اولا انا مبسوط جدا لانضمامى للمنتدى الجميل ده
وعندى استفسار محيرنى انا ان شاء الله نويت اشترى عربيه وبقارن ب 3 عربيات من حيث الامانوقطع الغيار ومراكز الصيانه واسعار الصيانه خارج وداخل التوكيل
جيتا موديل 2007 او 2008 --- تويوتا كرولا موديل 2009 --- رينو فلوانس موديل 2011
ياريت بجد تفيدونى لكل الى مجرب التلت عربيات دول
وشكراااااااااااااا
فين الردود الجميله يا جماعه ؟؟؟؟
الامان هيبقى
جيتا - فلوانس - تويوتا
قطع الغيار
تويوتا - فلوانس - جيتا ( فى اعتقادى فى التوافر مش الاسعار لان ال 3 قريبين و ان كان اغلاهم الجيتا )
مراكز صيانة ( التلاته ليهم ناس بتفهم فيهم و اكترهم التويوتا مفيش اى تكنولوجيا فيها )
التوكيل ( فلوانس فى المقدمه التوكيل محترم جدا و معرفش ظروف الجيتا و التويوتا ايه بالظبط )
اسعار الصيانة فى التوكيل هتلاقى ال 3 قريبين برضه
ثبات مثلا الجيتا تتفوق بعدها الفلوانس و من بعيد شويه التويوتا
الفلوانس متوسطة بينهم فى كل حاجة و كماليات اكتر و موديل احدث توكل على الله و هاتها
الف شكر يا باشا على المعلومات الجميله دىاقتباس:
المشاركة الأصلية كتبت بواسطة algazar2
جيتا افضل عربية فيهم ومتنساش انها الماني يعني التوب في العربيات
رأي رينو الحل المتوسط والفخامة ليه ثمن فالنهاية
لو عاوز تويوتا يبقي 2010 + متجبش 2009 علشان مشاكل الفتيس
مجرد رأي فقط
والله اعلم ..
خليك فى الوسط (فلوانس )
شكرا جدااااااااااا
الفلوانس ممتازة .... احلاهم وافخمهم شكلا ..احدثهم زمننا....اوسعهم صالون...... وباقى المعلومات المطلوبة هى الوسط بالتالى هى الى تكسب