انا عايز اشتري هيونداي اكسنت ؟ إيه رأيكم ؟ إيه أهم مميزاتها وايه عيوبها ؟
انا اول مرة هشتري عربية ايه رأيكم ؟
في عربية Hyundai Accent LC موديل 2005 معروضة 47 ألف ؟ هل السعر ده معقول ؟
عرض للطباعة
انا عايز اشتري هيونداي اكسنت ؟ إيه رأيكم ؟ إيه أهم مميزاتها وايه عيوبها ؟
انا اول مرة هشتري عربية ايه رأيكم ؟
في عربية Hyundai Accent LC موديل 2005 معروضة 47 ألف ؟ هل السعر ده معقول ؟
الأول نورت قسم هيونداي يا باشا
أنا هقولك على رأيي في العربية بناء على عشرة مع العربية دي دامت 8 سنين و 204 ألف كم
أنا كان معايا أكسنت 2005 من الزيرو و لسه بايعها أول الشهر ده
بالنسبة للسعر حسب حالة العربية بس 47 ألف رقم مبالغ فيه
يعني لو العربية فابريكة بالكامل بره و جوه و حالتها ممتازة مش محتاجة مصاريف و كم معقول في حدود 120 ألف كم تعمل أخرها خالص 44-45 الف جنيه
*المميزات:
1- سيارة اعتمادية قليلة الأعطال
2- استهلاك بنزين ممتاز تعملها جوه البلد حوالي 230 كم في الصفيحة لو مضبوطة
3- سهلة الصيانة عند أي حد و قطع غيارها موجودة عند البقال و ببلاش
4- سحب السيارة جيد جدا لحد 80 كم/ساعة و تحس أنها طلقة في التسارع أول في تاني
5- عفشة طرية مريحة في المشي
6- تكييف أداؤه ممتاز (الهيونداي كله تكييفه حلو)
7- حجم السيارة معقول مناسب لأسرة صغيرة
8- زوايا الرؤية من الزجاج الأمامي و الخلفي و المرايات الجانبية ممتازة و تحس أنك شايف الطريق كله من كل ناحية كويس
9- مفيش حاجة اسمها العربية بتسخن - مؤشر الحرارة اخره التلت حتى لو درجة الحرارة 45 و ماشي في عز الزحمة عجلة عجلة على الغيار الأول
*العيوب:
1- الكنبة اللي ورا ضيقة شوية بالذات لو الكراسي الأمامية رجعت للأخر
2- شنطة السيارة حجمها صغير
3- التسارع من بعد ال 100 كم/ساعة بطيء و بعد ال 120 بطيييييييء
4- العربية ثابتة لحد 120 كم/ساعة بعد كده الثبات بيقل بعد ال 150 أنت و حظك
5- لو راكبين 4 أفراد بالغين في العربية هتوطى جامد معاك و لازم تاخد بالك مع كل المطبات
رأيي الأجمالي في العربية أنها ممتازة مقارنة لسعرها فعلا ممتازة
لو أنت مش في مقدرتك تجيب حاجة جديدة زيرو توكل على الله و هات الأكسنت عربية فعلا مريحة
بس أهم حاجة في المستعمل أنك تلاقي عربية حالتها فعلا حلوة
مناسبة لأسرة صغيرة مش للأسر الكبيرة
أتمنى أني أكون قدرت أفيدك
عربيه جميلة جدااااا وسحبها حلو اوى هى معايا 2001 وقطع الغيار بتعتها على فكرة مش غاليه وتكيف حلو اوى بتعها اتوكل على الله بس هو السعر عالى شويه بس لو حاله العربيه كويسه وتستاهل اشترى طبعا
الف شكر يا جماعة ، انا فعلاً استفد جداً من معلوماتكم وتحليلكم الموضوعي للعربية ، ان بصراحه بدور على عربية في حدود ال45 ألف كحد اقصى وميال نسبياً للأكسنت ، بس عايز موديل حديث نسبياً علشان انا خبرتي قليلة جداً في السواقة وعالم السيارات بشكل عام..
لو 45000 بص على الفيرنا او اللانوس افضل بكتير من الاكسنت