[QUOTE=Walid_M;3875011778][right]
[color=darkgreen][size=4][font=times new roman]أنا أسف ...
الظاهر لم أوضح المطلوب جيداً ..
تعال ناخد الموضوع واحدة واحدة !!
احنا في العربيات المانوال بننقل الغيار بتاعنا كل ما السرعة تزيد ننقل غيار لأعلى ..
يعني بندي الأول لغاية سرعة 20 كم / ساعة مثلاً نقوم ناقلين على التاني وعلى 40 كم / ساعة ننقل على الثالث وهكذا ..
طيب إفرض أنا ماشي على سرعة 100 كم / ساعة ومدي الغيار الخامس ..
قمت هديت السرعة وخليتها مثلاً 60 كم / ساعة .. وانا ما زلت ماشي على الغيار الخامس .. ممكن تزود بنزين تلاقي العربية بتعتل وتسارعها بطيء جداً وممكن تسقف كمان !!!
طيب لو نقلت من الخامس للرابع وزودت بنزين حتلاقي استجابة العربية أفضل !!
النزول من الخامس للرابع ده بنسميه تسقيط نقله !!
طيب لو نقلت من الخامس للثالث وزودت بنزين حتلاقي العربية استجابتها افضل كثيراً وتسارعها ممتاز ...
يبقى إحنا هنا سقطنا نقلتين ( من الخامس للثالث ) .
نيجي بقى للفتيس الاتوماتيك ...
احنا في الفتيس المانوال بننقل الغيارات بعصاية الفتيس .. سواء للأعلى أو للتسقيط !!
الأتوماتيك بتنقل لوحدها !!
يعني وإنت على 100 كم / ساعة بيقى الفتيس مدي الغيار الرابع لو هو 4 نقلات فقط !!
طبعاً الفتيسات الجديدة أكثر من كده دلوقتي !!!
طيب لو السرعة نزلت ل60 كم / ساعة حيفضل على الرابع برضه ولو زودت بنزين حسب درجة دوسة رجلك على البنزين الفتيس حينقل !!!
يعني لو دوست دوسة خفيفة شوية حيفضل على الرابع والتسارع حيزيد سنه سنه !!
لو الدوسة بتاعتك أكثر شوية حينقل الفتيس من الرابع للثالث أتوماتيك ( ده بنسميه سقط نقله ) .
لو الدوسة على أخر الدواسة مثلاً الفتيس حينقل من الرابع للثاني وتلاقي العربية حتعمل منك حصان ( وده بنسميه شقطنا نقلتين ) .
أرجو أن أكون وضحت الصورة المرة دي ...
ويا ريت لو حضرتك الصورة لم تتضح جيداً تقول وإحنا بالخدمة !!
يعنى أنا دولت لو ماشى على 120 مثلاً , وعلى الغيار الخامس
وهديت لحد 40 مثلاً , ونقلت الغيار من الخامس الى الثالث ( مثلاً )
يبقى أنا كدة عملت كيك دون
صح كد ولاانا غلطان برده