مقارنة بين :
1 - دايو نوبيرا
2 - هيونداى جيتز
3 - فولكس واجن بوينتر
4 - شيفروليه أفيو
عرض للطباعة
مقارنة بين :
1 - دايو نوبيرا
2 - هيونداى جيتز
3 - فولكس واجن بوينتر
4 - شيفروليه أفيو
طبعا بكلم على جديد مش مستعمل
و يريت لو أمكن طرح المميزات و العيوب
انا شايف ان لا وجه للمقارنه كلها فئات مختلفة تماما
من جيتز لنوبيرا صعبه جدا
أصل الثمن متقارب
رأيى أفيوو
استبعد البوينتر خالص
لو عاوز هاتش باك هات الجيتز
لو عاوز سيدان كبيره و متجربه و مشاكلها محدوده جدا لكن شكلها قديم يبقي نوبيرا
عاوز شكل حلو و سيدان معقوله هات الافيو
المهم شوف انت عاوز ايه من العربيه
الجيتز عربيه شبابى بماتور قوى
ليه تستبعد البوينتر خالص بس
اثبتهم
تقنيات الماني
صنع برازيلي اللي بتعمل البيتيلز من سنه 60 وكتير من السيارات الفولكس المحترمه والمحترمه جدا و
اكثرهم اعتماديه كفايه انها فولكس واللي يفتخر كل اللي معاه السيات و الاكتافيا انهم تبع فولكس جروب
اسعار قطع الغيار بتعتها بره التوكيل رخيصه وكتبتها في موضوع اسبارك ولا بوينتر
بس وضح لنا اسباب الاستبعاد وانا حاضر
أولا حضرتك عايز سيدان ولا هاتش باك؟
لو سيدان يبقا اختيارك بين أفيو و نوبيرا و بصراحة مش هقدر أفتيلك فيهم
بس لو سألتني عالبوينتر هقولك أنا عامل بيها 40.000 كيلو في سنة و 8 شهور من جوا البلد و برا البلد و سفريات قصيرة و رحلات طويلة بتوصل ل600 كيلو one shot بالتكييف و من غير - صيف شتا - طرق وعرة جدا و طرق ممهدة
بكل أمانة ما غيرتش فيها غير زيت و فلاتر - (و حاجات بسيطة تبع الضمان زي الكلاكس)
العربية ما شاء الله عفية جدا و معدومة الأعطال تقريبا
و ماتنساش عامل الأمان العالي فيها كمان
استبعد البوينتر لسببين
1.قطع غيار غاليه حتي لو بره التوكيل
2.سعر اعاده البيع في الضياع
لما تبقي مع واحد صاحبي من الزيرو موديل 2004 و شاريها ب 70 الف
و يجي يبيعها السنادي ب 45 الف و مش عاوزه تتباع
يبقي بلاش منها