السلام عليكم يا اهل السوزوكى الكرام
ايه حكايه العربية ديه يا جماعة ؟؟ هو محدش اشتراها و للا ايه ؟؟
أنا شوفتها مرة واحدة فى شارع الهرم
يا ريت اللى اشتراها يشاركنا و يعمللنا تقرير عنها ...
عرض للطباعة
السلام عليكم يا اهل السوزوكى الكرام
ايه حكايه العربية ديه يا جماعة ؟؟ هو محدش اشتراها و للا ايه ؟؟
أنا شوفتها مرة واحدة فى شارع الهرم
يا ريت اللى اشتراها يشاركنا و يعمللنا تقرير عنها ...
أنا برضه مش عارف العربية دي ليه مش منتشرة مع إني كنت متوقعلها مع إمكانياتها إنها تكون متواجدة شوية في السوق
برغم إنها أفضل في نظري من البيكانتو اللى قربت من الـ 100 دلوقتي مانيوال وأخف منها في الوزن وأقوى في الموتور وكمالياتها برضه كويسة جدا وفي الآخر سوزوكي وأرخص من البيكانتوا
وفي الآخر تلاقي البيكانتوا مالية الشوارع وعربية زي دي مش موجودة
مع إنها عربية جميلة جدا بصراحة
العربية فعلا جميلة و موتور كويس و موفر كعادة سوزوكي انا شوفتها ع الطبيعة و قعدت فيها حتي التقفيل محترم
لكن للاسف منتشرتش اوي و اعتقد قلة الدعاية لها من اسباب قلة انتشارها ده غير خوف البعض من قطع الغيار لأن كل اللي بيسال معاه سوزوكي زي اس اكس فور او فيتارا او حتي سيلاريو تلاقي الناس تشتكي من عدم توافر قطع الغيار في التوكيل فده من اسباب اللي بتخلي الناس تخاف تشتري سوزوكي بالرغم انها عربيات محترمة و بتعيش لكن الماروتي لأنها من سنين و القطع منتشرة فكله بيبجها و كذلك الالتو قطعها انتشرت مع اني لما جبتها في 2008 كنت نادرا الاقي حاجة ليها لكن دلوقتي ما شاء الله الموضوع مختلف تماما
أنا معايا النيو سويفت , ممتازه وشيك , بس المشكله في قطع الغيار برضو , عموما الغاوي بيتصرف
والله يا جماعة احنا اللى بنخلى العربية تنتشر وللا لأ , يعنى شوف البيكانتو الجديدة منتشرة ازاى
وشوف العربية ديه كأنها مش موجودة فى مصر , فرق كبير جدا مع انى شايف ان سوزوكى و الله تستاهل افضل من كده بكتير لأن فيها جودة تصنيع جيدة جدا والاعطال فيها قليلة جدا ..
أنا رأييى انها افضل من الكورى ....
يا باشا السويفت الهاتش لما نزلت كانت ياباني في كل حاجة حتي التقفيل غير وسائل الامان سواء انظمة او اير باجز و موتور عربية محترمة جدااااااااااا و مع ذلك الناس بقت تقول ادفع 110 الف ليه فيها و بيدفعوا اكتر منها في عربيات مفيهاش وسائل الامان ديه عقليات بس اللي بيوقع اكتر التوكيل و قطع الغيار :(
معاك حق والله هى عقليات فعلا .... وفعلا قطع الغيار بتاثر جدا فى شراء العربية ....
معظم الناس اللى ملهاش خبرة فى السيارات بيسألو الميكانيكى و السمكرى و العفشجى , فالرد يكون انه هيرجح لهم العربيات اللى هو بيشتغل فيها عشان يكسب اولا و عشان يعمل سبوبة لأصحابه اللى بتشتغل فى قطع الغيار سواء جديدة أو استيراد , أما العربيات اللى مش منتشرة اوى فيقول لهم ابعدوا عنها !!