-
احرق الشقة بالعفش الى فيها وتبقى النيابة وقت لما تيجى تعاين تقول الى هى عاوزاه ساعتها هما هيجوا على ملا وشهم علشان حاجتهم الى جوة حضرتك معاك مايثبت طرد الناس دى هتدخل شقتك فى ودجود المحامين و الشرطة والنيابة وكل الناس الحلوة دى ودة الحل احرق المكان اعمل كارثة تخلى الشرطة تيجى هى والنيابة
-
ويبقى كدة هربت من قضية التبديد لان دى حريقة قضاء وقدر ماس كهربائى عقب سجارة اى حاجة
-
الحوار ده حصل بنفس الطريقة من محاميين كانو مستأجرين شقة في عمارة واحد صاحبي
بس الموضوع موصلش لمحاكم خالص ولا لمحضر اصلا
هم عقدهم انهى وكانوا بيتأخرو في دفع الايجار وبعد كده طلبوا من والد صاحبي يمدلهم كمان شهرين حتى لو بدون عقد علشان يظبطوا حالهم
في آخر الشهرين مطلعوش وبدأو يماطلوا
والد صاحبي ده معارفه كويسة في المنطقة خصوصا كبار واعيان ومشايخ المنطقة راح قعد معاهم وكلمهم وفهمهم الوضع كله وطلع حد مهم عارف ناس في المنطقة عندهم
المهم اتصلوا بالمحاميين دول وقعدوا مع الناس دي كلها وحكموا عليهم انهم فورا يخلوا الشقة وكمان التأمين هيتحجر لغاية آخر فاتورة كهرباء تخصم وكان في تلفيات في الحمام والمطبخ كانوا هيدفعوا تمنها بس والد صاحبي اتنازل عنها
حاول تلجا للحل ده تشوف مين عندك كبير في المنطقة وليه اسمه وتجمعوهم وهم هيخلصولك الموضوع كله باقل الخسائر
وبلاش موضوع الحريقة ده لانك متعرفش ممكن الحريقة دي تمتد لفين وممكن ماتعرفش تسيطر عليها
-
احنا كلنا بنفتي ولك طبعا تستوحي مننا فكرة تنفذها وربنا يعينك
انا ممكن اجمع فكرتين من الي اتقالوا فوق في شكل جديد - انت تروح تعمل محضر انك معاك حكم ومعاك أمر تمكين وروحت يوم كذا للتنفيذ وجدتها مغلقة - وان المستأجر "هددك" اذا لم تتنازل هايحرق الشقة او ينقل الموجودات الي فيها ويتهمك باقتحام الشقة وتبديدها وبما انه رافض المغادة وتنفيذ امر المحكمة بالتمكين فانت بتحمله المسئولية كاملة عن الشقة ومحتوياتها
وبعدها اعمل الي انت عايزه - تحرق - تكسر الباب وتروح تبلغ ان الجيران قالولك انهم بينزلوا الحاجة وتستشهد بمحضرك الاولاني الي قولتلك عليه فوق - وتحمي نفسك في النهاية من اي مسائلة قانونية - وهم محامين يا بيه وانا صغير معرفش حاجة يا بيه :welcome1:
زي في المسلسلات الاجنبي - لما واحدة تطلع "امر بعد الاقتراب" لواحد علشان مايطاردهاش - وتكون هي بالي تطارده :ma:
-
بص ياكبير سيبك من موضوع البلطجية هما كده خلاص خدوا حكم طرد بس المشكلة دلوقتى عند بتوع تنفيذ الاحكام تشوف اى محامى قريبك او معرفتك يكون شغال فى السوق وعارف مداخل بتوع تنفيذ الاحكام عشان الناس الغالبية العظمى منهم مرتشين وانت بنسبه لهم مصدر دخل محتمل مش مواطن واهم واحد فى الليلة دى المحضر الى هينفذ وبيبقى اسمه مكتوب فى ورق التنفيذ ممكن يكتب اى حاجة فى الورق بالفلوس يعنى ممكن بعد متكسر الشقة يكتب انها خالية معى انها مليانة عفش وورق وكله بحسابه
-
لا يفل الحديد إلا الحديد
شوف محامي شاطر هينفخهملك
مش عارف انا إيه الناس دي اللي بتقبل الحرام على نفسها بالبساطة دي!!
-
ربنا يعينك علي بلوتك
انا مش عارف الحل ايه بس انا شايف ان المفروض تكسر القفل وتغيره وتجيب اي حد يقعد فيها بعقد جديد ممكن يكون مبتدي من فتره وساعتها معتقعدش ان في اي مخالفة قانونيه ضدك لان قانونا عقدهم منتهي ودي شقتك وعقدهم منتهي من سنتين
سيبك من حوار حرق الشقه والكلام ده لانه هيدمرلك الشقه وممكن يدمر العماره كلها ويروح فيها ارواح ناس
وبلاش بلطجه عشان دوول اكيد يعرفو بلطجة بعدد شهر راسك
-
لا حول ولا قوة إلا بالله بص واضح أنك أنت و والدك ناس محترمين و مالكمش فى الشغل ده فاللأسف ما ينفعش معاكم معظم النصايح دى ما عدا نصيحة واحده و هى أنكم تجيبوا محامى صايع و تتفقوا معاه و هو إللى يتصرف و ياخد إللى ياخده بس المهم يطلعهم وتخلصوا منهم
-
مع كلالاحترام للجميع حتى الان الحلول غير واقعية
كلها تهدديد وحرق شقة واغلاق شقة او فسخ الشقة وهناك عهدة وممكن يتبلوا عليا انى اقتمحت الشقة وسرقت مليون جنية منهم كشكشوى كيدية
-
ياباشا عندك حلول شرعية : ديوان مظالم - تنفيذ احكام ونيابة - شكوى فى نقابة المحامين - تستعين بمحامى من شاكلتهم
طول ما انت واقف خايف تاخد خطوة مش هتعمل حاجة
ياعم انت لو روحت ظبطت عربية مطافى و رشيت عليهم فلوس و عملت بلاغ رسمى اتسجل عندهم هيجوا يفتحوا لك الشقة بدون حريق
Content Relevant URLs by
vBSEO 3.6.0 PL2