الموضوع: خبر حلو عن التاكسي - لكن عندي اعتراض صغير

المشاركة الأصلية كتبت بواسطة mr_green

شكرا على الخبر و مؤيد تماما لوجهة نظرك بس أحب أضيف نقطة صغيرة

أعتقد إنت شوفت تاكسى دبى - ليه مايكونش عندنا نفس السيستم فى مصر ؟ مع وضع فى الإعتبار تجربة تاكسى العاصمة الفاشلة و التعلم منها

و ياسلام لو يتوحد موديل التاكسى بين موديلين أو 3 على أقصى تقدير على إختلاف أحجام أو مواصفات كل موديل و كمان لو يتزود لكل تاكسى gps tracker

تحياتي الحارة لحضرتك

حسب علمي تاكسي دبي وأبو ظبي بيشترط يكون 2000 سي سي حد أدنى

وبيكون شركات مش أفراد والشركة بيكون ليها مشرفين وإدارة قوية لو أي سواق جت منه شكوى بيكون نهارة أسود

غير إنهم في أبو ظبي " على الأقل " كل التاكسيات الجديدة مركبة غاز طبيعي في الشنطة

وكل شركة بتكون مشتركة مع شركة دعاية وإعلان علشان تستفيد من التاكسيات بتاعتها

منظومة إن شاء الله نوصلها لكن ممكن بعد فترة



عارف حضرتك أنا رأيي إن المنظومة بتاعة الشركات دي ممكن تتطبق أفضل بدلا من الميكروباصات والبيجو السبعة راكب اللي بين المدن والمحافظات

يعني كل محافظة تنشئ شركات للنقل الجماعي بين المدن وبينها وبين المحافظات التانية

والشركات دي تكون فيها نسبة مشاركة أهلية كبيرة يساهم فيها أصحاب الميكروباصات والبيجو السبعة راكب

وتكون تحت اشراف ولوائح حكومية والسواقين القدامى اللي على الموقف تكون ليهم الأولوية في العمل فيها بعد إجتيازهم إختبارات حازمة في السواقة وطريقة التعامل وعدم تعاطي المخدرات


وكده

1- عدد العربيات على الطرق هيقل

2- السواقين هيلاقوا فرص عمل محترمة وبعدد ساعات أقل وفيها تأمين صحي ومعاشات وإجازات

3- أصحاب الميكروباصات والبيجو هيدخلهم دخل كويس من غير معاناة وقلة قيمة

4- المواطن هيحصل على مواصلة مكيفة محترمة بسعر أقل ومن غير بهدلة والعربية اللي عليها الدور فقط هي اللي هتستخدم وده هيقلل عدد الإنتظار بدل ما كل ميكروباص بيلم لوحده - وطبعا خروج الباصات هيكون بحد أقصى فترة زمنية معينة أو عند إمتلاء الباص ( أيهما حدث أولا )

5- الدولة هتوفر في دعم السولار والبنزين اللي رايح للعربيات اللي هتتلغي

6- الدولة هيدخلها دخل معقول من نسبتها في هذه الشركات

7- الباصات اللي في الإنتظار ممكن يتعملها برنامج لتوصيل المواطنين داخل المدن لحين اقتراب دور الباص في التوصيل خارج المدن

8- ممكن عمل برامج أخرى سياحية أو للرحلات تستخدم فيها هذه الباصات في أيام العطلات




.

أشكرك على الخبر

وأتمنى يكون تم حل مشاكل الدفعة السابقة قبل أن يفتح الباب للدفعة الجديدة

المشكلة الحقيقية للتاكسي هي العشوائية ولا يوجد منظومة ثواب وعقاب

الحل الأمثل هو إنشاء الجهاز القومي لتنظيم المواصلات
ويكون من سلطاته أن يضع لوائح تنظيمية لجميع أنواع المواصلات
وكذلك يضع لائحة عقوبات

ويكون له رجاله مفتشين مواصلات على غرار مفتشي التموين

لكن استمرار العشوائية في المواصلات هي القضية الكبرى


-

أنا شايف ان المستفيد الوحيد من مشروع التاكسي هوه توكيلات السيارات وخصوصا غبور.

المشاركة الأصلية كتبت بواسطة ahmed1981

أشكرك على الخبر

ويكون له رجاله مفتشين مواصلات على غرار مفتشي التموين






-

لا شكر على واجب



المترو زمان كان مستحيل حد يعمل فيه مخالفة


الشركة الأجنبيه كانت بتدي المخالفة للي بيحصلها


وفي التسعينات كلفوا كام مفتش يلف على المواصلات الخاصة والعامة - فكنت أركب الميكروباص في رمسيس السواق نفسه ما يسمحش لحد يدخن ويقول مش ناقصين مخالفات يجيلنا مفتش متخفي ويلبسنا في الحيط


ولو الداخلية حاليا كلت مائة مفتش سري وادوهم الضبطية القضائية للمخالفات دي المواصلات كلها هتتظبط




.