الموضوع: تجربه الوصول و تنظيف تلاجه النوبيرا

سلام عليكوا يا شباب اجمد قسم هنا
انا النهارده من بعد الصلاه لحد الساعه 6 شعاااااااااال
انا اولا كده مصورتش حاجه عشان الرجاله عندنا في القسم عامله الواجب و زياده
انا بدأت بفك بدرج التابلوه و بعد كده الغطا اللي ناحيه الباب من جنب التابلوه
ثم الفبره اللي تحت درج التابلوه و الفبره الاخبره كانت اخر عتبه الباب و داخله على تحت الدواسه
كل ده حماده و اللي جاي حماده تاني خالصصصصصص
التلاجه كده بالصلاه على النبي تقع داخل فبره سودا مقفله ب13 مسمار كل واحد فيهم عايز ضرب النار من الزانقه اللي حشرينه فيها انا تقريبا سبيت لكل سكان كوريا نفر نفر و انا بفك المسامير دول اماكنهم صعبه اوووي مش عارف ازاي اصلا هما حطوها كده المهم وصلت اني فكيت كل المسامير و برضوا الفبره ماتخلعتش بس بصيت من الفره لما فتحتها عافيه التلاجه طلعت نضيفه بس المروحه نتانه المهم خلعت المروحه بره نضفتها و ركبتها تاني و قفلت
6 ساعات يا مؤمنين بفك و اركب فيها بس الحمد لله المروحه صوتها هدي شويه لكن اداء التكييف زي ماهوا عشان انا مجيش جنب التلاجه و التكييف اصلا كويس
و ديه التجربه و مستني تعليقاتكم