كاوتش الصباب هتحتاج انك تروح لميكانيكى عشان يفك وش السلندر, و بعد كدة تاخد وش السلندر تروح لخراط عشان يغيرلك كاوتش الصباب, او ممكن الميكانيكى يبعتهولك لو هو يعرف خراط, و طبعاً هتكون متفق مع الميكانيكى و تروحله فى يوم من الصبح عشان يسيب العربية تبرد و يعرف يفك الوش
اجرة الميكانيكى فى حدود 150 - 200 جنيه... اجرة الخراط فى حدود 100 - 150 جنيه
الحاجات المطلوبة:
طقم كاوتش صباب - جوان وش سلندر - جوان تاكيهات - جوان مانيفولد - جوان فرن الشكمان (او ممكن تريح دماغك و تجيب طقم جوان موتور و هتلاقى فيه كل حاجة) - جركن زيت النوع اللى بتستخدمه
طبعاً لو هتعمل صيانة و تغير سيور او جوانات مسربة يبقى تعملها بالمرة و الميكانيكى شغال فى العربية.
و العربية مش بتحتاج تليين بعدها خالص.
المفضلات