انا معايا فيكترا بى cdx 2000 وبفكر اركب رينو ميجان ممكن اقتراحات او نصيحه
عرض للطباعة
انا معايا فيكترا بى cdx 2000 وبفكر اركب رينو ميجان ممكن اقتراحات او نصيحه
الميجان عربيه جميله وثابته جداً و ركوبه محترمه أوي بالنسبة لسعرها الرخيص و ده من تجربه واحد صاحبي قعدت معاه ٦ شهور
لا يعيبها الا كام حاجه
اولا لازم تكون عارف سككها كويس عشان الكونترول بتاعها داخل في كل حاجه في العربيه و مش اي ميكانيكي يعرف يشتغل فيها زي الاوبل تمام
ثانيا قطع الغيار غالية حبتين مع العلم ان اي قطعه ليها علاقه بالكهربه لازم تكون اصليه عشان متقرفكش
ثالثا و دي وجهه نظر شخصيه انك ممكن تحس ان العربيه ضعيفه او سحبها مش اد كده نظرا لان انت راكب ٢٠٠٠ سي سي و الميجان ١٦٠٠
والله اعلم
شكرا يا معلم
بص ياباشا انا هديك الخلاصه الاخيره .. لانى كنت واقع فى نفس حيرتك
http://www.nilemotors.net/Nile/34640...post3874914628
الموضوع ده انا الى عامله .. وبعدها نزلت جربت الميجان عشان اقتنع .. وفعلا الكلام صحيح 100%
الفرق بين الميجان والاوبل فرق فخامه و اوبشن فقط .. بصراحه الميجان قعدتها مريحه وناعمه عالارض
كا محرك .. الاتنين قريبين من بعض لو هتقارنها بالايكوتيك 1600
كا ثبات .. الاوبل اتقل بكتيييييييييير ودي انا مقتنعتش بيها غير لما جربتها عالسرعات فوق ال 180 .. وانا سواقتي بتبين العربيه اوي
وعموما الاحساس فى الاوبل بتحس ان العربيه راسيه وتقيله اوي ولو حصل ايه فى الطريق مش هتخذلك او تحطك فى موقف وحش
غير كده فا الميجان مريحه من جوا ومريحه في المدينه بشكل عام !!! .. استهلاك اقل باور كهربا تكيف قوي حساسات نور ومطر وسقف بانوراما وهكذا ..
الخلاصة ومن الآخر ، لو عملت كده هتندم يعني هتندم ، وبدون كلام كتير
لا الموضوع مفيهوش ندم كبير اوي للدرجه دي كده لو هو سواقته هاديه الرينو برضه نظام تعليق مكجفرسون مالتي لينك وفيها وسائل امان محترمه مش هتحس انها اقل من الاوبل غير فوق ال 160 ..
فرق كبير جدا بين الالمانى والفرنساوي(تجميع تركى او فرنسي
انا معرفش عن الميجان كتير
لكن اعرف واحد عربيته ميجان داخلة فى شهر مرمية فى التوكيل مش عارفين يدوروها
موديل 2009