الموضوع: أخيرا عرفت سبب ضعف فرامل الدايو وعرفت الحل

المشاركة الأصلية كتبت بواسطة eng.geo

أولا بعد غياب مش عارف قد ايه بس أديني رجعت
طبعا كلنا عارفين ان فرامل الدايو عيانة
للي مايعرفش فانا معايا نوبيرا ومعدل فرامل ورا ديسكات ومع ذلك بحس اني بقف بالعافية
ولكن .... بعد الأكتشاف ده ... هو مش أكتشاف أصلا ده في كتالوج الدايو أساسا
بعد ما كنت فاكر أحمد عبدالهادي كان بيقولي زمان ان فرامل الدايو لازم يتاخد هوا فيها كروس
وبعد ما واحد صاحبي بعتلي الكتالوج ... مع انه عندي بس مفتحتش الحتة بتاعة الفرامل وأخد الهوا منها
من الأخر كدة .. المشكلة اننا مابنعرفش ناخد هوا مالفرامل ... بالعكس داحنا بنعكها أكتر
ده من الأخر كدة صورة صورتها مالكتالوج بتاع اللانوس

وبعد التجربة في عربية لانوس مش معدلة فرامل ... بقت فراملها أحسن من عربيتي !!!!
انا أفضي من أم الأمتحانات ده وهعملها
من الأخر كدة عشان الناس تاخد بالها
مكتوب
الترتيب في أخد الهوا من العجل ... ورا يمين .. قدام شمال ... ورا شمال ... قدام يمين
وطبعا حوار تكارك ده فكسان وغلط
الصح تدوس علي دواسة الفامل وتفضل دايس وحد تاني يفك الصامولة اللي عالماستر بتاع العجل ... الدواسة تنزل عالأرض ... هو يقفل الصامولة ..... تسيب الدواسة بالراحة خالص
استني 15 ثانية وأعمل الحركة ده تاني
هيتعمل الموضوع ده 10 مرات أو أكتر في كل فردة
يفضل لو تغير زيت وتجيب زيت نضيف بالمرة يكون dot 5

طبعا مكتوب انك لو كاركت هيبقي في صعوبة انك تطلع الهوا مالفرامل !!! ... وده اللي بيحصل معانا كلنا
الميكانيكي طبعا متعود ... كارك يا باشاااااا ... وطبعا ولا تركيب ولا حاجة ... العجلة اللي واقف جنبها بياخد منها هوا

معلش عندى سؤال هو ورا يمين ده فين بالضبط اللى ورا السائق وللا الناحيه التانيه