عرض للطباعة
ديه أول مشاركة ليا فى المنتدى وكان ليا سؤال لأهل الخبرة
عندى كليو 2003 1.2
بأفكر ابيعها وأجيب سيتى مستعملة تكون 2005 او 2006
يا ترى هيبقى الفرق يستاهل ولا كله محصل بعضه
الفرق بينهم فى حدود 20 - 25 ألف
الفرق من جهه السحب و نعوميه العربيه والمطبات وقطع الغيار والصيانة
لو عايز رأى واحد مجرب السيتى هاتها على ضمنتى انا مرتاح الحمد لله فيها و حاسس انها عربية كويسة و استهلكها للوقود ممتاز.
بس العيب الوحيد انها على سرعة 130-140 بتكون خفيفة شوية بس لسه ثابتة على الارض ..
ربنا يوفقك للفيه الخير.
الف شكر وربنا يسهل وابيع الكليو وأشتريها
انا معايا سيتى موديل 2008 .. وركبت كليو بتاعة واحد صحبى موديل 2003ومن خلال سواقتى ليها هقولك الفرق ..
- السيتى انعم فى سواقتها .. الباور بتاع الكليو حلو لكن السيتى احلى
- الكليو عفشتها انعم من السيتى .. مش معنى كده ان عفشه السيتى وحشة .. عفشتها ماشاء الله زى الفل بس نشفة شويه(مش عارف ده علشان العربية جديدة ولا هى نظامها كده ) .. لكن انا شايف ان الكليو عفشتها انعم .
- السيتى اوسع من الكليو بكتير
- الشنطة فى السيتى اكبر بكتير
- التابلوه والخامات والتقفيل لصالح السيتى
- سحب السيتى احلى من الكليو وخاصة لما تشغل التكييف
من الاخر السيتى احلى فى كل حاجة .. ما عدا ان عفشة الكليو انعم .وده رأى بدون اى تحيز
انا عارض السيتي بتاعتي للبيع لو محتاجها
الف شكر على الرد و المقارنة الجميلة ديه بس الأغلبية بيقولو ان العربية بتبقى خفيفة بعد ال 140 ذى الكليو هل ده حاسيته فى عربيتك
وبالنسبة للأخ Almahatma يا ريت توضح مواصفات عربيتك والسعر
كان فيه مشكله في السرعات العاليه في الموديلات القديمه لكن من اول 2005 اتعدل الموضوع ده
انا عربيتي 1500 سي سي ستيرماتيك كامله فرش جلد مقاعد و ارضيه و شنطه عامله 72000 كم طوالي كلهم سفر
و السعر 85 الف مع العلم بوجود حظر بيع لصالح شركه كونتاكت
هى فعلا بعد 140 هتلاقى انها خفيفة بس .. ده هتلاقيه فى كل فئتها او الفئة الأقل منها .. لو بتدور على عربية ثابتة .. يبقى شوف عربية فوق حاجز ال 100 الف