اخوانى الاعزاء انا اول مرة اركب عربية اوتوماتيك واللى اعرفه ان العربية لو واخدة غيار المارش مش هيشتغل بس اللى حصل عندى ان العربية كانت على r ودورت والجمد لله لبست فى العربية اللى وراها اييييييييه العمل
عرض للطباعة
اخوانى الاعزاء انا اول مرة اركب عربية اوتوماتيك واللى اعرفه ان العربية لو واخدة غيار المارش مش هيشتغل بس اللى حصل عندى ان العربية كانت على r ودورت والجمد لله لبست فى العربية اللى وراها اييييييييه العمل
ازاي اصلا العربية بطلت وهية علي ال r المفروض المفتاح ميطلعش الا لو علي ال p او n غير كدة لا وحتي لو حصل وبطلت لما تيجي تدور اية هيرجعها لورا الا لو كنت ضاغط بنزين غير كدة مش هتتحرك
لو الغيار على r زي ما بتقول العربية المفروض ما تدورش.
هى العربية ايه يا باشا و فتيسها نوعه ايه ؟؟
العربية نيسان صنى 2005 اوتوماتيك وجربتها تانى وجبت d وبطلت والمفتاح طلع عادى وبعدين دورت وهى على نفس الغيار ومشيت للامام مع المارش يبقى كده العيب فى ايه بالظبط
شكوى غريبة جداااااااااااااا
اطلع ياباشا على أقرب مركز خدمة أكشف عليها
عمره ما مر عليا حاجة زي دي!!
ياريت تقولنا عملت ايه.... تحياتي
Sent from my LT18i using Forum Runner
هو الصراحة انا اول مرة اسمع عن كدة بس الى يعيش ياما يشوف بس انا هقولك على الطبيعى ان العربية بتبطل على اى غيار عادى بس المفتاح مابيطلعش من مكانة الا على p بس والعربية مابتدورش الا على n&p بس ولو حاولت تدور على غيرهم اكن العربية من غير بطارية مش هتعمل حاجة خالص ...عشان كدة روح التوكيل او اسئل متخصص بس ابقى قولنا اية الى تم لانة موضوع جديد جداا
طيب هو الكشف فى التوكيل فى حدود كام علشان انا جايبها قسط وبكح تراب ،، وممكن اروح توكيل الدراسة ،، وهل ممكن يحددلى العطل وابقى اعمله بعدين ولا لازم يتعمل دلوقتى
الله اعلم بس اعتقد ان الموضوع ده ميحصلش معاك الا لو الزر بتاع تحرير الفتيس ( مش اللى موجود فى الفتيس ولكن يوجد زر تستطيع الضغط عليه بعد ما تشيل المفتاح وتقدر تحرك الفتيس لاى وضع ) يكون بايظ
ومخلى الفتيس رايح جاى
لا كدة فى حاجة غلط يا باشا .لازم تكشف على العربية
العربيه مش بتدور الا اذا كانت ع الـ n او p و المفتاح مش بيخرج من الكونتاكت الا اذا كانت ع الـ p
حضرتك ممكن تروحلهم التوكيل تقولهم عندي كذا و كذا ف العربيه حتى لو مش في معاد صيانتك (لان ده يعتبر عيب ف العربيه و هما اللي يتحملوه و بعالجوه) و مش هياخدوا منك اي فلوس مقدما لانهم المفروض هيبعتوا معاك ملاحظ يشوف ايه المشاكل اللي ف العربيه
العربية خارج الضمان وانا شاريها من معرض وقسط ويدوب بجمع القسط بالعافية ،، هحاول فى اقرب فرصة اروح التزكيل ولو حد من الزملاء راح التوكيل وقدر يعرف ممكن يكون العيب من ايه يبقى طمن قلبى لغاية ما ربنا يسهل واروح اكشف عليه