هى فعلا بتنتج الى الان مخصوص لمصر فقط بناء على طلب التوكيل المصرى , انما لباقى دول العالم توقف الانتاج
هى فعلا بتنتج الى الان مخصوص لمصر فقط بناء على طلب التوكيل المصرى , انما لباقى دول العالم توقف الانتاج
لانوس وفيرنا نفس الكلام. العربيات دي طول ماهي بتبيع كتير هيفضل الوكيل يطلبها من المصنع حتى لو مفيش ولا دوله غيرنا بتطلبها والمصنع مادام المبيعات أكبر من تكاليف خط الانتاج هيفضل يصنعها.
لانوس وفيرنا و 128 حتى ممكن نفهم السبب (الأسعـــــار) عربيات رخيصة وبعيدة بفرق كبير عن البومة والإلنترا والحاجات دي
بس لما كل سنة البومة سعرها يزيد وكمالياتها تقل ونلاقيها في اسعار عربيات حديثة يبقى اكيد في حاجة غلط وميتسوبيشي مابتحترمش السوق المصري
شوية يشيلوا العتب بتاع الأبواب، شوية يركبوا عفشة ال1300 مكان 1600، والمصيبة ناس بتدافع عنهم ويقولوا انا جربت العربية بعفشة ال1300 وماشية زي الفل لحد 160 و بسم الله ما شاء الله، ومش هاممهم النصب اللي بيحصل :)))
بصراحة هم عاملين زي المطرب اللي عمل اغنية ونجحت مع الناس ومعملش غيرها، هايفضل يغنيها في كل حفلة وخلاص لحد مالناس تزهق منه، بس احنا في مصر تقريبا الناس عندنا مابتزهقش :)))
انا لسه شاري واحدة 2013 من اسبوعين مع اني مش مقتنع بالتكنولوجيا اللي فيها خالص ولا شكلها بس جايبها عشان ماسكة سعر كويس وتتباع في نفس اليوم ! وهي بتتصدر لدول كتيرة زي مصر والاردن والخليجي برضو بس بتنزل الخليج وتروح على مصر والاردن ! وفي دول في اسيا لسه بتطلبها ! بس في معلومة مؤكده من الشركة ان الدفعة اللي جاية في شهر 6 دي اخر دفعة للبومة
موضوع اخر دفعة دا اكيد؟؟
اقسم بالله العظيم ان لو دي اخر دفعة فعلا انا هادبح خروف واوزعه على الفقرا كرامة للمناسبة السعيدة دي
ياااه، ياترى هايجي اليوم مانلاقيش فيه البومة عليها اكياس بلاستيك (ال يعني زيرو :)) )
منظر البومة وهي زيرو عاملة زي واحدة عجوزة ولابسة فستان فرح وعاملة فيها عروسة :)) :ma:
هههههه دا حضرتك شايل اوى منها حتى ف الاقامة : مدينة بلا لانسر بومة :)