رحلتى مع الالفاروميو 156

**الغزالى** · 25-05-2013 07:29 PM

المشاركة الأصلية كتبت بواسطة أحمد الجندى

طلعت النهاردة لخالد الفا بخصوص موضوع السخونة بتاع امبارح ..... قبل ما اطلع حبيت اطمن لقيت الميا زى ما سيبتها امبارح ماكنتش ناقصة ولما روحت لغاية خالد درجة الحرارة مظبوطة طول الطريق وبرضو الميا مانقصتش سيبت العربية تبرد لساعة ومفيش أى نقصان بقيت حاتجنن هى العربية حصلها ايه امبارح ... بص احمد اخو خالد ملقاش حاجة فنضفنا القربة من الميا المصدية وحطيت ميا عادية وحاراقبها وبعد مدة لو كله تمام حاحطلها ميا خضرة

ملاحظات على العربية بعد مرور اسبوع

- قيادة العربية ممتعة جدا سحبها ممتاز ناعمة على الطريق عزل كويس ثبات
- مرايتها الجانبية كاشفة جزء كبير من الطريق وبتقلل النقط العمياء
- الباور بتاعها كويس لاهو ناعم قوى ولا تقيل واستجابة الدركسيون دقيقة جدا
- كمبيوتر الرحلات والاعطال مفيد جدا بيعرفك معلومات كتير عن استهلاك البنزين وفيه كمان cruse control يديلك انذار لو تعديت السرعة اللى محددها
- التكييف بتاعها مش زى اليابانى بس لو انت فى جو صهد تكييفها يرطب الجو فى العربية فيه ميزة تانية ان التكييف بتاعها dual zone فالناس اللى ورا بيجيلهم هوا كويس ويقدروا يتحكموا فى اتجاه الهوا عليهم ... تشغيل التكييف ما بيأثرش على سحب العربية
- العربية لو بتسوقها لوحدك مابتحكش فى المطبات لو محمل تعدى من المطبات المحترمة اما الجبال والهضاب اللى بيعملها الاهالى فأنت وحظك ممكن تعدى منها بالجنب أو ممكن تلبسها حتى لو اتشقلبت فوق المطب
- ال 156 بتنزل بسماعتين فى البابين الاماميين فقط ومعاهم تويترات وصوتهم متواضع جدا وحتى الكاسيت الشرايط حاسه مش قد كده ... طبعا فيه ورا الكنبة مكان للى حابب انه يركب سماعات وده انا ناوى اعمله
- فيه زرار بيتحكم فى ارتفاع وانخفاض اضاءة الفوانيس الامامية

عاش يا جندى ... :]
بس توضيح هوا اسمه Speed limiter انما الكروز انك تمشى على سرعه معينه وانت شايل رجلك من على الدواسه تفضل السرعه زى مهيا متقلش غير لو انت دوست فرامل او فصلت المثبت

**Esam Mosaad** · 26-05-2013 11:36 PM

لو سمحت كنت عاوز اسئلك مين الفنان العبقرى الى فهمك كل الابوشن ديه بما فيهم الرداتير انهارده

**Esam Mosaad** · 26-05-2013 11:49 PM

صحيح هيا ديه غير دوكها

**i_Am_Legend** · 27-05-2013 02:42 PM

الف مبروك وربنا يديلك خيرها ويكفيك شرها...العربية دى لما كانت معايا. اكتر حاجة مميزة فيها الثبات والفراااااااامل

**EslaM_NagY** · 27-05-2013 02:58 PM

مبروك العربية

انا بحب الموديل دا جدااااااااااااااااااااااا

ربنا يباركلك فيها

**أحمد الجندى** · 27-05-2013 04:37 PM

المشاركة الأصلية كتبت بواسطة i_am_legend

الف مبروك وربنا يديلك خيرها ويكفيك شرها...العربية دى لما كانت معايا. اكتر حاجة مميزة فيها الثبات والفراااااااامل

الله يبارك فيك
على فكرة انت كنت سبب من الاسباب اللى خليتنى افكر فى الالفا ولو تفتكر انت كان ليك موضوع عن قطع غيار الالفا وانا قلتلك ساعتها انها ارخص من عربيتى الكورى ودى كانت الشرارة بالنسبة ليا ... حتى ان عربيتك ال 156 اللى بعتها معروضة دلوقتى للبيع وروحت شوفتها

المشاركة الأصلية كتبت بواسطة eslam_nagy

مبروك العربية

انا بحب الموديل دا جدااااااااااااااااااااااا

ربنا يباركلك فيها

هى عربية محترمة وركوبة جميلة ربنا يباركلى فيها ويبعد عنا العين والحسد

**أحمد الجندى** · 27-05-2013 04:43 PM

من بحثى عن موديلات الالفا عرفت ان العربية دى الوكيل فى مصر كان بينزلها 3 فئات

الفئة الأولى : فيها (Air bags - ABS – ASR - EBD ) كراسى قماش ... ودى اللى معايا
الفئة التانية : نفس اللى فات زائد تحكم في الطارة للكاسيت + مثبت سرعة + cd changer + جلد طبيعي
الفئة الثالثة VIP: فتحة سقف

والله اعلم

-

-

-

الموضوع: رحلتى مع الالفاروميو 156

LinkBack

أدوات الموضوع

عرض

-

-

-

-

-

-

-

المواضيع المتشابهه

اسعار قطع غيار الالفاروميو 156 ( الى بتتغير بصفة دورية )

افيدونى فى رحلتى الى تركيا

برافو عليكم يابتوع الفيات و الالفاروميو والماساراتي ( اوبشن حلو اوي في اللينيا )

قصة رحلتى مع بروتون و تقييم الـ 30 ألف 1-2

سؤال بخصوص الالفاروميو 1.46

الكلمات الدلالية لهذا الموضوع

المفضلات

المفضلات

ضوابط المشاركة