هي الياريس الجديدة نزلت يا جماعه؟
عرض للطباعة
هي الياريس الجديدة نزلت يا جماعه؟
مع احترامي ليك، لو مكنتش عايز المناقشة تروح في الاتجاه ده والناس تقارن شركة بشركة وبلد ببلد بدل ما تقارن منتج بمنتج (سيارة بسيارة أخرى في نفس الفئة السعرية)، يا ريت كنت تراعي ده في العنوان: "من رينو لتويوتا .. دمعتك على خدك أكيدة"، قد إيه عنوان مستفز وبيحمل "التعميم" اللي بتكافح وتناضل عشان الناس متقعش فيه وهي بتحط الردود، إزاي انتا وقعت في التعميم ده وانتا بتحط العنوان؟ يا سيدي الفاضل، الناس اللي بتعمم وتقارن شركة بشركة بترد على سيادتك، وبتحاول تثبت إن من "رينو لتويوتا" دمعتك على خدك مش أكيده ولا حاجة، وقبل ما عينك تروح تحت اسمي وتشوف أنا راكب ايه، أنا راكب كورولا، ومركبتش فلوانس ومعرفش إنهين أحسن، وبقرا الموضوع عشان استفيد وبس من اللي جرب الاتنين فعلا، بس حبيت ألفت نظرك لموضوع العنوان لما لاحظت ردودك المتكررة اللي بتطالب الناس فيها إنها متعممش. ولعلمك أنا مش حاسس إنك أخطأت في العنوان، بالعكس، العنوان بيدل على طريقة تفكيرك وحكمك على شركة إنها أحسن من شركة لمجرد إنك جربت عربية من هنا وعربية من هنا. أنا بس مش عايزك تلوم الناس اللي بتعمم، وتبحبحها شوية في المناقشة زي مبحبحتها في العنوان.
الموضوع دة في حاجة مش مظبوطة ....ازاي تقارن فلوانس بكرولا أساسا ...
عموما أنا هحاول أضيف معلومة ...
أنا معايا كورولا ٩٨ ...واحد صاحبي في نفس الوقت جاب ميجان ٩٨ برضه ...
فرق السعر كان ٢٥ ٪ زيادة لصالح الميجان (أول دفعة تركي تنزل مصر وكانو ضاحكين عليه ومفهمينه أنها فرنساوي ، هو جاب من بتوع مصريه )...
المهم علي مر السنين بدلنا عربيات كتير من باب الترويش أيام الجامعه وسافرنا وكدة ...
أقدر أقول بكل ثقة ...
لا يصح بأي حال من الأحوال مقارنة الفئتين ....
الميجان فئة أعلي من الكورولا في كل حاجة ..
ركوبة وسواقة وهيبة وعد زي ما أنت عايز ...
الميزة الرئيسيه في الكورلا هي الإعتمادية لاكن طول عمري بحس أنها فقيرة جدا تكنولوجيا حتي عند مقارنتها بلانسر وسيفك رغم أنها في رأيي أحسن منهم .....
دة غير إني متأكد إن الكرولا في مصر سعرها مبالغ فيه جدا جدا وخصوصا لما تنزل خليجي ، لو الخليجي ياباني وبنفس السعر يبقي كدة تهجيص من التوكيل في السعر ...
(إعتقد إن اللي يمشي علي الميجان يمشي علي الفلوانس )
وبالتالي فصاحب الموضوع معاه كل ألحق في رأيه ...
اﻷخ abdelmoneem.. سعدت بصراحتك جداً
و فعلا العنوان قصدت فيه التعميم و الاثارة زي مواضيع المقالات و عناوين الاخبار و بعد ما تقرأ تفهم تفاصيل الموضوع
و طبعا فالنهاية الحكم علي تفاصيل الموضوع
anxx.. اي عربيتين بنفس السعر قابلين للمقارنة..الاساس انك معاك فلوس و عاوز تشوف تجيب بيها ايه
و عموماً. .كوروللا احسن ناس ياجماعة..انا اسف
أنا إتفرجت على فلوانس 2014 الكاملة كله كله كله
فيها كل الكماليات اللي وردت واللي موردتش بإستثناء شاشة جي بي إس (ممكن تستوردها وتركبها لأنها بتنزل في موديلات خارج الشرق الأوسط)
تجمييع كوري ولو أنا غلطان صلحولي
وأنا شايف إنها لو تجمييع كوري هتبقى ميزة مش عيب
أسوأ حاجة فيها خلتني أصرف عنها نظر تماماً
حاولت أقعد في الكرسي الخلفي معرفتش
متفهمنيش غلط
المساحة واسعة فعلاً للرجلين
لكن قاعد تاني رقبتي لتحت لأن راسي لازقه في السقف
لو واحد هيقعد ورا لا يزيد طوله عن 165 سم عشان يقعد مرتاح
الكورولا محصلش المشكلة دي فيها
وإن كنت بسمي الكورولا مقارنة بالفلونس
عربية قرعة باعتمادية عالية
لكن مش هينفع أجيب عربية مش بعرف أقعد في كرسيها الخلفي
المشكلة دي ظهرت معايا في الألنترا الجديدة برضه
-
الفلوينس اللي بتجيبنا تجميع تركي مش كوري
و انا يا زعيم طولي 182 سم و بقعد في الفلوينس من ورا عادي جدا
كل مشكلتها ان مسند الراس لو مش مرفوع بيكون واطي و بيخبط في ظهري و طبعا الحل ترفعه و تسند راسك عليه احسن
و مفيش فرق بين الجديده و القديمه في الموضوع ده لان اللي معنا 2011
يعني أنا الوحيد اللي راسه بتخبط في السقف ورا ؟
وطولي زيكم ؟
ـ
مش بنكدبك
بس فيه قعدة عادية..و قعدة تشب كده عشان تشوف راسك حتخبط ولا ﻷ..مع انك و انت قاعد عادي بتبقي ريلاكس مش شابب
اصلا انا الواد ابن اختي 181 سم..مش بيرضي يركب لما بنبقي طالعين مع اختي غير في عربيتي