ربنا يكون في عونك
سير الكاتينة لما بيتقطع بيبوظ الصبابات و بالتالي الموتور بيتفك و بيتغير صبابات و جوان وش سلندر و كاوتش صبابات و مصنعية
جرب الاول تركب سير كاتينة رخيص و تشوف فعلا الصبابات اتعوجت ولا لا من صوت الموتور لان اوقات السير بيقطع و تزق العربية و تعمل كل اللي قولت علية و ربنا يستر و الصبابات متتعوجشي
الصبابات بتتعوج لان لما السير بيقطع التقسيمة بتخلف و البستم بيطلع لفوق و الصباب فاتح فبيزقه و يعوجه
حصلت مع كذا حد هنا انه عمل اللي انت عملته و جرب يركب سير تاني بدون فك و لقي ربنا سترها
استحاله تعرف الصباب اتعوج غير لما تجرب او لما تفك الموتور
الخطوات بقي اللي هتعملها من وجهة نظري انك الاول تفك غطاء الكاتينة تتاكد ان السير مقطوع مش ان الميكانيكي بيشتغلك
تاني حاجة لو لقيته مقطوع تطلب من الميكانيكي يجرب بسير قديم من عنده او تشتري سير رخيص تجرب بيهو تسمع صوت الموتور
لقيته كويس يبقي ربنا ستر
لقيته بايظ بقي يبقي قدامك كذا حل
يا تفكه و تصلحة و تجيب الحاجات اللي قولت لك عليها فوق
يا تجيب موتور استيراد بس اظن ان فرق التكلفة هيبقي عالي جدا
استني راي باقي الناس برضة
و ربنا معاك و انا ساكن في الرحاب لو لقدر اساعدك هساعدك
المفضلات