الموضوع: مشكلة فى انذار الماتريكس .....كلاكيت ثانى مر فى اسبوع

مشكلة فى انذار الماتريكس .....كلاكيت ثانى مر فى اسبوع

لسة كنت بقولكوا ان رايح السبت اللى فات صيانة ال5000 للماتريكس 2008 وكنت بشتكى ان السنتر بيقفل بالريموت باب السواق بس وباقى الابواب بتفضل مفتوحة
المهم رحت عند غبور فى ابو رواش قابلنى مهندس وقالى ماتقلاقش خالص انا هاظبطلك كل حاجة وفعلا على الساعة اتنين رحت استلم العربية ختها ومشيت السنتر اشتغل وصوت العفشة مش كويس تحس ان العربية بتهبد فى المطب بس اهو ماشى

الابوخ من كدة ان حتى السنتر ماكملتش الاسبوع و نفس العيب رجع تانى واضح ان عشم نوار دة مش تمام

بس حسيت ان مركز صيانة غبور دة زحام على الفاضى لان الناس بتروح تصلح وترجع لهم تانى وتالت,,,,,,, يعنى انا كنت فاكر انى بروح التوكيل علشان اريح دماغى طلع التوكيل ولا اسوء ورشة ميكانيكى فى مصر

مش عارف اخبط المشوار تانى ولا خلاص اخلع من التوكيل واصلح برة انتوا رأيكوا اية