انا بقالي شهر مش بشوف اي بنزينة فيها 80 و حتى اللي كان فيهم 80 اتلغى و اتشال منها
يا جماعة لو حد يعرف بنزينة في القاهرة فيها 80 يقولى على مكانها
عرض للطباعة
انا بقالي شهر مش بشوف اي بنزينة فيها 80 و حتى اللي كان فيهم 80 اتلغى و اتشال منها
يا جماعة لو حد يعرف بنزينة في القاهرة فيها 80 يقولى على مكانها
بنزين 80 موجود بمحطات التعاون.
لو لقيت شارع واقف وطوابير عربيات مصفوفة
اعرف ان في بنزين 80.
الاسكندرية متوفر فيها في طريق العجمي ,وسط البلد اما الكورنيش مش بينزل فيه
يمكن طلع اسبوع الساحل ولا حاجة
المنصورة فيها ال80 فى كل المحطات
المحله عندي فيها 80 برضه
لكن اوقات و اوقات و بيبقي فيه زحمه عليه لو موجود
لكن دايما موجود العصر من غير زحمه
العاشر من رمضان في جميع المحططات متوفر من غير طابور
فعلا يا جماعة البنزين 80 واضح انة متوفر في الاقاليم لكن المحافظات الكبري زي القاهرة و الاسكندرية مش متوفر زي الاقاليم اية السبب؟؟زيادة الطلب واعتقد والله اعلم ان اصحاب البنزينات بيخلطوه ب 92 او 90
استاذ محمد انت كلامك صح بس عايز اقول لحضرتك علي حاجة اي عربية جديدة لو غيرت البنزين الي بيطحط ليها حتلاقيها تعمل مشاكل معاك في الاستجابة و السحب و من الاخر بالبلدي ( ختكركر منك ) فا مفنكرش موضوع الخلط دا زي الاول لانه لو موجود فعلاً بيبان اوي لان في كذا عضو محترم معانا في المنتدي مونوا عربيتهم من بنزينات مش كويسة كان الموضوع فيه تنظيف رشاشات و كلام كبير و تفليل لكفاءه العربية فأفتكر ان موضوع الخلط دا قل شوية لان العربيات الجديدة بتكتشفوا بسرعة غير زمان في العربيات الكاربراتير
كلام جميل يا استاذ مؤمن لكن في قسم الدايو في عضو كريم معاه عربية لانوس 2008 وبيحط لها 80 وبيقول مش فارقه في السحب ,والراجل ماشي بال 80 تمام ,في قسم الهيونداي ناس معاها فيرنا وبتحط 80 وماشية تمامم ,في البنزينة بشوف لانسر وماتريكس وعربيات عجيبة بتحط 80 انا مش بتكلم عن اضرار ال80 وهل يصلح للعربيات الجديدة ام لا ؟انا بس عاوز اوضح لك ان دة ممكن يكون بيحصل ,اية رائيك ؟
و الله جضرتك ممكن يحصل من الناس الكلام دا .... بس في حاجة كل عربية بتنزل في الكاتلوج بتاعها البنزين الي مفروض تستخدموا علشان الاوكتان الي بستختدم في كل عربية له علاقة بنسبة الانضعاط في المحرك ..... و انا عندي مثال العربية الاسباروا الجديدة 2008 مكتوب علي التانك بتاعها من الداخل Only 95 بس طبعاً نظراً لعدم توفره اوي و غلو سعره فا التوكيل بيقول استخدم 92 بس اصحاب السيارات بيقولوا احنا بنحاول بحط 92 مرة و 95 مرة علشان تريح الموتور و انا كان عندي مرضوع بالنسبة النقطة دي
http://www.nilemotors.net/Nile/showthread.php?t=35238
بس الي انا بقوله اني لو استخدمت بنزين غير الموصي عليه المصنع ( اوكتان اقل يعني ) حيأثر علي الموتور و العمر الافتراضي بتاعه