اخيراً وليس اخراً وبالصدفة البحته
عسي ان تكرهوا شيئاً وهو خيرُ لكم
بالصدفة البحته كان بقالي خمسة اشهر محتار في سبب تسقيف المكنة عندي وعملت كل الي ممكن يتعمل وفشلت
تغيير ردياتير
تظبيط سرعات المراوح
تغيير بطارية
تنظيف بوابة وايديل
تغيير سير الكاتينة والبلية
تغيير سيور دينامو وتكييف
استبعدت نهائياً البوجيهات علشان مركب ال g - power
استبعدت البوبينة علشان جربت بواحدة تانيه
غيرت اسلاك البوجيهات
كنت ناوي اغير طرمبة المياه وبعدها حساس الكرنك ولكن الحمد لله
امبارح وانا ماشي بالعربية فوجئت بصوت رهيب من ناحية سير الكاتينة وريحة شياط والمكنة بتبرجل
اول شيئ بدر لذهني سير الكتينة خلف هوب بطل الموتور فوراً
انزل افتح الكبوت الدنيا ولعه نار وفي دخان طالع من سير الديناموا والباور
فك مسمار الدينامو وهوي السير
سمي الله ودور علي حرص لقية الصوت اختفي وظهر صوت سرخة سير الديناموا طبعاً
جري علي محمد السيد وطبعاً بعد مطمنت علي سير الكاتينة بفك الغطاء العلوي ومراقبة الحرارة وعدم تشغيل اي شيئ بالكهرباء في السيارة علشان البطارية توصلني لمحمد السيد ومش هقولكم علي تقل الدركسيون من غير الباور ربنا ميوريكم
محمد السيد قلي الديناموا دا الصغير وبيتغيرله البلي قلت له توكل علي الله
فك الديناموا وغير البلي وركب
العربية صوتها نعم اوي (( علشان كنت مطنش صوت الخشانة )) الي مكنتش عارف جي من ايه
السحب اتحسن اوي
اهم ملاحظة التسقيف اختفي
:wink::wink::wink::wink::wink::wink::hlopaet_prv:: hlopaet_prv::hlopaet_prv::hlopaet_prv::hlop
aet_prv::hlopaet_prv::hlopaet_prv::hlopaet_prv::hl opaet_prv::hlopaet_prv::hlopaet_prv::hlopaet_prv:: hlopaet_prv::hlopaet_prv::hlopaet_prv::hlopaet_prv ::hlopaet_prv::hlopaet_prv::hlopaet_prv:
مش عارف اشكر محمد السيد ازاي
وطبعاً شكرت الله انه حللي المشكلة بتاعة التسقيف
مش شرط ان كل واحد عربيته تسقف يكون عنده نفس العيب
ولكن حبيت اوضحلكم الخطوات يمكن حد يستفاد بتجربتي
