الموضوع: رحلتى مع الالفاروميو 156

تشرفنى متابعتك

واضح ان قلبى كان حاسس ان مغامراتى مع الالفا حاتبدأ بدرى بدرى ففتحت الموضوع على حسه

نيجى للمستجدات فى الموضوع عربيتى لما بدأت امشى بيها مشاوير طويلة بقيت بسمع صوت التروس فى النقلة الثالثة وعضة فى النقلة الخامسة وهبدة فى المارشدير فقلت يمكن العيب منى ولسه رجلى ما اخدتش على السواقة زائد ان دواسة الدبرياج تقيلة جدا وبرضو قلت يمكن ده العادى بتاعها

روحت على خالد الفا فقالى ان الفتيس عايز يتغير وطقم الدبرياج معاه وكان فيه صوت تصفير فى الفرملة فطلع ان الطنابير عايزة تتغير برضو هو ممكن امشى بيهم عادى بس يستحسن يتغيروا ... طلعنا على محل قطع غيار اسمه محمد يوسف نسأله على قطع الغيار لقيت طقم الدبرياج جديد عامل 1200 جنيه والطنابير عاملة 600 جنيه وعندى كاوتشة الكوبلن عايزة تتغير فلقيتها عاملة 60 جنيه

سألت خالد الفا ايه نظام الاستيراد لقيت الفتيس عامل 600 جنيه وهو يجيبهولى على التجربة وعرفت من اخونا خالد عادل انه ممكن يبقى فى حدود 400 جنيه واعتقد ده سعر بورسعيد وممكن نجيب ديسك استيراد ب 200 جنيه والمصنعية تعمل 200 جنيه اما الطنابير فانا فاكر ان اشرف ياسين بتاع الوكالة كان قالى ان الجنبين فى حدود 350 جنيه

كده عرفت الحاجات اللى عايزة تتعمل ومش فاضل غير ترتيب اوليات الصيانة

المهم فى نهاية اليوم وأنا راجع لاحظت ان مؤشر الحرارة عدى ال 110 وداخل على ال 130 شغلت التكييف برضو مفيش أى تحسن والحرارة عالية شوية ولقيت العربية بدأت تدى فى انذار وطلعت على الكمبيوتر رسالة check oil pressure او حاجة زى كده والعربية بطلت ... نزلت بصيت على زيت الموتور لقيته كويس شكيت فى الميا فتحت القربة ماشوفتش حاجة من الضلمة بس بما انى كنت لسه شايفها امبارح فمديتش خوانة ... شوية واتحركت بالعربية مفيش 5 دقايق وحصل نفس الشىء بس المرة دى كان فيه نور بصيت على قربة الميه لقيتها فاضية زودتها واستنيت لقيتها عمالة تنقط من تحت سيبت العربية ربع ساعة لغاية ما بردت خالص وشغلت التكييف واتحركت وفضل الموشر ما بين 85 إلى 90 وبإذن الله بكره اروح لخالد نشوف ايه اللى بيسرب

بس كنت سعيد ان العربية فيها صوت ينبهك ورسالة تقراها واللى احسن ان فيه وسيلة حماية بان العربية بتبطل

متابع و الف مبروك

المشاركة الأصلية كتبت بواسطة الغزالى

متابع يا جندى ...
وخد رقم اتو ربيع من خالد عادل واسئله على اسعار الحاجات الى انت عايزها ممكن تلاقى سعرها احسن
وطقم الدبرياج غالي كده عشان فاليو فرنسى

مانا لما كنت رايح معاه لمحمد يوسف سمعته بيقول ان التانى اسعاره برضو عاديه وزى بقية السوق

بقولك ايه يا غزالى خالد الفا نكد عليا امبارح وقالى ان العربية مفيهاش ebd ... وان الموديل ده كان بينزل منه عادى و high line ويفرق فى زراير التحكم فى الدركسيون وال ebd... هل فيه طريقة اعرف بيها القصة دى؟

متابع

المشاركة الأصلية كتبت بواسطة ahmedsiyam

متابع و الف مبروك

الله يبارك فيك

المشاركة الأصلية كتبت بواسطة kareem.elaraby

متابع

تشرفنى