مشكلة غريبة جدا في فرامل السيراتو!

**ahmedhossam86** · 23-05-2013 09:13 AM

صباح الفل يا شباب السيراتو..

دلوقتي انا عندي 3 مشكلات في فرامل السيراتو و اعتقد ان الثلاثة غير مرتبطين ببعض

اول مشكلة ظهرت من حوالي شهر.. كل ما ادوس فرامل و العربية واقفة او ماشية اسمع صوت تكتكة من جوا الصالون (غير صوت الدواسة طبعا).. روحت بيها لميكانيكي في الحي السابع قعد يختبرها و اكتشفنا ان الصوت طالع من ناحية الفتيس! و لما باجرب افرمل و اسند بإيدي علي عصاية الفتيس احس بزي اهتزاز بسيط فيها.. الميكانيكي تفسيره انه عيب في التقفيل او التربيط و لازم تتعمل في التوكيل عشان حوار.. حايفكه الكونسول علي كلامه

تاني مشكلة الفرامل مرة خفيفة و العربية بتسحف معايا و مرة تانية بتقفش كويس.. بس لما بتخف بتبقي بجد مرعبة

اخر مشكلة و دي الاغرب.. امبارح كل ما اركن العربية و اشيل المفتاح و انزل ، الاقي العربية مشغلة نور الفرامل في الخلف! (الاستوب منور و لمض الفرامل في الفوانيس) ..ادور و اطفي مفيش.. زي ما هي..اقفل و افتح بجهاز الانذار مفيش.. ادوس برجلي كام مرة علي دواسة الفرامل النور يروح.. الموقف اتكرر 3 مرات.. كأن في حد قاعد جوا ساند علي الدواسة او الدواسة ريحت..

العربية وكيل و عاملة 53000.. ساعدوني ربنا يكرمكم

**aymanshebl** · 23-05-2013 09:22 AM

جرب تكشف على منظومة الفرامل و الطنابير ده مهم جدا بالنسبة للمبة الاستوب ممكن سويتش نور الفرامل اللى فى الدواسة اللى مسئول عن تشغيل نور الفرامل ساعة لما تدوس على الفرامل معلق او محتاج رشة من wd40

**haissam24h** · 23-05-2013 09:33 AM

نور الفرامل مولع ده بيبقى عيب فى مكنه الاستوب

وطالما انته لسه ضمان
روح طلع عنيهم

**MITSUKERO** · 23-05-2013 10:26 AM

للأسف اعرف واحد صاحبي معاه زميلته في الشغل عملت حادثة بسيراتو بسبب الفرامل برضة بس هي مكانتشي بتقف مرة واحدة بدون اي سابق انذار و اكنت بتحجر و عملت شكوي لحماية المستهلك بقي و حوارات في الاخر غيرولها كل منظومة الفرامل

نصيحة روح اعمل الصح معاهم في التوكيل

**احمد المصرى** · 23-05-2013 10:29 AM

ممكن الفرامل واخده هواء او ممكن تيل الفرامل عايز يتغير لازم تكشف عليها صح علشان تعرف العيب من ايه الظبط

**yasserelsayad** · 23-05-2013 12:13 PM

صوت التكتكة اللى بتسمعها من الفتيس دا مش عيب حاجة دا اللوك بتاع الفتيس بيفتح وبيقفل كل لما تدوس فرامل

وموضوع النور اللى بيعلق دا بسبب مكنة ستوب الفرامل ودى بتتغير فى التوكيل تبع الضمان عادى مفيش مشكلة

موضوع انها بتسحف دى ازاى مش انت عندك abs وكمان بتخف ؟ شوف كدا الهواء بتاع الفرامل وممكن يكون في حاجة فى البلوف

بس انصحك روح التوكيل وسبهم هما يقلولك فى ايه متخليش حد يلعب برا فى حاجة بالذات الفرامل