ياريت لو حد يوصفلى بالتفصيل الزاى اروح مرور خدمات الشرطه الى فى الدراسه لو انا جاى من طنطا على الزراعى ولكم جزيل الشكر..
عرض للطباعة
ياريت لو حد يوصفلى بالتفصيل الزاى اروح مرور خدمات الشرطه الى فى الدراسه لو انا جاى من طنطا على الزراعى ولكم جزيل الشكر..
رجالة القاهره افيدوه افادكم الله
بص انا هقول على قد اللي اعرفه
لو هتدخل على الدائري وتنزل الحي العاشر عند اكاديمية الشرطه بعد كده من الحي العاشر تنزل على طول الحي السابع بعد كره معرفش بالتفصيل تروح ازاي عارفها بالشبه
هتروح عند نادي السكه تخليه على شمالك وتخش عند امتداد رمسيس بعد كده معرفش
ممكن الرجاله هنا يقولو على طريق اقصر من كده انا قولت اللي اعرفه
كمل فى الزراعى و ادخل على الكورنيش و من ميدان التحرير تخش وسط البلد و تنزل نفق الازهر (اسال من التحرير تروح للنفق ازاى) و هتطلع من النفق طوالى هتلاقى كوبرى ما تطلعوش و تلف من تحته و ترجع تخش اول يمين و هتلاقى على الناصيه مسجد ... هتمشى حاجه بسيطه هتلاقى مرور الدراسه
جزاكم الله كل خير