الموضوع: عاوز أجيب طفاية حريق للبيت

أنصح حضرتك برضه باستبدال مشتركات الكهربا الصيني الرديئه لو عندك حاجه منها بمشتركات محترمه لأن هيه دي سبب كل المصايب وهيه اللي بتعمل شرز يسبب الحرايق لأنها مبيكونش فيها فيوز يتحمل الحمل العالي خصوصا لو مركب فيه تلاجه أو غساله او مايكروييف يعني متستغربش ان المشتركات المحترمه بيبدأ سعرها من 200 جنيه لحد 2000 جنيه ويمكن فيه أغلى من كده.

اتمنى حد يدلني على ماركات مشتركات محترمه في مصر عشان أنا بالرغم من ان عندي مشتركات بلكن ومونستر شاريها من بره بس كلها فيش ثلاثيه وأنا أحيانا بيبقى عندي حاجات فيشه ثنائيه مش بعرف أركبها فيها.

ألف شكر على الردود يا جماعه:

الفكره إن طفاية العربيه صغيره جداً ومش بتستمر غير دقيقه مثلاً. أكيد البيت هايحتاج طفايه أكبر

بالنسبه للمشتركات: فعلاً ده شئ خطر جداً ومهم جداً وأتا شخصياً واحد صاحبي بيته إتحرق بسبب مشترك صيني كان واصل عليه ريسيفر مش شغال, كان مطفي بس واصله كهرباء مش أكتر. أنا عن نفسي باجيب مشتركات من راديوشاك.

أنا إن شاء الله ناوي أنزل أجيب الطفايه بعد أسبوعين كده بس كنت عاوز حد يفيدنا أحسن نوع طفايه إيه لحرائق البيوت؟ بودره ولا غاز ولا إيه؟ وإيه الحجم المناسب؟


وكمان أنا سمعت بالنسبه لحرائق الزيوت ما ينفعش معاها غير بطانية الحريق. الكلام ده صحيح؟
شكراً