ما مدى إمكانية تركيب immobilizer للعربية ؟

**freeman207** · 24-05-2013 11:12 PM

المشاركة الأصلية كتبت بواسطة dadapharma

الحمد لله تم التأكد من تجهبز السيارة بالأموبليزر
بعد صلاة الجمعة رحت أعمل نسخة على المفتاح .. المهندس أختبر المفتاح على جهاز و قالى ده مشفر.. قلتله أن فى حد تانى عندك قالى أن الألنترا مالهاش شفرة!! قالى أنا معايا ألنترا و ليها أمبليزر و بالصدفة دخل واحد عشان يعمل نسخة لمفتاح ألنترا منوال و المهندس ورانى الفرق على الجهاز .. الجهاز بيجيب نوع الشريحة و التشفير أو يقول مفيش شريحة أصلاٌ.. تم تجربة النسخة و فعلا لمبة الأمبليزر مانورتش و المارش دارعادى بس الماتور ما أشتغلش(فى الغالب بيفصل طرمبة البنزين و أحتمال البوجيهات)
ملاحظات: قفلت العربية بالريموت و حاولت أدور بالمفتاح المقلد الأنزار ماضربش و اللوك فتح بس الماتور مادرش .. الماتور دار مع المفتاح الأصلى فقط!! طيب أنا عندى أومبليزر .. الى ماعندوش الوضع أيه؟؟ مع العلم أن المهندس قالى لما تقفل بالريموت فى كتاوت فصل و العربية مش هتدور !!
برجاء ملاحظة وجود فرق سعر 7000 جنيه بين الفئة الأولى بين كلا من الفئة التانية و التالتة .. الفرق فى الفئة التانية الجنوط و فتحة السقف
الفرق فى التالتة الأيرباج (واحدة بس) و الفرامل المضادة للأنغلاق و مؤخرا تم أكتشاف الأومبليزر
و فى الفئة الرابعة الى بتزيد أير باج للراكب الأمامى و بتزيد 2500 جنيه عن الفئة التالتة
الأسعار بالترتيب (ساعة عرض الخصم 5000 جنيه من غبور) كان 145 152 152 154.5 ألف جنيه
طلب للمشرفين وضع المعلومة فى الموضيع الهامة للألنترا لتعم الفائدة

طمنت قلبى الله يطمنك انا افرق بس عنك انى خليجى كل الكماليات فتحة سقف ايرباج واحدة وايه بى اس وجنوط اسبور 15 خليجى سعودى ونفس العلامة بتطلعلى برضه

**SYD** · 25-05-2013 01:29 AM

@ dadapharma

الحمدلله
والف شكر لحضرتك علي التجربة

**dadapharma** · 25-05-2013 01:11 PM

المشاركة الأصلية كتبت بواسطة amagroup

بس احنا برده موصلناش لحل
نعمل ايه عشان نأمن العربيه يعني انا واحد عندي انذار اخلي الكهربائي يخلي طرمبة البنزين تفصل مع
lock العربيه وكمان المارش مثلا
ولا اعمل ايه

المفروض أن أنذار الألنترا حسب كلام المهندس الى عملى المفتاح بيفصل الطرمبة لو قفلت اللوك, يا ريت حد يأكد المعلومة ,بس الى معاه ألنترا من غير أموبليزر .. فى جهاز بيركب فى التوكيل مع الأنزار ب400 جنيه أعتقد حساس للصدمات هسأل عليه أن شاء الله فى صيانة الألف + قفل الدركسيون و الغطا و مكان أمن أو جراج و قبل ده كله الدعاء لله..

**adelghanem** · 27-05-2013 11:55 AM

متابع

**DEVILRIDER** · 27-05-2013 12:18 PM

انا معنديش لمبة بتنور ولا حاجة بس عايز اسال هو فيه فرق فى الشكل بين المفتاح العادى و المشفر و يا ريت لو فىه صور

**ibnmoaz** · 27-05-2013 12:48 PM

لسه من اقل ساعه في قسم تعديﻻت السيارات. صديق حاطط الموضوع ومصور الجهاز وسعره وكل حاجه .اسف على اﻻستعجال وعرفتش احط اللينك

**amagroup** · 27-05-2013 02:03 PM

http://www.nilemotors.net/Nile/359774-a.html
شوف اللينك ده

**FOREX EAGLE** · 27-05-2013 05:52 PM

انا معايا النترا فولي لوددي وفيها سمارت كي وايموبلايزر ...بس كنت حايز اعرف لما السمارت كي يبعد عن العربيه بتفصل بعد وقت اد ايه مثلا ؟ يعني لو المفتاح كان بعيد عن العربيه لفتره اد ايه العربيه تبطل ؟
وشكرا ليكم

**esam_ayad** · 01-06-2013 08:55 PM

المشاركة الأصلية كتبت بواسطة dadapharma

المفروض أن أنذار الألنترا حسب كلام المهندس الى عملى المفتاح بيفصل الطرمبة لو قفلت اللوك, يا ريت حد يأكد المعلومة ,بس الى معاه ألنترا من غير أموبليزر .. فى جهاز بيركب فى التوكيل مع الأنزار ب400 جنيه أعتقد حساس للصدمات هسأل عليه أن شاء الله فى صيانة الألف + قفل الدركسيون و الغطا و مكان أمن أو جراج و قبل ده كله الدعاء لله..

اللي أعرفه ان الالنترا هنا في الكويت نازله بإيموبليزر وده أنا شفته بنفسي ومرسوم كمان علي إزاز العربيه " تحذير أمان السياره Immobilizer وفي مفتاح جوه عربيه وطالع منه حاجه زي الاشعه كده "

وقصة الجهاز بتاع التوكيل أثبت فشله بعد الفيديو اللي انتشر للعربيه الالنترا اللي اتسرقت من قدان كوك دور وكانت صاحبتها لسه مركبه الجهاز ده في التوكيل.