ممكن اسعار ومواصفات فئات الاكسنت ار بي هاتشباك بسعر اليوم في السوق ورأيكوا ايه احسن لون فيها .. شكرا
عرض للطباعة
ممكن اسعار ومواصفات فئات الاكسنت ار بي هاتشباك بسعر اليوم في السوق ورأيكوا ايه احسن لون فيها .. شكرا
لو ملاحظتى صحيحه انت معاك جيتا؟؟؟
هتنزل من جيتا تركب اكسنت!!!!!!!!!!!!!
قولى انا فاهم غلط عشان ممكن انتحر انهارده وعفريتى هيطلعلك ويعذبك ومش هيسيبك تعمل الجريمه دى
انا 2007 نزلت من بورا ركبت نيو اكسنت عشان اجرب الزيرو برضه ومن ساعتها وانا بجرى ورا عربية الرش فى الشارع
ولما نزلت من الاكسنت وركبت السيراتو الحمد لله خفيت وسيبت عربية الرش بس بقيت بجرى ورا عربية الجاز
انا سعيد جدا انك سألت السؤال ده بس اسمح لى اسألك شوية اساله عالسريع واسمحلى اقتبس من كلامك
تمام خليك معايااقتباس:
انا 2007 نزلت من بورا ركبت نيو اكسنت عشان اجرب الزيرو برضه ومن ساعتها وانا بجرى ورا عربية الرش فى الشارع
طيب يعنى انتا جربت الكورى ولقيته بتنجان غلطت ليه نفس الغلطة ورجعت جبت كورى تانى :dumb:ومرجعتش للالمانى :B4_592: ( لا تخرج من هذا البوست قبل ان تقول سبحان الله )اقتباس:
ولما نزلت من الاكسنت وركبت السيراتو الحمد لله خفيت وسيبت عربية الرش بس بقيت بجرى ورا عربية الجاز
:)
لا يباشا دي عربية والدي وانا بدور ع حاجة زيرو وانا كان نفسي فحاجة اوروبي بس السوق المصري انت عارف مش بتاع الكلام ده ومن كرهي للاكسنت العادية قررت اجيب الهاتشباك ههههههه .. ع فكرة كنت بفكر فالبولو الجديدة بس خايف من وقوف سوقها وقطع غيارها ايه رايك فيها
الأربى هاتش باك 4 فئات كلهم اوتوماتيك
125,500 - 128,000 - 136,000 - 139,500
سبحان الله:ma:
اولا السيراتو كانت ساعتها سعرها منافس جدا ومفيش اى سعر اوروبى يقدر يقرب ليها وفرق السعر يستاهل والسبب ده اعتقد انتهى خلاص اما الان فعلى يدك الامور ماشيه ازاى
ثانيا بالامانه اعادة البيع -الكورى بيتباع قبل ماتفكر تبيعه الاوربى بيقعد شويه وطبعا ده مش عيب ف الاوروبى - ده سوق مصرى ومش هتكلم عن السوق اللى كلنا عارفينه - واعتقد ان مع نزول منافسين اوربين جدد للسوق امثال 301 والاليزيه الموضوع هيختلف
الموضوع دلوقتى مش زى قبل كده فيه مستجدات