الموضوع: اعتذار للعضو الفاضل mohamed878 وتحذير من محمد اصلان والشيخ عادل الميكانيكى

اولا انا باعتذر للعضو الفاضل محمد صاحب مشكلة الفليشيا وقصة تسقيط الموتور واللى حصل معاه
ثانيا باعتذر لاى عضو كنت قلتله روح للشيخ عادل الميكانيكى ومكنش راضى عن شغله
ثالثا محمد اصلان مبقاش زى الاول ولا هو ولا الشيخ عادل اللى انا بتعامل معاه بقالى فوق العشر سنين بس خلاص ياجماعة للاسف فى نوع لما بيوصل لمرحلة انه لاقى نفسه الرجل بقت رايحة جاية عليه والناس بتجيله من اخر الدنيا بيتنفخ بالبلدى كده

امبارح اتفقت مع محمد صاحب المشكلة انى اقابله واروح معاه للشيخ عادل النهاردة الصبح قبل الصلاة وبصراحة اول مرة اتعرف على محمد النهاردة كان كل كلامى معاه من خلال المنتدى او التليفون واول مشكلة قابلته فالعربية وصفتله محمد اصلان والشيخ عادل وقاللى ان اصلان قريب منه توكل على الله وراح له المهم فك وقال له الوش فيه مشكلة ولازم يتغير وبالفعل اشترى وش استيراد ب 1000 جنيه وهو اساسا رايح بيشتكى من ترزيع وخبط فالموتور المهم طبعا قفل الوش الاستيراد وبعد ماقفل وجرب محمد اصلان قال له على فكرة الموتور ده محتاج يتغير يعنى البشمهندس لما فك الموتور ماشفش حالته عاملة ازاى لا وكمان بعد ماقفل وسمع صوت الترزيع يقول له ان عندى موتور ب 2500 جنيه يعنى مش كفاية لبسه وش سلندر لا وعايز يقلب منه فلوس موتور
المهم محمد بعتلى رسالة عالخاص وقلتله يعمل ايه وكان هو عمل موضوع شرح فيه كل التفاصيل اللى حصلت معاه عند الشيخ عادل لغاية اللى حصل النهاردة


نصيحة اخوية اللى معندوش خبرة اوى فالعربية ياريت ياخد حد معاه فاهم علشان الميكانيكية دلوقتى لما بيلاقو حد كده هياكلوه

موقف حصل معايا انا شخصيا اخويا لسه جايب له عربية لانسر وعرفته على ميكانيكى ورحت معاه وفى مرة حصلت مشكلة فالعربية وراح للميكانيكى لوحده المهم كلمنى بعد مامشى من عند الميكانيكى قابلته وطلعت اجرب العربية بصراحة معجبتنيش وقلتله هنرجع له تانى وبالفعل رجعت له وقلتله العربية الكهربا مش مظبوطة يقول لى لا هيه مظبوطة كده ده عيب تاكيهات عايزة تتظبط طيب ياعم مظبطتش تاكيهات ليه زى مانت بتقول يقول لى اصل هواخوك مقالش المهم طبعا انا عارف انها مشكلة ظبط كهربا مشيت من عنده وقلت لاخويا هابقى اوديك لواحد بيفهم الخلاصة اللى فاهم وعارف هيعرف يتصرف مع العالم دى

انتظرو موضوع عن الميكانيكية اللى ممكن نتعامل معاهم

المشاركة الأصلية كتبت بواسطة khaled lanos

شيء جميل منك انك تحذر الأعضاء من ميكانيكي انت نصحت بيه قبل كدا..واحد غيرك يتكسف يقول او ميحبش يعترف ان الميكانيكي اللي نصح بيه الأعضاء مش كويس.
ربنا يتوب علينا من الصنايعية اللي معندهومش ضمير دول.
تحياتي ليك.

هوووووووووووووووووووو
ده
محمد المنسى
راجل محترم و مش هو بس لا اى حد فى القسم هنا
شكرا على الرد الجميل

لا حولا ولا قو ةالا بالله ياجماعة خلو بالكم من سلسة علم نفسك والله انا ما بحبش حد ينفرد ويتنى عليا ويعمل عليا شغل فقررت انى انعلم اعمل كل صغيرة وكبيرة فى العربية بنفسى صدقونى الموضوع مش صعب هو عاوز قلب جامد ودماغ شغالة بس يعنى هو البية الميكانيكى اتظلت من بطن امة ميكانيكى وفعلا والله احنا بقينا فى زمن الا ضمير حتى لو قلتلى الشيخ التقى الورع الربانى لا آمن له....*