب من اولة المهم اول منزلت الصبح جيت ادور العربية مردتش تدور لقيت البطارية نايمة ,سبنتها ومشيت ,ولما رجعت خدت بطارية واحد صحبى دورت بيها شوية وراحت مبطله لوحدها المهم صحبى قالى احنا ناخد البطارية نشحنها قلت ماشى
المشكلة بقى انى قبل ماشيل البطارية قفلت العربية وبعد كدة شلنا البطارية وقفلنا الكبوت
ودلوقتى العربية مش عايزة تفتح خالص لانها بصمة وملهاش مفتاح لازم تكون البطارية راكبة علشان تفتح
ارجو افادتى بالحل ومتاسف للاطالة
الحمد لله علي كل شيء
انت محتاج لص سيارات
يعرف يفتح الكبود !!!
عربيتك موديل كام؟؟؟
لو ينفع تكسر الشبكه الاماميه
علشان تطول عصفوره الكبود
وتفتحه بايدك ,ايه رايك؟؟؟
هى استرا موديل 2007
حاولت فى حكاية الكبوت دى بس منفعش صعب يتفتح
هو التوكيل ممكن يعمل حاجة؟
اعمل فتحة صغيرة في حجم الجنيه الحديد في الاكصدام الامامي
وقم بإدخال سيخ من الحديد في هذه الفتحة ، وسوف تفتح الكبوت بسهولة
بعد كده ممكن تلحم الفتحة بعد حل المشكلة ، او تغطيها وتسيبها على سبيل الاحتياط
فعلا مشكله سوال الاكصدام نفسه مش ممكن يتحل من بره او ممكن مثلا ترفع العربيه بعد متحل العجله وتفك الكرتيره وتحاول توصل لاطراف البطريه وتعمل توصيله خارجيه طويله وتوصلها ببطاريه اقتراح مش عارف جدواه
هناك طريقة لا يعرفها سوى اللصوص او الكهربائي الشاطر
وهي ان تفك العجلة الشمال جهة السائق
ثم تفك الغطاء الواقي من الاتربة اسفل الرفرف للوصول الى سلوك السنتر
توصل لها كهربا من البطارية هيفتح السنتر في ثواني
يعني فكره مشابه لفكرتي بس السوال لو هو فك الكرتيره يقدر يوصل لاطراف البطاريه لو دي حصلت مش حيحتاج كهربائي او حتي لص سياراتاقتباس:
المشاركة الأصلية كتبت بواسطة hilal
فى البداية احب اشكر الساده المحترمين اصحاب الردود على الموضوع
والحمدلله المشكلة اتحلت بالاتى جبت كوريك تمساح من واحد صحبى ورفعت العربية من ناحية البطارية وحاولت اجيب الاوطاش السالب كان سهل لكن الموجب بهدلنى المهم وصلت سلكتين ببطارية خارجية والحمد لله اتفتحت .
الف مبروك ، وتحية للاستاذ عبد الرحمن حجاج صاحب الفكرة
:1000 مبروووووك
ريموت الاسترا ٢٠٠٨ البصمه به مفتاح طوارىء بداخله يستخدم فى هذه الحالات
الله يحيك يا استاذ هلال احنا هنا كلنا في خدمه بعض والف مبروك لصاحب الموضوع لانه قدر يحلهااقتباس:
المشاركة الأصلية كتبت بواسطة hilal
طيب سوال الباب نفسه في مدخل للمفتاح انا شفت استرا 2007 لاكن مختش بالياقتباس:
المشاركة الأصلية كتبت بواسطة temeey
الله يبارك للجميع على الاستفادة الكبيرة منهم و للمنتدى الجميل اللى الواحد بيحس فية اننا راجل واحد .
بالنسبة للمفتاح هو فية فتحة فى الباب بس هل فلا فى مفتاح داخل الريموت؟
انتالي تقدر تجاوب علي السوال ده شوف الريموت الي معاك وحاول تفكه وتتاكد
نعم المفتاح داخل الريموتاقتباس:
المشاركة الأصلية كتبت بواسطة catakeet
انا فعلا لقيت المفتاح بس على قد مفرحت كنت بندم على العملتة علشان افتح العربية بسببة
المهم دلوقتى فى مشكلة تانية بعد مجبت بطارية جديدة علامة البطارية اللى فى الطبلوة لقتها منورة على طول رحت اقيس شحن الدينمو لقيتة مبيشحنش فهل دة ممكن يكون عيب فيوز ولا اية وممكن امشى بالعربية عادى ولا البطارية ممكن تخلص . معلش متقل عليكو شوية اصلى معنديش خبرة لسة وعندى عشم فيكو .
لا طبعا مينفعش تمشي بيها الا لما يكون بيشحن لان البطاريه حتفضي وشكرا لازم تروح لكهربائي اوبل يشفلك المشكله في ايه