السلام عليكم ورحمة الله وبركاتة ..
عاملين ايه يا رجالة ... ؟
كنت عايز اسآلكو فى سؤال كده عالماشى ,, رخصت العربية وقعت . دلوقتى لو عملت محضر فقد للرخصة , دة يمشينى كام يوم ؟ ولو وقفت فى لجنة هيحصل ايه !
عرض للطباعة
السلام عليكم ورحمة الله وبركاتة ..
عاملين ايه يا رجالة ... ؟
كنت عايز اسآلكو فى سؤال كده عالماشى ,, رخصت العربية وقعت . دلوقتى لو عملت محضر فقد للرخصة , دة يمشينى كام يوم ؟ ولو وقفت فى لجنة هيحصل ايه !
لازم محضر فقدان للرخصة بأسرع وقت في القسم اللي تابع ليه.. وبعدين تروح المروربالمحضر وتشوف المطلوب ايه بس مبدائيا هيقولك تعالي بعد أسبوع عشان يتأكد من الوحدة انها مش عندهم وانها ضايعة مش مسحوبة .
هتعمل محضر في القسم
وبعدين تروح نيابة المرور تجيب شهادة مخالفات
وبعدين تروح على التراخيص هيطلع ملف العربية ويديلك رخصة مؤقتة لمدة شهر تجدد لمدة 3 شهور وكل مرة بشهادة مخالفات
الكلام ده اللي حصل معايا من 2010 مشعارف دلوقتي صراحة ايه النظام؟
للعلم.. المحضر فقدان الرخصة ماينفعش تمشي بيه غير 24 ساعة..
أينعم تقدر تستخدمه في وحدة المرور عادي في اي وقت لكن في اي لجنة أو كمين ماينفعش تعدي بيه غير في نفس يوم عمل المحضر وإلا تعتبر ماشي بدون تراخيص
طيب يا رجالة انا صعب اروح المرور دلوقتى ,, لو استنيت اسبوع مثلا ؟ بس عملت محضر ومشيت بيه يحصل حاجة ؟
باشا .... رخصة العربيه هى الاثبات الوحيد ان حضرتك صاحب العربيه يعنى من غيرها لو وقفت فى كمين مباحث هتشرف مع العربيه فى القسم لحد ما يشوفو اصلها و فصلها و لو مش باسمك هتبقى لوز العنب
روح المرور و خليك فى السليم عشان مترجعش تقول يا ريتنى كنت رحت
تسلمولى يا رجالة :) ,, طيب عندى سؤال تانى ,, عربية واحد صاحبى رخصته منتهية -- بقالها سنة ودة لآن العربية عليها اقساط , لو وقف فى لجنة هيحصل ايه ؟