الموضوع: موضوع للنقاش: ايهم اكثر اهمية الشهادات المهنية ام الاكايمية

بص..هحكيلك تجربه انا شفتها شخصيا

كان معايا فى المدرسه فى اعدادى ولد كان مبهدل وكان فاشل وكل اصحابنا بيتريقوا عليه وكان يغش مننا فى الامتحانات وكانوا مسميينه بأسماء معفنه وهكذا

المهم مرت الايام وانا دخلت كليه تربيه عين شمس رغم انى بعشق الكمبيوتر جدا بس مجموعى مجابش حاجه كمبيوتر حكومه وكان الخاص على ايامى قليل وغالى نار

المهم اتخرجت وملقتش شغل وقلت اروح للمجال اللى حبيته وابتديت بال n+ وده كورس شبكات تمهيدى لكورسات MCITP و MCSE بتوع مايكروسوفت

واذ افوجأ ان اللى بيدرسلى الكورس هو الولد ده!!!!

فوجئت بمنظره والبلدله واللباقه فى الكلام والشياكه والشطاره فى المجال والانجلش الممتاز والشخصيه اللى بقت ممتازة والثقه بالنفس وحاجات كتير استغربتلها جدا

واتاريه كمان مشهور جدا فى مجال الشبكات وبيدرس فى اماكن مشهوره جدا وبيروح لشركات الاتصالات بالطلب
وبيدى دروس لمهندسين الشبكات الكبار بتوع الشركات الكبيره!!!!
كل ده وهو فى سن 22 سنه!! تخيل كل ده لواحد عنده 22 سنه!!
كان معاه A + و N+ و MCSE و MCITP و Win Server وكورسات تانى كتير اوى وكله بالشهاده الدولى وال ID بتاع مايكروسوفت

تخيله تناديله ب مستر بعد ماكنت بتتريق عليه!!!!

عرفت بعد ذلك ان اخوه صاحب المركز اللى رحت اخد فيه الكورس ده واخوه ده مهندس شبكات كبير وهو اللى علمه كل ده

نسيت اقولك كان خريج حقوق عين شمس وكانت على ايامى وايامه بتاخد ب 65%

سبحان الله

لكل مجتهد نصيب وفعلا كل انسان عند قدراته الخاصة

وكل ما بيجتهد ربنا اكيد هيكرمه

والشهادات فعلا ليها ثقلها خصوصا لما بتكون عن فهم :)

ربنا يكرم الجميع

المشاركة الأصلية كتبت بواسطة beshomilan

بص..هحكيلك تجربه انا شفتها شخصيا

كان معايا فى المدرسه فى اعدادى ولد كان مبهدل وكان فاشل وكل اصحابنا بيتريقوا عليه وكان يغش مننا فى الامتحانات وكانوا مسميينه بأسماء معفنه وهكذا

المهم مرت الايام وانا دخلت كليه تربيه عين شمس رغم انى بعشق الكمبيوتر جدا بس مجموعى مجابش حاجه كمبيوتر حكومه وكان الخاص على ايامى قليل وغالى نار

المهم اتخرجت وملقتش شغل وقلت اروح للمجال اللى حبيته وابتديت بال n+ وده كورس شبكات تمهيدى لكورسات mcitp و mcse بتوع مايكروسوفت

واذ افوجأ ان اللى بيدرسلى الكورس هو الولد ده!!!!

فوجئت بمنظره والبلدله واللباقه فى الكلام والشياكه والشطاره فى المجال والانجلش الممتاز والشخصيه اللى بقت ممتازة والثقه بالنفس وحاجات كتير استغربتلها جدا

واتاريه كمان مشهور جدا فى مجال الشبكات وبيدرس فى اماكن مشهوره جدا وبيروح لشركات الاتصالات بالطلب
وبيدى دروس لمهندسين الشبكات الكبار بتوع الشركات الكبيره!!!!
كل ده وهو فى سن 22 سنه!! تخيل كل ده لواحد عنده 22 سنه!!
كان معاه a + و n+ و mcse و mcitp و win server وكورسات تانى كتير اوى وكله بالشهاده الدولى وال id بتاع مايكروسوفت

تخيله تناديله ب مستر بعد ماكنت بتتريق عليه!!!!

عرفت بعد ذلك ان اخوه صاحب المركز اللى رحت اخد فيه الكورس ده واخوه ده مهندس شبكات كبير وهو اللى علمه كل ده

نسيت اقولك كان خريج حقوق عين شمس وكانت على ايامى وايامه بتاخد ب 65%

ما شاء الله قصه جميله تعطي نوع من التفاؤل
ودايما تخلي المقوله دي في ذهنك لا تعير الناس بما ليس فيك فيعافيهم الله ويبتليك

بتهيالي المقارنه ظالمه
ده ليه مجاله. وده ليه مجاله
الاتنين هايوصلوك للنجاح بس المهم انت بتحب تعمل ايه وقادر عل ايه

المشاركة الأصلية كتبت بواسطة ahmed_rahem

فعلاً، كل شهادة ليها مجالها

وخصوصاً مجال العمل، فية تخصصات الشهادة الاكاديمية بتكون احسن وفية تخصصات تانية الشهادات المهنية احسن.
الفيصل مجالك اية، ومهنتك بتحتاج اية.

لو على المحاسبة والتجارة يبقى الشهادات المهنية على طول، والاكاديمية لو انت عايز تكون خبير اكتر. الشهادة المهنية بتخليك تعرف الموجود حالياً فى معايير المحاسبة مثلاً ولكن الشهادة الاكاديمية هتخليك تعرف لية المعيار اتحط كدة.

والى عايز يسأل على شهادات التجارة عموماً يتفضل يسأل

السلام عليكم

جزاك الله خيرااا

طيب انا لسه محدش جاوبنى انا تقدير جيد
هدخل دبلومة سنتين
ولا تمهيدى ما جستير سنة

وايه احسن مكان احضر فيه بسرعة ؟؟
القاهرة ولا عين شمس ولا حلوان

وكام مادة والتفاصيل دى يعنى وتقسيمها

شكرا ليك